Mavingu 14:28 - Tshwa Bible

²⁸ A wudzunzo ga hosi hi kutala ka vanhu; anilezi a wutsongwani ga vanhu gi lovisa a hosi.

Mavingu 14:28 Referans Kwoze

2 Tihosi 13:7

Jehoahaza i lo sala ni yimpi ya 50 wa vakhileli va mahaxi, ni 10 wa tikareta, ni butho ga 10,000 wa vavanuna basi, hakuva a hosi ya le Siria yi wa lovisile va ka Israeli, yi va maha ku khwatsi i tsutsungwani lowu wu kanzihelelako.

Eksodusi 1:22

Zonake Faro i lo leletela a vanhu vakwe, aku: A vafana vontlhe lava va ta nga belekiwa, va hoxeni congweni; kanilezi a vanhanyana va tsikeni va hanya. Miti. 7:19

1 Tihosi 20:27

A vanana va ka Israeli va lo hlomiswa va nyikwa timbuva, va famba a ku yalwa ni maSiria. A vanana va ka Israeli va lo gova va cuwukana navo, na Va fanana ni mitlhambi mimbiri yitsongwani ya timbuti, kanilezi a maSiria na ma fenengetile a tiko.

Eksodusi 1:12

Kanilezi hambu lezo va nga wa xaniswa, hi laho va nga wa anza nguvu, va tala. Hi laho a vanana va ka Israeli va nga wa vengiwa ha kona.

2 Samueli 19:7

Hikwalaho huma u ya wulawula u tangalisa timbilu ta malanza ya wena; hakuva nza hlambanya ha Jehova lezaku, loku wena u nga humi lahandle, cima u nga ta sala ni munhu munwe wusiku legi. Lezo zi tava mhango ya hombe ka wena ku hunza tontlhe ti-mhango leti ti ku humeleleko kusukela wusweni ga wena kala lezi.

Mavingu 14:27

A ku chava Jehova i hlowo ya wutomi; a ponisa vanhu maziyweni ya lufo.

Mavingu 14:29

Loyi a nonokako ku zangara i na ni kupima; anilezi loyi a hatlisako ku zangara i kulisa wupumbu.

2 Samueli 24:3

Joabe i te ngalo ka hosi: Jehova Nungungulu wa wena a engetele a vanhu lomu tikweni hi ka zana ni mahlo ya hosi ya mina a ma zi wone! Makunu hi kuyini a hosi ya mina a ha lavako ku maha lezo ke?

Jeremia 13:20

Tlakusani mahlo ya nwina, mu wona lava va tako hi le Nwalungu. Wu kwihi a ntlhambi lowu u nga nyikilwe wona, A ntlhambi wa wena wo saseka ke?