Mika 7:16 - Tshwa Bible

¹⁶ A vamatiko va ta zi wona, vawa tingana hi kota ya ntamu wabye wontlhe; va ta ti khoma milomu, vata tindleve.

Mika 7:16 Referans Kwoze

Isaya 26:11

Jehova, a canja ga wena gi na ni ntamu, kanilezi a va zi woni, Va ta wona a kupangama ka wena hi vanhu va wena, vava ni tingana; A nzilo wu ta hisa valala va wena.

Isaya 52:15

Hilezo i ta dzukisa a matiko manyingi; A tihosi ti ta su kaye mahlweni kakwe, Hakuva ti ta wona lezi ti kalako ti nga se ku byeliwa, Ti gonza lezi ti kalako ti nga se ku zizwa.

Joba 40:4

Languta, a nzi wa nchumu, nzi ta ku hlamula yini? Nzi ta ti khoma a nomu wa mina.

Kuvululelwa 11:18

A matiko ma lo zangara, kanilezi a zanga ya wena yi chikele, na xona xikhati xa ku lamula vafileko, ni xa ku chachazela a malanza ya wena a vaprofeti, ni vobasa, ni vona lava va chavako a vito ga wena, a vatsongwani ni vahombe, u tlhela u lovisa lava va onhako misava. Dan. 7:10; Xip. 13:10; 19:5

Va le Roma 3:19

Makunu ha zi tiva lezaku zontlhe lezi a nayo wu zi wulako, wa wula zona ka lava va nga lahasi ka nayo; lezaku kasi ku valiwa milomu yontlhe, ni misava yontlhe yiva ni nanzu mahlweni ka Nungungulu. Ezek. 16:63; Xip. 2:2

Zakaria 12:9

A siku lego nzi ta hlota ku lovisa wontlhe a matiko lawa ma ta ngata ku ta vukela Jerusalema.

Mika 5:8

A misalela ya ka Jakobe yi tava xikari ka matiko ni ka tixaka to tala a ku khwatsi i nghala a xikari ka zihari za khwati, khwatsi i nghalana yi nga xikari ka mitlhambi ya tiyivu, leyi yi nge loku yi hunza yi kanzihela yi hanzula, na ku hi hava loyi a nga ponisako.

Ezekieli 38:23

Nzi ta ti kulisa, nzi ti basisa, nzi ti tivekisa mahlweni ka matiko manyingi; va ta zi tiva lezaku hi mina Jehova.

Isaya 66:18

Hakuva nza yi tiva mitiro yabye ni maalakanyo yabye. A xikhati xata laha nzi ta nga tsombanyisa a matiko wontihe ni tirimi; va tata va ta wona kungangamela ka mina.

Tisimu 126:2

Zonake a milomu ya hina yi wa tele hi mahleko, Ni tirimi ta hina hi kuyimbelela; Zonake xikari ka matiko a vaku: Jehova i va mahele zilo za hombe.

Joba 21:5

Nzi cuwukeni, mu hlamala, Mu ti khoma milomu.

Mavingu 30:32

Loku u mahile wupumbu hi ku ti kukumuxa, alakanya zo biha, veka canja ga wena nonwini, Joba 40:4; Mik. 7:16

Mika 3:7

A zitumbe zi tawa tingana, a vangoma va ta kanganyiseka; vontlhe va ta vala milomu, hakuva ku hava hlamulo wu tako hi ka Nungungulu. Levi 13:45

Hagai 2:22

Nzi ta khungumula a zitshamu za wuhosi za mifumo, nzi ta fuvisa a ntamu wa mifumo ya vamatiko; nzi ta hangalasa a tikareta ni vakhileli va tona; a mahaxi ni vakhileli va wona va ta dawa munwe ni munwani hi supado ya nakulobye.