Mavingu 10:25 - Tshwa Bible

²⁵ Loku xipupuri xi hunzile a wa kubiha a nga ha hi kona; anilezi a wa kululama xiseketelo xa simasima. 2 Tim. 2:19

Mavingu 10:25 Referans Kwoze

Tisimu 15:5

Loyi a nga pembisiko mali yakwe kasi ku bhinzula, Ge hambu ku rengelelwa kasi ku kumisa nanzu munhu a nga hiko na nanzu. Loyi a mahako lezo cima a nga ta tsekatsekiswa. Ekso. 22:25; Levi 25:36; Deut. 16:19

Tisimu 58:9

A timbita ta nwina na ti nga se henya tihunyi, A nyama na ya ha hi yimbisi, yi ta kukuletwa hi xipupuri xo hisa.

Mavingu 12:3

A munhu, a nga ta tiyisiwa hi ku biha; anilezi a mutsu wa valulamileko cima wu nga tsekatsekiswa.

2 Timote 2:19

Kanilezi a xiseketelo xi tiyileko xa Nungungulu xi yimile, na xi hi ni xifungo lexi xaku: A Hosi ya va tiva lava va nga va yona; niku: Ngha munwe ni munwani a kumbukako a vito ga Hosi a suka kungalulameni. Nah. 1:7; Mat. 24:24; Rom. 8:35; 1 Joh. 2:19

1 Timote 6:19

lezaku va ti veketela a tshomba leyi yi ta ngava a xiseketelo xi nene a xikhatini xa ha tako, lezaku va fela ku kuma wutomi legi gi nga wutomi hizinene.

Va le Efesusi 2:20

Mu akilwe xiseketelweni xa vapostoli ni xa vaprofeti, Jesu Kristu wutsumbu hi ribye ga magumo. Tis. 118:20; Mat. 16:18; 1 Kor. 12:28; Kuv. 21:14

Mateu 16:18

Na mina nziku ka wena: Wena u Pedro, a hehla ka ribye legi nzi ta aka handla ga mina; a tinyangwa ta Hayidesi ti nga ta gi hluta. Joh. 1:42; Efe. 2:20; Kuv. 21:14

Isaya 40:24

Na va ha ku byaliwa, na va ha ku xwanyiwa, A tshinya gabye na ga ha tlhava mitsu misaveni, Loku a pupuxa hehla ka vona va wuna, Ni xipupuri xi va kukuleta ku fana ni mungu.

Mavingu 12:7

A va kubiha va ta wisiwa, va lova; anilezi a yindlu ya valulamileko yi ta sala yi yimile.

Mavingu 1:27

Ina, laha a kuchava ka nwina ku ta ngata khwatsi i bhubhutsa, i kulobyiswa ka nwina ku ta nga kotisa xipupuri: aha a kuhlokiswa ni kuketa ku tako hehla ka nwina.

Joba 21:18

Ni lezaku ve khwatsi linhonhombyana li biwako hi mheho; Va ku khwatsi i mungu loʼwu kukuletwako hi bhubhutsa?

Mavingu 10:30

A wa kululama cima a nga ta tsekatseka; anilezi a wa kubiha a nga ta aka tikweni.

Joba 17:9

Kasike loyi a lulamileko i ta khomelela ndleleni yakwe; Ni loyi a mandla ya yena ma basileko i ta enzeleka a tiya mbilu.

Joba 20:8

I ta nwalala khwatsi i noro, a nga ha kumiwi, Ina, i ta hlongolwa khwatsi hi muwoniso wa wusiku.

Tisimu 58:10

A wakululama i ta tsaka hi ku wona a kuphotelwa; I ta hlaza mikonzo yakwe lomu nkhateni wa vakubiha.

Tisimu 125:1

Lava va tsumbako Jehova Va fanana ni xitsunga xa Zioni, lexi xi nga tsekatsekiswiko, Lexi xi tiyileko kala kupinzuka.