Mavingu 19:20 - Tshwa Bible

²⁰ Zwana wusungukati, u amukela ku layiwa, asi a masiku ma ha tako u fela ku tlhariha.

Mavingu 19:20 Referans Kwoze

Mavingu 12:15

A ndlela ya xipumbu yi lulamile kuwoneni ka xona; anilezi loyi a ingisako wusungukati i tlharihile.

Mavingu 4:1

Vanana, ingisani a gonziselelo ya dadani, u yi pangamela kasi ma fela ku zwisisa.

Mavingu 1:8

Nwananga, zwana gonziselelo ya dadani wa wena, nga tsiki a nayo wa nyine wa wena:

Mitsengo 23:10

Himani a ta nga hlaya Jakobe a teleko kota tshuri ke? Hambu ku tiva tsengo wa xipanze xa wumune xa vaIsraeli ke? A nzife hi kufa ka valulamileko, Ni kugumesa ka mina a ku kote ka vona! Gen. 13:18; 28:14

Tisimu 90:14

Hi xurise hi wuxinji ga wena na ka hi mixo, Kasi ha fela ku bhuma ni ku tsaka masiku wontihe ya hina.

Tisimu 37:37

Cuwukisisa a munhu a mbheleleko, u languta loyi a lulamileko, Hakuva a munhu wa kurula i na ni vazukulu.

Tisimu 90:12

Hi gonzise ku hlaya masiku ya hina, Kasi a timbilu ta hina ti tava ni wutlhari.

Deuteronome 8:16

loyi a nga ku gisa manna lomu xiwuleni, lawa ma nga tibyiwiko hi vararu va wena; lezaku a ku koramisa, ni ku ku ringa kasi hi magumeso wa fela ku ku mahela kusasa.

Deuteronome 32:29

Loku va wa tlharihile ngha va zi pimile, Va alakanya kugumelwa ka vona.

Mavingu 1:3

A ka wona ku nyikiwa gonziselelo ya wutlhari, i tlhelo ga nongameto, ni kulamula, ni fanelo.

Mavingu 8:14

A wusungukati ni makungo ma nene zi kumeka ka mina, i mina kupimisisa, nzi na ni ntamu.

Mavingu 8:33

Zwanani gonziselelo, mu ta tlhariha, u nga yi aleni.

Mavingu 19:19

A munhu wa zanga ya hombe i ta tsayiswa; akuva loku u mu tsetselela, wena u fanele ku engeta u zi maha.

Mavingu 1:2

Za koteka ku tiva ha wona a wutlhari ni gonziselelo, i ku tlhamusela timhaka ta kupimisisa;

Mavingu 13:10

A matshanza ma vanga kuhambana; anilezi lava va vumelako ku hiwa wusungukati va na ni wutlhari.

Mavingu 15:32

Loyi a alako gonziselelo i kanyisa muhefemulo wakwe; anilezi loyi a ingisako ziluleko i kuma kupimisisa.

Jeremia 6:8

Hunzuluka, O Jerusalema, kasi nzi nga ku fulareli, Nzi ku maha a rumbi, a tiko gi nga hiko na muaki.

Zefania 3:7

Nzi te ngalo: Hizinene loku u wa ta nzi chava, u amukela a ziluleko, zinghaho a Wutshamu ga wena gi wa nga ta susiwa kukotisa zontlhe lezi nzi leleteleko xungetano na wena. Kanilezi na ga hi mixo va vukile kasi ku wonha zimaho zabye zontlhe.