Mavingu 23:23 - Tshwa Bible

²³ Xava zinene, u nga zi xavisi; i wutlhari, ni gonziselelo, ni kupimisisa.

Mavingu 23:23 Referans Kwoze

Mavingu 18:15

A mbilu ya munhu a tlharihileko ya kuma wutivi; i ndleve ya tlhari yi hlota wutivi.

Mateu 13:44

A mufumo wa tilo wu fanana ni tshomba yi fihlilweko sinwini, leyi a nga yi kuma munhu, a yi tumbeta; zonake kutsakeni kakwe a famba a ya xavisa zontlhe a nga nazo, a xava simu lego. Fil. 3:7, 8; Kuv. 3:18

Tisimu 119:72

A nayo wa nomu wa wena wucukwana Ku hunza makume ya mazana ya zipanze za nzalama ni siliva.

Mavingu 16:16

A ku kuma wutlhari i chuko ku hunza nzalama; i ku kuma kupimisisa ku hunza siliva.

Maheberu 11:26

I lo alakanya lezaku a kurukwa ka Kristu i pfuno wa hombe ku hunza a kufuma ka le Gipite; hakuva i wa langutela a nchachazelo.

Isaya 55:1

Nwina nwentlhe mu nga ni tora, ngonani matini; Na nwina lava mu nga hava mali, Ngonani mu ta xava mavele muga; Ina, Ngonani mu ta xava mavele ahandle ka mali, Mu kuma vinya ni masi mahala. Mat. 11:28; Joh. 7:37; Kuv. 22:17

Mavingu 10:1

A mavingu ya Solomoni nʼwana a tlharihileko i tsakisa dadani wakwe: anilezi a nʼwana wa xipumbu i hlomulo ka nyine wakwe.

Tisimu 119:127

Nza ranza zileletelo za wena ku hunza nzalama, Ku hunza nzalama yi basileko.

Kuvululelwa 3:18

Nza ku khongotela a kuva u ti xavela ka mina a nzalama yi hlutilweko hi nzilo, kasi wa fuma; ni tinguwo to basa, kasi wa ambala, ku nga woneki a tingana ta wumbyiri ga wena; ni muri wa ku tota mahlo ya wena, kasi wa wona. Isa. 55:1; Mat. 13:44; 2 Kor. 5:3

Mateu 16:26

Hakuva zi ta mu vuna yini munhu loku a bhinzula tiko gontlhe, a lahlekelwa hi muhefemulo wakwe ke?. A munhu i ta humesa yini ku tekisa muhefemulo wakwe ke? Tis. 49:7, 8

Mateu 13:46

na a kumile a perola gi nga ni tsengo wa hombe, a ya xavisa zontlhe a nga nazo, a gi xava.

Mavingu 17:16

Zi vuna yini a kuva a xipumbu xi hi ni mali ya ku xava wutlhari, aha a mbilu ya xona yi nga gi khataleliko ke?

Kuvululelwa 12:11

Va mu hlulile hi nkhata wa Yivana, ni mhaka ya wukustumunyu gabye; a va chavangi kufa hi kota ya ku ranza kuhanya kabye. Lu. 14:26; Rom. 8:37

Mitiro 20:23

Sine lezaku a mitini yontlhe a Moya wa ku Basa wa nzi tivisa lezaku a ziboho ni zixaniso zi nzi lavelele.

Mavingu 9:8

U nga luleki mutseketseli ha kuva a nga ku venga: awuka a tlhari, yi ta ku ranza.