Mika 4:12 - Tshwa Bible

¹² Kanilezi a va ma tivi a maalakenyo ya Jehova, ge hambu ku pima a xikungo xakwe. Hakuva i va hlengeletele kukotisa milumbi le wuhulelweni.

Mika 4:12 Referans Kwoze

Isaya 55:8

Hakuva a maalakanyo ya mina a hi maalakanyo ya nwina, Ge hambu a tindlela ta nwina a hi tindlela ta mina, Ku wula Jehova.

Jeremia 29:11

Hakuva nza alakanya lezi nzi xuvako ha nwina, ku wula Jehova: maalakanyo ya kurula, na ma nga hi ya khombo, lezaku mu tsumba a masiku ma ha tako.

Luka 3:17

A lihlelo lakwe li lomu canjeni gakwe, kasi ku swiyelisisa a nzhimbo wakwe, ni ku hlengeletela a mavele magombeni yakwe; kanilezi a mungu i ta wu hisa hi nzilo wu nga timekiko. Mika 4:12; Mat. 13:30

Isaya 21:10

Yowe tiko ganga, u hulilweko liranzabyeni ku fanana ni mavele; Lezi nzi zi zwileko ka Jehova wa tiyimpi, a Nungungulu wa Israeli, Nzi zi tlhatlhambutele ka nwina.

Tisimu 147:19

Wa hlawutela mhaka yakwe ka Jakobe, Ni milayo yakwe ni zileletelo zakwe ka Israeli. Deut. 33:4

Tisimu 147:20

A nga mahangi lezo ka manwani matiko, A zileletelo zakwe a ma zi tivi. Dumisani Jehova!

Isaya 10:7

Ahemba, yena a nga sungwi hi lezo, A mbilwini yakwe a nga alakanyi lezo; Kanilezi a mbilu yakwe yi xuva ku lovisa, Ni ku hihirita matiko ya ku tala.

Isaya 29:7

Zonake a xidlemo xa matiko wontihe lawa ma lwako na Arieli, Ni vontlhe lava va vimbezelako muti ni khokhola ga wona, Va ta ku khwatsi i noro, a muwoniso wa wusiku.

Jeremia 51:20

Wena u wa hi xizeze xa mina ni matlhari ya mina ya kulwa; Nzi lo panza matiko ha wena, Ha wena nzi lo lovisa mifumo.

Joeli 3:2

Nzi ta tsombanyisa wontlhe matiko, nzi ma yisa nkoveni wa Jehoxafate, nzi ta va ranisa hi kota ya Israeli, a vanhu va mina ni tshomba ya mina, lava va va hangalasileko xikari ka matiko, va avelana a tiko ga mina.

Jeremia 51:33

Hakuva Jehova wa tiyimpi, a Nungungulu wa Israeli, i ngalo: A nhwana wa Babuloni e khwatsi wuhulelo, a xikhatini va gi kanzihelelako; anzhako ka xikhatana a kutshovela ku ta chikela ka yena.