Mavingu 3:6 - Tshwa Bible

⁶ U ta mu ingisa tindleleni tontlhe ta wena, ena i ta lulamisa a tisoko ta wena.

Mavingu 3:6 Referans Kwoze

Mavingu 16:3

Hendleleta mitiro ya wena yontlhe ka Jehova, makungo ya wena ma ta maheka. 1 Ped. 5:7

Tisimu 32:8

Nzi ta ku gonzisa nzi ku komba a ndlela leyi u to famba ha yona; Nzi ta ku luleka, a mahlo ya mina na ma ku langutile.

Va le Filipi 4:6

Mu nga kanakaneli nchumu; kanilezi a timhakeni tontlhe tivisani a mixuvo ya nwina ka Nungungulu hi kukombela ni kukhongotela, na mu kari mu bonga. Tis. 55:2; Mav. 16:3; Mat. 6:25; Lu. 12:22

Mavingu 16:9

A mbilu ya munhu yi mu longisela a tindlela takwe, anilezi Jehova wa rangela kufamba kakwe.

Jeremia 10:23

O Jehova, nza zi tiva lezaku a ndlela ya munhu a yi le ntanwini wakwe, Kambe a munhu a nga zi koti ku lulamisa a mazambo yakwe.

Jakobe 1:5

Kanilezi loku munwani wa nwina a vumala wutlhari, a kombele ka Nungungulu, loyi a nyikako vontlhe hi matsenya na a nga soli, zonake i ta nyikiwa. 1 Tih. 3:9, 11, 12; Joh. 16:23

Isaya 30:21

Loku u hambukela tlhelo ga xinene kutani tlhelo ga xibhabha, a tindleve ta wena ti tazwa a gezu lenzhako ka wena, giku: A ndlela hi leyi, famba ha yona.

Isaya 48:17

Jehova a Mutiruli wa wena, Loyi a Basileko wa ka Israeli, I ngalo: Hi mina Jehova, Nungungulu wa wena, Loyi a ku gonzisako lezi zi ku vunako, Loyi a ku rangelako ndleleni leyi u faneleko ku famba ha yona.

Va le Kolosi 3:23

Kani hi xihi lexi mu xi mahako, xi maheni hi mbilu; khwatsi hi loku mu tirela Hosi, na ku nga hi vanhu.

Va le Kolosi 3:17

Kani hi xihi lexi mu xi mahako, kani hi kuwulawula kutani hi kutira, mahani zontlhe vitweni ga Hosi Jesu, mu bonga Nungungulu Dadani ha yena. Rom. 1:8; 1 Kor. 10:31; Efe. 5:20; Xip. 2:7

Mavingu 23:17

U nga vumeli a mbilu ya wena yi va ni makangwa hi za vaonhi; anilezi chava Jehova gontlhe siku.

1 Va le Korinte 10:31

Hikwalaho loku muga, kutani munwa, kani hi xihi lexi mu xi mahako zi maheni zontlhe ziva kudzunzwa ka Nungungulu. Zak. 7:6; Mat. 5:16; Joh. 15:8; Tit. 1:11

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

1 Samueli 30:8

Zonake Davida i lo wutisa ka Jehova, aku: Loku nzi lanza a yimpi leyi, nzi ta yi kamanyeta ke? Yena i te ngalo kakwe: Yi lanze, hakuva hakunene u ta yi kamanyeta, u tlhatlhisa zontlhe.

Isaya 45:13

Hi mina nzi vuxileko Kurusi kululameni ka mina, Nzi ta lulameta tontlhe tindlela takwe. I ta aka a muti wa mina, a tlhatlhisa vakhomilweko va mina, Na a nga zi mahi hi kota ya nzhiho kutani nchachazelo, Ku wula Jehova wa tiyimpi.

Nehemia 1:11

Hosi, nza ku khongotela, panga ndleve ya wena uzwa mukombelo wa nanza ga wena, ni mukombelo wa malanza ya wena, tawa ma tsakelako ku chava a vito ga wena. Nza ku khongotela lezaku u vuvumisa a nanza ga wena nyamutlha, u mu mahela tipswalo kuwoneni ka wanuna loyi. (Makunu nzi wa hi muweleli Wa gombe ga hosi.)

Nehemia 2:4

Zonake a hosi yiku ka mina: Makunu u kombela yini ka mina? Zinghaho nzi lo kombela ka Nungungulu wa le tilweni.

Ezra 7:27

A ku bongiwe Jehova Nungungulu wa vadadani va hina, loyi a vekileko a timhaka ta ku nghahi mbilwini ya hosi, ta ku dzunza a yindlu ya Jehova le Jerusalema,

2 Va le Korinte 8:16

A ku bongiwe Nungungulu loyi a nyikileko Titusi yaleyo mbilu ya ku mu pinyamela.

Mitsengo 9:20

Kanilezi loku a refu gi tshama masiku matsongwani ntsena le hehla ka tabemakeli, va wa su gwimba matenda yabye kota kuleletela ka Jehova; hi kuleletela ka Jehova va wo andlamuka.

Nehemia 7:5

A Nungungulu wa mina i lo alakanyisa a mbilu ya mina a kuva nzi tsombanyisa manghakana, ni tinduna, ni vanhu, kasi va fela ku hlayiwa hi tinyangwa tabye. Nzi kuma a bhuku gi nga xaxametilwe a zizukulwana za lava va wuyileko kuranga, na ku tsalilwe lezi: Ezra 2:1

Mavingu 11:5

A kululama ka loyi a mbheleleko ku ta lulameta ndlela yakwe; anilezi a wa kubiha i ta wiswa hi kubiha kakwe.

Jeremia 42:3

kasi Jehova a Nungungulu wa wena a ta hi komba a ndlela leyi hi telako ku famba ha yona, ni lezi hi telako ku zi maha.

Isaya 26:7

A ndlela ya loyi a lulamileko nja nongameto, Wena loyi u hunzeleleko ku lulama u basisa a ndlela ya vabasileko.