Mavingu 27:18 - Tshwa Bible

¹⁸ Loyi a hlayisako a sinya ya kuwu, i taga mihanzu ya yona; inghaho ni loyi a hlayisako a nwinyi wakwe i ta dzunziwa.

Mavingu 27:18 Referans Kwoze

2 Timote 2:6

A murimi loyi a tirileko a ntiro wa kona, hi yena a faneleko ku amukela a xiavelo xo ranga xa mihanzu.

1 Va le Korinte 9:7

Hi gihi sochwa gi yako yimpini hi mali ya gona ke? Himani a byalako xivina na a ngagi: a mihanzu ya xona ke? Kutani a risako ntlhambi, na a ngagi a masi ya ntlhambi ke? Deut. 20:6; Joh. 21:15; 2 Kor. 10:4

Xizimba xa ka Solomoni 8:12

A xivina xa mina nwinyi, nza xi hlayisa mina wutsumbu, Lezi za 1,000 za wena Solomoni, Ni vahlayisi va mihanzu va tava ni 200.

1 Va le Korinte 3:8

Makunu loyi a byalako ni loyi a cheletelako mati va ecana; kanilezi munwe ni munwani i ta amukela a hakhelo yakwe khwatsi hi mitiro yakwe. Tis. 62:12; Rom. 2:6; Kuv. 2:23; 22:12

Luka 12:37

Ma katekile a malanza lawo a hosi ya wona yi ta nga ta ma kuma na ma lavelele a kuwuyeni ka yona; hizinene nziku ka nwina, yi ta ti boha bhandi, yi ma tshamisa kugeni yita yi ta ma tirela. Mat. 24:46

Johani 12:26

Loku munhu a nzi tirela, a nzi lanzele; ni laha nzi nga kona, i ta va kona loyi a nzi tirelako. Loku munhu a nzi tirela, yaloye i ta dzunziwa hi Dadani. Xip. 14:3; 1 Tes. 4:17

Luka 19:17

Aku ngalo ka gona: U mahile khwatsi, nanza go saseka; lezi u nga tsumbeka ka lezi zi tsongwani, u ta fumela khume ga miti.

Mateu 24:46

Gi katekile a nanza lego a hosi ya gona yi ta nga wuya, yi ta gi kuma na gi kari gi maha lezo.

Mavingu 22:29

Wa wona a munhu loyi a ti tlhariheleko ntirweni wakwe ke? ta yima mahlweni ka tihosi; nga ta yima mahlweni ka vanhu va nyalidede.

1 Pedro 2:21

Hakuva hizalezo mu nga vitanelwa zona; hakuva na Kristu i lo xaniseka hi kota ya nwina, a mu siyela a xikombiso, kasi mu fela ku lanzela a nkonzo wakwe. Mat. 16:24; Joh. 13:11

1 Pedro 2:18

Zitiri, ingisani venyi va nwina hi xichawo xontlhe; na mu nga ingisi lava vo saseka ni va va nene ntsena, kanilezi ni lava vo biha.

Va le Kolosi 3:22

Malanza, ingisani zilweni zontlhe lava va nga venyi va nwina va misava, na mu nga va tireli ntsena loku va mu wona, khwatsi hi lava va tsakisako vanhu, kanilezi hi kupangama ka timbilu ta nwina, na mu chava Hosi.

1 Va le Korinte 9:13

Xana a mu zi tivi lezaku lava va tirako tempeleni vaga a zilo za tempeli, ni lezaku lava va tirako alatini va kuma xiavelo zinwe ni alati ke? Levi 6:16

Mitiro 10:7

Laha yi nga sukile a ngelosi leyi yi nga wulawula naye, i lo vitana a malanza mambiri, ni sochwa ginwe gi chavako Nungungulu, ga vona lava va tshamako naye;

Marku 10:43

Kanilezi a zi nghaho xikari ka nwina; kanilezi loyi a ranzako ku maha wahombe xikari ka nwina, ngha a maha nanza ga nwina. Mat. 20:26, 28; Lu. 9:48

Mateu 24:25

Langutani, nzi mu byelile hi mahlweni.

Mavingu 17:2

A nanza gi tlharihileko gi ta fumela a nʼwana loyi a wisako tingana; tava ni xiavelo xa tshomba zinwe ni vana va hosi yakwe.

Tisimu 123:2

Khwatsi hi mahlo ya malanza ma cuwukako a canja ga nwinyi wabye, Niku khwatsi hi mahlo ya nanza ga xisati ma cuwukako canja ga nwinyi wakwe, Zinghaho a mahlo ya hina ma langutela Jehova, Nungungulu wa hina, Kala a hi zwela wusiwana.

1 Samueli 2:30

Hikwalaho Jehova Nungungulu wa ka Israeli i ngalo: Mina nzi wulile lezaku a yindlu ya wena ni yindlu ya raru wa wena yi ta famba mahlweni ka mina kala kupinzuka. Kanilezi makunu Jehova i ngalo: Lezo a zive kule na mina! Hakuva nzi ta dzunza lava va nzi dzunzako; kanilezi lava va nzi kanyisako va ta wiswa tingana.

Eksodusi 24:13

Mosi i lo suka zinwe na Joxua, a nanza gakwe; zonake Mosi i lo kanziha xitsungeni xa Nungungulu.

2 Tihosi 5:27

A hlokonho ya Namani yi ta namarela ka wena ni vana va wena kala kupinzuka. Zonake Gehazi i lo suka mahlweni kakwe na a tele hi hlokonho leyi yi fananako ni gapongo. Ekso. 4:6; Mitse. 12:10

2 Tihosi 5:25

Kanilezi yena i lo yima mahlweni ka nwinyi wakwe; Elixa i te ngalo kakwe: Uta hi kwihi Gehazi? Yena aku: A nanza ga wena gi wa nga yangi ka kuya.

2 Tihosi 3:11

Kanilezi Jehoxafate i te ngalo: Kasi seno a nga kona a muprofeti wa Jehova loyi hi faneleko ku wutisa Jehova ha yena ke? A munwe wa malanza ya hosi ya ka Israeli i lo hlamula, aku: I kona Elixa a nʼwana Xafate, loyi a nga wa chelile mati mandleni ya Elija.

Luka 12:42

A Hosi yi te ngalo: Himani a nekwa yi kholekileko, leʼyo tlhariha, leyi a hosi ya yona yi ta nga yi yimisa hehla ka malanza ya yona, kasi ku va avela zakuga hi xikhati xa kona ke? Mat. 24:45; 25:21; 1 Kor. 4:2

2 Tihosi 18:31

Mu nga ingiseli Hezekia, hakuva a hosi ya Asiria yi ngalo: Mahani kurula xikari ka mina na nwina, mu ti nyiketa ka mina; zonake munwe ni munwani i taga mihanzu ya xivina xakwe ni mihanzu ya nkuwu wakwe, anwa a mati ya hlowo yakwe,

Mavingu 27:17

A xiketse xi lota xiketse; ilezo ni munhu, wa vuxa a zanga ya munhu munwani.

Mavingu 27:19

Khwatsi hi nghohe yi wonekako lomu matini, yi fanana ni nwinyi wa yona, inghaho ni mbilu ya munhu yi fanana ni ya munwani.

Isaya 36:16

Mu nga ingisi Hezekia, hakuva a hosi ya le Assiria yi ngalo: Mahani kurula xikari ka mina na nwina, mu ti nyikela ka mina; zonake a munwe ni munwani i taga a mihanzu ya xivina xakwe ni nkuwu wakwe, anwa a mati ya hlowo yakwe.

Estere 6:11

Zonake Hamani i lo teka a tinguwo ni haxi, a ya ambexa Mordekai, a mu khileta a haxi a fambafamba lomu maruweni ya muti, na a kanyuluka mahlweni kakwe, aku: I mahiwa lezi a munhu loyi a hosi yi xuvako ku mu dzunza!