Mavingu 24:28 - Tshwa Bible

²⁸ U nga kustumunyi u vukela muakelane wa wena handle ka nanzu; ana u ta khohlisa hi milomu ya wena ke?

Mavingu 24:28 Referans Kwoze

Va le Efesusi 4:25

Hikwalaho tsikani mawunwa, mu wulawula zinene munwe ni munwani ka waakelane wakwe, hakuva munwe ni munwani xiro ka vanwani.

Mavingu 25:18

A munhu loyi a kustumunyako hava a vukela muakelane wakwe, ibombonzwani, ni supado, ni ligalala lo pswotika.

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

Va le Kolosi 3:9

Mu nga hembelani mawunwa, kota lezi mu runzuwuleko a munhu wa kale ni zimaho zakwe, Levi 19:11

Johani 15:25

Kanilezi yi fela ku tatisekisa lezo a mhaka leyi yi tsalilweko nayweni wabye, yaku: Va nzi vengile mahala. Tis. 35:19

Mateu 27:23

Yena aku: Hikuyini, kubiha muni a ku mahileko ke? Kanilezi va lo kanyuluka nguvu, vaku: Ngha a belelwa!

Mavingu 21:28

A kustumunyu ya mewunwa yi ta lova; anilezi loyi a zi zwako wa wulawula hi kutiyisa. Deut. 19:18; Mav. 19:5, 9

Mavingu 19:9

A kustumunyu ya mawunwa yi nga ta pona ku tsayiswa; i loyi a hembako mawunwa i ta lova.

Mavingu 19:5

A kustumunyu ya mawunwa yi nga ta pona ku tsayiswa; i loyi a wulawulako mawunwa a nga ta huluka. Deut. 19:18

Mavingu 14:5

A kustumunyu yi kholekileko a yi hembi; anilezi a kustumunyu ya mawunwa ya hemba wunwa.

Tisimu 52:1

Munhu wa lunya; Hikuyini u ti kukumukisako hi kubiha ke? A wuxinji ga Nungungulu gi simamisa kala kupinzuka.

Tisimu 35:11

Ku humele a vakustumunyu va mawunwa, Va nzi wutisa a timhaka nzi nga ti tiviko. Mat. 28:60; Lu. 23:2, 10; Joh. 18:30

Tisimu 35:7

Hakuva ahandle ka mhaka va nzi dembele ntlhamu; Va nzi kelele rinzi go susa wutomi ga mina ahandle ka xigelo. Miti. 22:15

Joba 2:3

Jehova aku ka Satani: U na nga wona nanza ga mina Joba ke? Hakuva a nga kona wa ku fana na yena laha misaveni, loyi a mbheleleko kululameni, loyi a chavako Nungungulu, a nyenya kubiha. Wa ha tiyisile kululameni kakwe, hambu lezi wena u nzi kuceteleko ku mu vukela, nzi mu lovisa ahandle ka nanzu.

Eksodusi 23:1

U nga dzuki u wulawula timhaka ta mawunwa; u nga hlengeli ni wa kubiha u maha kustumunyu wo hemba.

Eksodusi 20:16

U nga lumbeti wakelane wa wena hi wumboni ga mawunwa.

Levi 6:2

Loku munhu a onhile, a mahile lezi zi nga faneliko mahlweni ka Jehova, hi kukhohlisa muakelane wakwe hi zilo zi vekilweko mandleni yakwe, kutani hi zilo zi lombilweko, kutani hi lezi zi wutlilweko, kutani i yivile a zilo za muakelane wakwe,

Levi 6:3

kutani i thumbile a xilo xi lahlekileko, a ala naxo, zo kala a hlambanya mawunwa ka zilo zo maha lezo, kani hi xihi xilo lexi a munhu xi mu onhisako;

Levi 19:11

Mu nga yivi. Mu nga hembelana mawunwa, hambu ni ku khohlisana. Efe. 4:25, 28; 1 Tes. 4:6

Mavingu 26:19

I maha lezo, loyi a khohlisako muakelane wakwe, ku: Nzi wo hlakana.