Mavingu 22:22 - Tshwa Bible

²² U nga phangi xisiwana, hilezi xi nga xisiwana; e hambu ku tsimbeketa loyi a hlokiswako laha nyangweni.

Mavingu 22:22 Referans Kwoze

Zakaria 7:10

Mu nga tsimbeketi a tinoni, ni lava va nga hiko na vabeleki, ni valuveli, ni zisiwana. A mbilu ya munwe ni munwani wa nwina ngha yi nga hi na xikungo xo vukela nakulobye.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Mavingu 22:16

Loyi a tsimbeketako xisiwana wa anzisa wukosi ga xona, anilezi loyi a nyikako ka munhu a fumileko i ta mu maha a kuva muvumali.

Eksodusi 23:6

U nga byeketi a mhaka yi lulamileko ya xisiwana xa ka nwina le hubyeni.

Joba 31:21

Loku nzi tlakusile a canja ga mina nzi vukela loyi a nga hiko na dadani, Hilezi nzi nga yimelwe le hubyeni;

Joba 31:16

Loku nzi alele zisiwana kuxuva ka zona, Nzi cuwuka a wasati wa noni a kala a karala mahlo;

Ezekieli 22:29

A vanhu va tiko legi vatsimbeketi ni vaphangi; ina, va xanisa a zisiwana ni vavumali, va tsimbeketa a vamatiko ahandle ka fanelo.

Levi 25:17

Ngha a nga hi kona loyi a kalavelako a muakelani wakwe; kanilezi chava Nungungulu wa wena; hakuva hi mina Jehova, Nungungulu wa nwina.

Deuteronome 23:16

kanilezi yi ta tshama ka wena ni lomu tikweni ga wena ka wutshamu lego yi ta nga gi hlawula, ni ka muti lowo yi ta nga wu lava; ni kambe u nga mu xanisi.

Eksodusi 23:3

U nga tsetsi a xisiwana mhakeni ya xona le hubyeni.

Levi 19:13

U nga tsimbeketi wakelene na wena, ni ku phanga a zilo zakwe. U nga hlweli ni hakhelo ya xitiri kala ku chikela manziko.

Mavingu 21:7

A kuleva ka va kubiha ku ta va lovisa; akuva va ala ku maha zinene.

Isaya 10:2

Kasi ku onha a mhaka ya lava va vumalako, Va yivela a zisiwana za tiko ga mina, Lezaku a tinoni tiva pfimba wabye, Va wutlela lava va felweko hi vapswali.