Mavingu 6:17 - Tshwa Bible

¹⁷ A mahlo ya matshanza, a lirimi li hembako, i mandla lawa ma halatako nkhata wu nga hiko na nanzu;

Mavingu 6:17 Referans Kwoze

Mavingu 12:22

Jehova wa venga a milomu ya mawunwa; anilezi wa tsaka hi lava va mahako kululama.

Isaya 1:15

Loku mu tlakusela mandla ya nwina ka mina, nzi ta ti vala mahlo; ni loku mu anzisa mikombelo, nzi nga ta yi ingisela, hakuva a mandla ya nwina ma tele hi nkhata.

Tisimu 101:5

Loyi a hlevako muakelwane wakwe nzi ta mu lovisa, Nzi nga ta honisela hi loyi a ti kulisako, a nga ni mbilu ya matshanza.

Tisimu 5:6

U lovisa lava va wulawulako mawunwa; Jehova wa nyenya a zigevenga ni vakhohlisi. Tis. 55:23; Miti. 5:5, 10

Isaya 3:9

A tinghohe tabye ta va kona; va fanana ni vanhu va Sodoma, va maha zionho zabye kubaseni, a va zi fihli. Khombo ka mihefemulo yabye, hakuva va ti mahele kubiha vona wutsumbu. Gen. 13:13; Jer. 2:17

Mavingu 21:4

A mahlo ya ku ti kukumukisa ni mbilu ya matshanza, kandiya ya laʼvobiha, kambe xionho.

Deuteronome 27:25

Khombo a give ka loyi a amukelako nzhiho wa ku daya munhu loyi a nga hiko na nanzu! A vanhu vontlhe va ta hlamula, vaku: Amen!

Johani 8:44

Nwina mu vana va raru wa nwina a nga Satani, mu ranza ku maha a kunavela ka raru wa nwina. Yena i wa hi mudayi hi kusanguleni, a nga yimi zineneni, hakuva ku hava zinene ka yena. Loku a wulawula mawunwa, i wulawula hi za wutsumbu gakwe; hakuva hi muhembi, i raru wa mawunwa. Mat. 13:38; 1 Joh. 3:8; Juda 6

Isaya 3:16

Tlhatakumbiri, Jehova i ngalo: Khwatsi hilezi a vanhwana va le Zioni va ti kukumukisako, va kombisa matshanza hi tinhamo tabye, a mahlo yabye ma tele hi kukhohlisa, va famba hi ku ti nyanga, na va fambisa hi masinza ya milenge;

Mavingu 26:28

A lirimi la mawunwa la venga lava va xanisilweko ha lona; i nomu wu lapitako wa lovisa.

Tisimu 18:27

U ponisa a tiko gi hlokisilweko, Kanilezi u tsongahata a mahlo ya matshanza.

2 Tihosi 24:4

kambe hi kota ya nkhata lowu wu nga hiko na nanzu lowu a wu halatileko, hakuva i tatile a Jerusalema hi nkhata wu nga hiko na nanzu; hikwalaho Jehova a nga vumelangi ku tsetselela.

Deuteronome 19:10

kasi ku nga halatwi a nkhata wu nga hava nanzu a tikweni legi Jehova Nungungulu wa wena a ku nyikileko a kuva a tshomba ya wena, ni lezaku u nga dzuki uva ni nanzu wa nkhata.

Isaya 2:11

A mahlo ya matshanza ya munhu ma ta tsongahatwa, ni ku ti kukumukisa ka vanhu ku ta koramiswa; hi Jehova yece a ta nga kuliswa a ka siku lego.

Mavingu 30:13

Li kona lixaka, O, ma tlakukisile kuyini a mahlo ya lona! tisiyi ta lona ti tlakukile.

Mavingu 14:5

A kustumunyu yi kholekileko a yi hembi; anilezi a kustumunyu ya mawunwa ya hemba wunwa.

Tisimu 31:18

Ngha yi dumariswa a milomu yi hembako wunwa, Leyi yi wulawulako kubiha hi loyi a lulamileko, Hi ku ti kukumukisa ni ku kanyisa.

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6

1 Pedro 5:5

Hizalezo na nwinawu vaswa, ingisani a masingalakati. Ina, nwentlhe ti boheni hi kutikoramisa, mu tirelana; hakuva Nungungulu wa ala a vamatshanza, kanilezi i nyika tipswalo ka lava va ti koramisako.

Mavingu 17:7

A timhaka ta ku ti kulisa a ti faneli xipumbu; hwatsi hi milomu ya mawunwa yi nga faneliko hosana.

Mavingu 1:11

Loku vaku: A hi fambe zinwe, iya xiyelela lava va nga hiko na nanzu, asi ku halata nkhata wabye;

Tisimu 131:1

Jehova, a mbilu ya mina a yi kukumukangi, Ge ni mahlo ya mina, a ma tlakukangi; A nzi yangi timhakeni ta hombe, Leti ti nzi hlulako hi wukulu ga tona.

Tisimu 10:4

Hi matshanza yakwe a wakubiha aku: A nga zi khataleli. Na alakanya ku ngalo: A ku kona Nungungulu.

Mavingu 1:16

Hakuva a milenge yabye yi tsutsumele kubiheni, a hatlisa ku halata nkhata. Isa. 59:7; Rom. 3:15

Mavingu 6:16

Ku na ni ntlhanu wa zilo ni xinwe a zi vengako Jehova: na, i ntlhanu ni zimbiri zi nga manyalataniso kakwe:

Mavingu 28:17

A munhu loyi a binzeliwako hi nkhata wa munwani, tsutsumela rinzini, ngha a nga hi kona a mu tsimbetelako. Ekso. 21:12; Deut. 19:11

Jeremia 26:15

Ntsena tivani lezaku, loku mu nzi daya, mu neha a nkhata wu nga hiko na nanzu hehla ka wutsumbu ga nwina, ni hehla ka muti lowu, ni hehla ka vontlhe va akileko ka wona; hakuva hi Jehova a nzi rumileko a ku ta kanela ka nwina tontlhe leti timhaka. Mat. 23:35

2 Tihosi 21:16

Ni kambe Manasa i halatile nguvu a nkhata wu nga hiko na nanzu kala a tata a Jerusalema ha wona, kusukela nyangweni yinwe ya muti kala ka yinwani nyangwa, ahandle ka zionho zakwe lezi a onhisileko ha zona va ka Juda; i mahile kubiha mahlweni ka Jehova.

Tisimu 5:7

Kanilezi mina nzi enghena ndlwini ya wena hi kota ya wuxinji ga wena ga hombe; Nzi khizama hi xichawo ngomama ni tempeli ya wena yo basa.

Mavingu 16:5

Vontlhe lava va nga ni mbilu ya ku ti kulisa va hi manyalataniso ka Jehova; ima va nga ta pona ku tsayiswa.