Mikosi 3:25 - Tshwa Bible

²⁵ Jehova i nene ka vona lava va mu langutelako, Ni ka muhefemulo lowu wu mu hlotako.

Mikosi 3:25 Referans Kwoze

Isaya 40:31

Kanilezi lava va lavelelako Jehova va ta kuma ntamu muswa, Va ta puruma ku fanana ni magama, Va ta tsutsuma va nga karali, Va ta famba va nga rereki.

Tisimu 37:34

Rinzela Jehova, u hlayisa a ndlela yakwe, Na yena i ta ku yimisa kasi wa fumela tiko; U ta wona a kulobyiswa ka lava vo biha.

Isaya 25:9

A ka siku lego va taku: Langutani, loyi hi yena Nungungulu wa hina; Hi mu tsumbile, i ta hi ponisa; Hi yena Jehova, loyi hi mu rinzeleko, A hi tsakeleni kuhanyisa kakwe!

Mikosi 3:26

Zi sasekile akuva munhu a rinzela hi kurula A kuhanyisa ka Jehova.

Tisimu 27:14

Rinzela Jehova, uva ni ntamu, A mbilu ya wena a yi tiye, Ina, rinzela Jehova!

Tisimu 37:7

Rutisa mahlweni ka Jehova, u mu rinzela hi lihlaza-mbilu; U nga zangari ha yena loyi a vuvumako ndleleni yakwe, Hi kota ya munhu loyi a humelelako hi makungo yo biha.

Isaya 30:18

Hikwalaho Jehova i ta rinzela, a kala a zi kota ku mu tsetselela; i ta kuliswa kasi a fela ku mu zwela wusiwana. Hakuva Jehova hi Nungungulu a lulamileko, va katekile vontlhe va mu rinzelako.

2 Kronekele 31:21

Ni wihi ntiro a nga wu sangula wa yindlu ya Nungungulu, a wa nayo, ni wa zileletelo, kasi ku hlota Nungungulu wakwe, i lo ti tsitsirita hi mbilu yakwe yontlhe; hikwalaho i lo vuvuma.

Jakobe 5:7

Hikwalaho, vamakabye, timiselani kala Hosi yi wuya. Langutani, a murimi wa langutela a mihanzu yo saseka ya misava, a timisela a kala a kuma a vula yo ranga ni yo gumesa. Deut. 11:14

Hosea 10:12

Ti byaleleni hi kululama, mu tshovela hi wuxinji; rimani wuhlavi ga nwina, hakuva makunu xikhati xa ku hlota Jehova, kala a ta mu nisela kululama.

Isaya 64:4

Hakuva kusukela kaleloko a ku na nga zwiwa, A ku na nga ingisiwa hi ndleve, Ge hambu ku woniwa hi mahlo a Nungungulu munwani Loyi a mahako mitiro ya kunghahi ka lava va mu langutelako.

2 Kronekele 15:2

i lo ya khinga Asa a yaku kakwe: Wena Asa, na nwina nwentlhe vaJuda, ni va ka Benjamini, nzi ingiseni! Jehova i zinwe na nwina, loku nwinawu mu hi naye; loku mu mu hlota mu ta mu kuma; kanilezi loku mu mu tsika, yenawu i ta mu tsika. Deut. 4:29; Jer. 29:13

Isaya 55:6

Hlotani Jehova na a ha kumeka, Mu vitaneni na a ha hi kusuhani!

Tisimu 61:5

Hakuva wena Nungungulu u zwile a zifungo za mina, U nzi nyikile a tshomba ya lava va chavako a vito ga wena.

Tisimu 39:7

Makunu, Hosi, nza ha rinzela yi ni ke? A kutsumba ka mina ku le ka wena.

Tisimu 27:8

A mbilu ya mina yi lo hlamula a gezu ga wena gaku: Lavani nghohe ya mina; Yiku ka wena: A nghohe ya wena Jehova nzi ta yi lava. Deut. 4:29; Isa. 45:19

Tisimu 25:8

Jehova i nene ni kululama; Hikwalaho wa komba vaonhi a ndlela. Deut. 32:4

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

Tisimu 119:2

Va katekile lava va hlayisako wumboni gakwe, Lava va mu lavako hi mbilu yabye yontlhe. Joh. 14:21, 23; 1 Joh. 3:23

Genesisi 49:18

Jehova, nzi cuwukele ku tirulwa hi wena!

1 Va le Tesalonika 1:10

na mu rinzela a Nʼwana a kuta hi le tilweni, loyi yena a nga mu vuxa hi ka vafileko, a nga Jesu loyi a hi hlangutako zangeni leyi yi ta ngata. Miti. 1:11; Rom. 2:7; Fil. 3:20; Maheb. 9:28; 2 Ped. 3:12; Kuv. 1:7

Tisimu 22:26

A va hlokisilweko va taga va xura, Lava va lavako Jehova va ta mu dumisa; A timbilu ta nwina a ti hanye kala kupinzuka. Isa. 65:13; Mat. 5:5

Zefania 3:8

Hikwalaho nzi rinzeleni, ku wula Jehova, kala a siku lego nzi ta nga vuka ha gona nzi phanga; hakuva a mixuvo ya mina hi ku tsombanyisa a matiko, ni ku tlhanganyisa a mifumo, kasi nza chulela hehla ka yona a zanga ya mina, yontlhe a zanga ya mina yi chavekako, hakuva a misava yontlhe yi ta hiswa hi nzilo wa xiluse xa mina.

Isaya 26:9

A muhefemulo wa mina wu ku xuvile ni wusiku, A moya wu nga nzeni ka mina wu hlotisisa wena; Hakuva loku u tsayisa misava kulamuleni ka wena, A vaaki va yona va gonza kululama.

Tisimu 105:3

Ti kuliseni hi vito gakwe go basa, Ngha ti tsaka a timbilu ta lava va lavako Jehova.

Tisimu 61:1

Nungungulu, zwana kurila ka mina, Ingisa a mukombelo wa mina.

Tisimu 69:32

A vakurula va ta zi wona va tsaka; Nwina lava mu hlotako Nungungulu, a timbilu ta nwina a ti hanye!

2 Kronekele 30:19

Jehova wa wuxinji, a tsetselele vontlhe lava va tiyisileko timbilu tabye a ku hlota Nungungulu Jehova, a Nungungulu wa vadadani vabye, hambu loku a nga basiswangi hi ku faneleko lomu ndlwini ya ku basa.

2 Kronekele 19:3

Hambu lezo zi kona zilo zo saseka zi kumilweko ka wena, hakuva wena u susile a zifananiso za Axtarte lomu tikweni, u hlota Nungungulu hi mbilu yontlhe ya wena.

Ezra 8:22

Hakuva nzi wa hi ni tingana a ku kombela ka hosi a butho ga tinhenha ni vakhileli va mahaxi, kasi va hi vikela ka valala lomu ndleleni, hakuva nzi wa ngha nzi byelile a hosi, nziku: A canja ga Nungungulu wa hina ga va yimela vontlhe lava va mu lavako, kanilezi a ntamu wakwe ni zanga yakwe, zilwa ni vontlhe lava va mu fularelako.

Tisimu 71:14

Kanilezi mina nzi ta tsumba wontihe masiku, Nzi ta ku dumisa kambe ni kambe.