Mavingu 2:6 - Tshwa Bible

⁶ Hakuva Jehova hi yena a nyikako wutlhari, kutiva ni kupimisisa ku huma nonwini wakwe.

Mavingu 2:6 Referans Kwoze

Jakobe 1:5

Kanilezi loku munwani wa nwina a vumala wutlhari, a kombele ka Nungungulu, loyi a nyikako vontlhe hi matsenya na a nga soli, zonake i ta nyikiwa. 1 Tih. 3:9, 11, 12; Joh. 16:23

Tisimu 119:98

A zileletelo za wena za nzi tlharihisa ku hunza valala va mina, Hakuva zi na mina xontlhe xikhati.

Joba 32:8

Kanilezi ku na ni moya nzeni ka munhu; Ni kuhefemula ka Nyamintamu ku nyika kupimisisa.

Luka 21:15

hakuva mina nzi ta mu nyika magezu ni wutlhari, legi vontlhe valala va nwina va ta nga hluleka ku gi kaneta ni ku hlamula nchumu. Miti. 6:10

Isaya 54:13

Vontlhe a vana va wena va ta maha vapizani va Jehova, A vana va wena va tava ni kurula ka hombe. Joh. 6:45; Rom. 5:1

Johani 6:45

Lomu bhukwini ga vaprofeti ku tsalilwe, ku ngalo: Vontlhe va ta gonziswa hi Nungungulu. Loyi a ingisileko Dadani, a gonza ka yena, wata ka mina. Isa. 54:13; Jer. 31:34; Mika 4:2

1 Tihosi 3:12

languta, nzi ta maha khwatsi hi lezi u wulileko; nzi ta ku nyika a mbilu ya kutlhariha yi nga ni kupima, laha ka kuva cima ku wa nga seva kona a munhu wo kota wena, hambu ni lenzhako ka wena ku nga tava kona a munhu wo kota wena.

Jakobe 1:17

Zontlhe zinyikiwo zo saseka ni zinyikiwo zontlhe zi mbheleleko zita hi le hehla, zi relela hi ka Dadani wa kuwonekela, loyi a nga hiko na kuhunzuluka, a ka yena a ku na kuhunzuka-hunzuka kuva kuwonekela ni munyama. Mitse. 23:19; Mal. 3:6; Joh. 3:27

Tisimu 119:104

A zileletelo za wena za nziha kupimisisa, Hikwalaho nza venga tontlhe tindlela ta mawunwa.

Danieli 2:23

Nza ku bonga, nzi ku dumisa wena Nungungulu wa vadadani va mina, hilezi u nzi nyikileko wutlhari ni ntamu, u nzi vululele lexi hi nga ku kombela ha xona; hakuva u hi tivisile a mhaka ya hosi.

Danieli 1:17

A majaha laya ya mune Nungungulu i lo ma nyika a wutivi ni kupimisisa mitsalweni yontlhe ni wutlhari. Danieli i wa pimisisa miwoniso yontlhe ni miloro.

Isaya 8:20

A hi yeni nayweni ni wumbonini! Loku va nga wuli lezo, a tiko gi nga ha ta kuva ni wuronga ginwani.

1 Tihosi 4:29

Nungungulu i lo nyika Solomoni a Wutlhari ni kupima ka hombe nguvu, ni wutivi ginyingi go fanana ni seke ga bimbi.

Danieli 2:21

Hi yena a hunzulusako a zikhati ni tinguva; i susa tihosi ni ku ti yimisa; i nyika wutlhari ka titlhari ni wutivi ka vanhu va pimisisako.

Mavingu 6:23

Hakuva a zileletelo i kandiya, ni xilayelo kuwonekela; i kukawuka ku layako i ndlela ya wutomi.

Tisimu 19:7

A nayo wa Jehova wu mbhelele, wu humuta muhefemulo; A wukustumunyu ga Jehova gi nene, gi tlharihisa xipumbu. Rom. 15:4; 2 Tim. 3:15; 2 Ped. 1:19

1 Tihosi 3:9

Hikwalaho nyika a nanza ga wena a mbilu ya ku tivisisa ku lamula vanhu va wena, kasi nza fela ku tiva ku hambanyisa kusasa ni kubiha. Hakuva himani a nga zi kotako ku lamula a vanhu va wena vo tatisa lezi?

Eksodusi 31:3

Nzi mu chelile a Moya wa Nungungulu, ni wutlhari, ni ku tiva yontlhe mitiro;

1 Kronekele 22:12

Ntsena Jehova a ku nyike a wutlhari ni malanga, a ku nyikela ku fumela hehla ka va ka Israeli, a ku nyika a ku hlayisa a milayo ya Jehova Nungungulu wa wena.

Nehemia 7:5

A Nungungulu wa mina i lo alakanyisa a mbilu ya mina a kuva nzi tsombanyisa manghakana, ni tinduna, ni vanhu, kasi va fela ku hlayiwa hi tinyangwa tabye. Nzi kuma a bhuku gi nga xaxametilwe a zizukulwana za lava va wuyileko kuranga, na ku tsalilwe lezi: Ezra 2:1

Joba 22:22

Amukela nayo wu humako nonwini wakwe; U hlayisa a timhaka takwe mbilwini ya wena.

Tisimu 51:6

Wena wa ranza zinene lomu mbilwini; Nzi gonzise a kutlhariha lomu nzeni ka mina.

Mutshawuteli 2:26

Hakuva Nungungulu i nyika a wutlhari ni wutivi ni litsako ka munhu loyi a mu xalalisako; kanilezi a ka muonhi i mu nyika a ntiro wa ku hlengeletela ni ku wungeletela, kasi ku nyika loyi a xalalisako Nungungulu. Lezo kambe a zi nyawuli, hi ku lanza mheho ntsena.

1 Tihosi 10:24

Vontlhe vanhu va misava va wa lava ku wona Solomoni, ni kuzwa hi wutlhari legi Nungungulu a nga wa gi vekile mbilwini yakwe;

Ezra 7:25

Wena Ezra, hi wutlhari ga Nungungulu wa wena legi u nga nago, yimisa a Valamuli, ni vahloti va ku lamula a vanhu vontlhe le tlhatuko wa congo, u yimisa vontlhe lava va tivako milayo ya Nungungulu wa wena; lava va nga yi tiviko mu Va gonzisa.

Joba 12:13

Nungungulu i na ni wutlhari ni ntamu, I na ni wusungukati ni kupimisisa.

Joba 12:16

Yena i na ni ntamu ni wutlhari; Loyi a hambukileko ni muhambukisi, hi wumbiri gabye va le canjeni gakwe.

Tisimu 19:8

A zileletelo za Jehova zi lulamile, zi tsakisa mbilu; A xilayelo xa Jehova xi basile, xi hanyanyisa mahlo.

Tisimu 94:10

Loyi a layako a matiko ni ku nyika munhu wutlhari, A nga ta tsayisa ke?

Tisimu 119:34

Nzihe kupima, nzi ta hlayisa a nayo wa wena, Futsi, nzi ta wu hlayisa hi mbilu ya mina yontlhe.