Mikosi 2:11 - Tshwa Bible

¹¹ A mahlo ya mina ma mbhela hi mihloti, a mbilu ya mina ya karateka, A nyongwa ya mina ya halakela lahasi hi kota ya mbanga ya nhanyana wa tiko ga mina; Hakuva a zihlangana ni tisana za titivala lomu maruweni ya muti.

Mikosi 2:11 Referans Kwoze

Mikosi 1:20

Jehova, languta a hlomulo wa mina, a moya wa mina wa karateka, A mbilu ya mina yi hunzukile nzeni ka mina, hakuva nzi ti alisile; Le handle a supado yi nzi dayela a vana va mina, te kaya kufa ntsena. Deut. 32:25; Isa. 16:11

Mikosi 1:16

Hi lezi zi nzi rilisako, mahlo ya mina ma halaka mihloti; Hakuva a muchaveleli loyi a nga te ngha a vuxa moya wa mina i le kule. A vana va mina va le kuxanisekeni hakuva a nala i hlulile.

Joba 16:13

A vanyamawure vakwe va nzi ranzele, Yena wa panza a tiswa ta mina, a nga ti neneki; Wa chulula a nyongwa ya mina lahasi.

Jeremia 4:19

Marambu ya mina, marumbu ya mina! Nzi ni kubayiseka mbilwini ya mina! A mbilu ya mina ya radlama-ra-dlama, A nzi zi koti ku miyela; Hakuva a muhefemulo wa mina wu zwile a xiwuta xa mpunzu, Ni tihuwa ta tiyimpi.

Isaya 22:4

Hikwalaho nzi nge ngalo: Mu nga nzi cuwuki, kasi nza tsikwila, Mu nga ti karati mu nzi chavelela hi kota ya kulobyiswa ka nhwana wa tiko ga mina.

Tisimu 22:14

Nzi halatilwe lahasi kota mati, A marambu, ya mina ma khuyukele; A mbilu ya mina yi fanana ni sera, Yi nyekile nzeni ka mina.

Tisimu 6:7

A mahlo ya mina ma mbhela hi hlomulo; Ma lutsumile hi kota ya vontlhe a valala va mina.

Luka 23:29

hakuva ma hata masiku, laha va ta ngaku ngalo: Ti katekile a tingonʼwa, ni marumbu laya ma nga belekangiko, ni mavele ma nga anwisangiko. Mat. 24:19; Xip. 21:23

Jeremia 44:7

Hikwalaho Jehova, a Nungungulu wa tiyimpi tlhelo Nungungulu wa Israeli, i ngalo: Hikuyini mu ti mahelako a khombo legi ga hombe, kala ku lobyiswa a vavanuna; ni vavasati, ni vanana ni zihlangana xikari ka Juda, ku nga sali ni munwe wa nwina?

Jeremia 14:17

U ta va byela, uku: A mahlo ya mina ma chilila mihloti a wusiku ni mumu, a yi yimi; Hakuva a nhwana wa vanhu va mina I panzekile hi mbanga ya hombe, ni khoro gi tshisako.

Jeremia 8:19

Hi ngazwa a gezu ga xirilo ga nʼwana wa xisati wa vanhu va mina, Legi gi humako tikweni ga le kule, giku: Kasi Jehova a nga kona le Zioni ke? Xana a Hosi yakwe a yi kona kakwe ke? Hikuyini va vindlukisileko a zanga ya mina hi zifananiso zabye, Ni vanungungulu va vamatiko ke? Mika 4:9

Tisimu 69:3

Nzi karele hi kurila, a nkolo wa mina wu womile, A mahlo ya mina ma mbhela hi ku langutela Nungungulu wa mina.

Tisimu 31:9

Jehova, nzi mahele wuxinji, hahuva nzi lomu zikaratweni; A mahlo ya mina ma hokoloka hi hlomulo, ni muhefemulo wa mina, ni miri wa mina.

1 Samueli 30:4

Zonake Davida ni vanhu lava a nga hi navo va loba huwa, va rila kala va nga ha kumi ntamu wa kurila.

Isaya 38:14

Nzi wa rila kota mbewulwani, ni kukotisa a nyawukolwe, Nzi tsikwila kota tuva, A mahlo ya mina ma wa karala hi ku cuwuka le hehla; Jehova, nzi le kubayisekeni, nzi hlangute!

Joba 30:27

A marumbu ya mina ma vila, a ma kumi kuhumula; A masiku ya kuhlokiswa ma tile hehla ka mina.

Tisimu 38:8

Nzi rerekile, nzi khubazilwe nguvu; Nzi keta hi kota ya kuxaniseka ka mbilu ya mina.

Tisimu 119:82

A mahlo ya mina ma langutela a zitsumhiso xa wena, Nziku: U ta nzi chavelela rini?

Mikosi 5:17

A timbilu ta hina ti rerekile hi kota ya lezi, Ni mahlo ya hina ma mahile xilutsu,

Isaya 51:20

A vana va wena va titivele, Va etlele mahanzakanyeni ya tindlela kota mangulwe lomu ziyweni. Va popilwe hi zanga ya Jehova, ni kukawuka ka Nungungulu wa wena.

Mikosi 1:11

A vanhu vakwe vontlhe va keta, va lava zakuga; Va humesile titshomba tabye kasi va xava zakuga, kasi ku vuxa wutomi gabye. Jehova, hi nga nzi wona, nzi mahile munhu wo nyenyeza.