Mavingu 18:5 - Tshwa Bible

⁵ A zi saseki ku yimela loyi wa kubiha, asi ku vukela loyi a lulamileko kulamuleni. Levi 19:15; Deut. 1:17

Mavingu 18:5 Referans Kwoze

Levi 19:15

Mu nga hambanyisi nongameto laha kulamuleni ka nwina; u nga cuwuki a nghohe ya xisiwana, hambu ku yimela a wahombe; kanilezi lamula muakelani wa wena hi nongameto.

Mavingu 28:21

A ku chava dzumba ga munhu a zi sasekangi; akuva hi xipanze xa xibaba, a munhu a nga tshova nayo.

Deuteronome 16:19

U nga hambanyisi a nongameto; u nga cuwuki a nghohe ya munhu, u nga amukeli zinyikiwo, hakuva a zinyikiwo za tsopetisa a mahlo ya titlhari, ni ku onha timhaka ta lava vo lulama.

Tisimu 82:2

Ku ta kala kuva rini na ma ha lamula hi kukhohlisa, Ni ku yimela a vanhu va kubiha ke? (Sela.)

Mavingu 24:23

Leti kambe timhaka ta titlhari, zi sasekangi ku maha xihlawulela kulamuleni.

Mavingu 17:15

Loyi a yimelako loyi a nga ni nanzu, ni loyi a konako loyi a nga hiko na nanzu, i wumbiri gabye va hi manyalataniso mahlweni ka Jehova. Deut. 25:1; Isa. 5:23

Mateu 22:16

Va lo ruma ka yena a vapizani vabye zinwe ni va ka Herodi, va yaku: Mugonzisi, ha zi tiva lezaku wena u wa zinene, u gonzisa a ndlela ya Nungungulu hi zinene; a ku khatali hi munhu, hakuva a ku cuwuki a xiyimo xa vanhu.

Isaya 5:23

Lava va yimelako a wakubiha hi kota ya ku xavelelwa, Va kona loyi a lulamileko.

Joba 34:19

Nungungulu a nga cuwuki xiyimo xa tihosana, A nga khataleli vafumileko ku hunza zisiwana; Hakuva vontlhe va hi ntiro wa mandla yakwe. Deut. 10:17; Miti. 10:34; Kol. 3:25

Mika 7:3

A mandla yabye ma tlharihile ku maha zobiha. Hosana yi kombela, zinyikiwo, ni mulamuli i ranza ku xavelelwa; a wahombe i wulawula a, kumbilukela ka mbilu yakwe, lezo va hlengela ku tlavinyela timhaka.

Isaya 59:14

A nongameto wu tlhelisilwe nzhako, Ni kululama ku yimile kule na hina, Hakuva zinene zi wile le hubyeni, Ni kululama a ku zi koti ku enghena.

Eksodusi 23:2

U nga lanzeli a ntlawa lowu wu mahako kubiha; u nga hlengeli ni xidlemo hubyeni, lexi xi hambukisako a nongameto.

Eksodusi 23:6

U nga byeketi a mhaka yi lulamileko ya xisiwana xa ka nwina le hubyeni.

Mavingu 17:26

Kambe a ku tsayisa a munhu a nga hiko na nanzu a zi saseki; ambu a kuba lava va dzunzekako hi kota ya kululama kaye.

Mavingu 31:5

Hakuva va nga taku loku va nwile va rivakelwa nayo, a nga ha khatali hi ku yimela timhaka ta lava va hlokiswako.

Mika 3:9

Zwanani lezi nwina tihosi ta ka Jakobe, na nwina vafumeli va ka Israeli, nwina mu nyenyako nongameto, mu bihisako kontlhe kululama.

Eksodusi 23:3

U nga tsetsi a xisiwana mhakeni ya xona le hubyeni.