Mavingu 21:6 - Tshwa Bible

⁶ A ku ti lavela tshomba hi lirimi la mawunwa, u hi hunguva leyi yi ndlengandlengiswako, i ziyo ga kufa.

Mavingu 21:6 Referans Kwoze

Mavingu 13:11

A kufuma loku ku kumiwako hi xihatla ku ta mbhela; anilezi loyi a hlengeletelako hi ku ti tirela i ta enzeleka.

Mavingu 10:2

A titshomba ta kubiha a ti vuni nchumu; anilezi a kululama ku tlhatlhisa kufeni.

Mavingu 20:21

A tshomba leyi yi kumiwako hi xihatla kusanguleni, ugumeseni ka yona yi nga tava ni zikatekiso.

Jeremia 17:11

Khwatsi hi hwari leyi yi kuhlehelako a manza lawa yi nga ma tsikelangiko, Zinghaho ni loye a hlengeletelako a kufuma handle ka nongameto; Na hi xikari ka masiku yakwe i ta ku tsika, Ni kugumeseni kakwe i tava muhunguki.

Mavingu 8:36

Kanilezi loyi a nzi goheleko, i onha muhefemulo wakwe, ontlhe lava va nzi vengako, va ranza kufa.

Mavingu 30:8

A kuxengetela ni mawunwa ngha ziva kule na mina; nga nzi nyiki wusweti hambu wukosi; zi phamele zakuga lezi zi nzi ringanako. 1 Tim. 6:8

Mavingu 22:8

Loyi a xwanyako kubiha i ta tshovela kubayiseka; i nhonga ya zanga yakwe yi ta mbhela.

2 Pedro 2:3

Hi ku navela kufuma, va ta bhinzula ha nwina hi magezu ya kukanganyisa; kanilezi a kukoneka kabye ka kale a ku hlweli, ni kulobyiswa kabye a ku etleli. Deut. 32:35; Tit. 1:11; Juda 4, 15

Mavingu 20:14

Zi bihile! Zi bihile! ku wula muxavi, onake a ti fambela ndleleni yakwe a ti kukumukisa.

Titusi 1:11

lava va faneleko ku valiwa milomu, hakuva va hahlula mingango yi mbhela, hi ku gonzisa lezi zi nga faneliko, kasi ku kuma bhinzu go biha. Mat. 23:14

Ezekieli 18:31

Cukumetani a zihambunyeto zontlhe za nwina lezi mu zi mahileko, mu ti kumela a mbilu yiswa ni moya muswa. Mu ta lova hikuyini, nwina va yindlu ya ka Israeli?