Mika 1:6 - Tshwa Bible

⁶ Hikwalaho nzi ta hunzula Samaria a maha a nhulu ya maribye lomu masinwini, lomu ku nga byaliwa kona a zivina. Nzi ta chulula a maribye ya kona le nkoveni, nzi funungula a ziseketelo za kona.

Mika 1:6 Referans Kwoze

Ezekieli 13:14

Lezo nzi ta khungumula a khurisi legi mu nga gi tshula hi mhemba, nzi gi wisa lahasi, kasi ku woneka ni xiseketelo xa gona; loku giwa nwina mu ta dawa xikari ka gona. Zonake mu ta zi tiva lezaku hi mina Jehova.

Mika 3:12

Hikwalaho hi kota ya nwina, Zioni i ta rimiwa khwatsi i simu, na Jerusalema i ta maha tinhulu ta maribye, ni xitsunga xa tempeli xi tava xitsunga xa khwati. Jer. 26:18

Mikosi 4:1

Yi hunzulukisile kuyini a nzalama yi nga hatimako? A nzalama leyi yi ringilweko yi hunzulukisile kuyini? A maribye ya wutshamu ga kubasa ma hangalasilwe mahanzakanyeni wontlhe ya maruwa.

2 Tihosi 19:25

Xana a ku zi zwangi lezi nzi zi mahisileko zona kale loko ke? Nzi zi wulile masikwini ya kale nguvu, makunu nzi ta zi maha zi tatiseka, nzi ku nyikile ntamu ku khungumulela a miti ya makhokhola yi maha marumbi.

Mateu 24:2

Kanilezi yena aku kabye: A mu zi woni zontlhe lezi ke? Hizinene nziku ka nwina: Laha ku nga ta siyiwa a ribye ginwe hehla ka ginwani, legi gi ta nga kala gi nga khungumulwa 1 Tih. 9:7; Jer. 26:18; Lu. 19:44

Habakuka 3:13

U humela ku ponisa a tiko ga wena, A ku hanyisa loyi a totilweko wa wena; U faya a langwa la yindlu ya vakubiha, U khungumula a yindlu kala xiseketelweni. (Sela.)

Amosi 5:11

Lezi nwina mu kanzihelako loyi a vumalako, mu mu khupisa hi mavele; hambu loku mu akile a tiyindlu hi maribye yo vatliwa, mu nga ta tshama ka tona,, ni loku mu phayile a zivina za nwina zo saseka, mu nga tanwa a vinya ka zona. Deut. 28:30, 38; Zef. 1:13

Hosea 13:16

Samaria i ta tsayiswa hikuva a vukeleko a Nungungulu wakwe. Va ta dawa hi supado; a zihlangana zabye zi ta pswhandlaselwa, ni vavasati vabye lava va nga ni tinyimba va ta hanzulelwa.

Jeremia 51:37

Babuloni i tava tinhulu ta maribye, A wutshamu ga mahlolwa; Ava xirewukiso ni xihlekiso, A nga hi na muaki.

Jeremia 51:25

Languta, nza ku vukela wena xitsunga xi lovisako, ku wula Jehova, wena loyi u lovisako misava yontlhe. Nzi ta nawuluta a canja ga mina hehla ka wena, nzi ku wumbuluta le ribyeni uwa lahasi, nzi ku maha a xitsunga xi hisilweko,

Jeremia 9:11

Nzi ta maha Jerusalema a tinhulu ta maribye, A wuakelo ga mahlolwa; A miti ya ka Juda nzi ta yi maha marumbi, ku nga hi na munhu. Tis. 79:1; Isa. 34:13

Isaya 25:12

Jehova i khungumule a khokhola ga wena ga makhurisi ma tlakukileko, I gi wisile lahasi tshurini.

Isaya 25:2

Hakuva a muti u wu mahile a nhulu ya maribye; A muti wa makhokhola u wu ma hile marumbi; A wuakelo ga vamatiko a ga hi muti, Cima gi nga ta ha vuxiwa.

2 Samueli 17:13

Loku yena a chavela ka wunwani muti, vontlhe va ka Israeli va ta neha tingoti ka muti lowo, hi wu kokela lomu Congweni, ku nga sali ni ribye ginwe ka wona.

Isaya 17:1

Langutani, Damasku a nga ha ta kuva muti, Kanilezi i tava nhulu ya marumbi. Jer. 49:23; Am. 1:3

Jeremia 31:5

Wa ha ta byala zivina zitsungeni za Samaria; Lava va byalako va taga a mihanzu ya kona.

2 Tihosi 18:9

Makunu hi lembe ga wumune ga kufuma ka Hezekia, gi nga lembe ga wu 7 ga kufuma ka Hoxea nʼwana Ela a hosi ya ka Israeli, Xalmanesera a hosi ya le Asiria i lo kanziha ata le Samaria a ta vimbezela muti.

2 Tihosi 18:10

Anzhako ka malembe manharu va lo wu teka. Hi lembe ga wu 6 ga kufuma ka Hezekia, gi nga lembe ga wu 9 ga kufuma ka Hoxea a hosi ya ka Israeli, a Samaria gi lo tekiwa.

Amosi 6:8

Hosi Jehova i hlambanyile hi wutsumbu gakwe, aku: Jehova a Nungungulu wa tiyimpi i ngalo; Nza swireka hi matshanza ya Jakobe, nza venga a ziluvelo zakwe, hikwalaho nzi ta nyikela kulobyisweni a muti ni zontlhe zi nga ka wona.