Mavingu 10:11 - Tshwa Bible

¹¹ A nomu wa a lulamileko i hlowo ya wutomi; anilezi a nomu wa loyi wa kubiha wu na ni mona.

Mavingu 10:11 Referans Kwoze

Mavingu 13:14

A gonziselelo ya wutlhari xibuka xa wutomi; i ponisa vanhu maziyweni ya lufo.

Mavingu 10:6

A zikatekiso zi le tihlokweni ta valulamileko, anilezi a nomu wa loyi wa kubiha wu na ni mona.

Mavingu 18:4

A timhaka ta nomu wa munhu ti khwatsi i mati yo eta; i hlowo ya wutlhari yi khwatsi xibuka xi khulungako.

Va le Efesusi 4:29

A kuwulawula ko nyenyeza ngha ku nga humi milonwini ya nwina, sine timhaka ta zinene ta ku vunetela laha ku lavekako, lezaku tiva xikatekiso ka lava va ingisako.

Mavingu 20:15

Ku na ni nzalama ni maribye manyingi ya tsengo; anilezi a xa lisima nguvu hi milomu ya wutivi.

Mavingu 15:7

A milomu ya tlhari yi humesa wutivi; anilezi a mbilu ya xipumbu a yi mahi lezo.

Mavingu 10:32

A milomu ya wa kululama ya tiva lezi zi amukelekako; anilezi a milomu ya wa kubiha yi wulawula kukanganyisa.

Tisimu 107:42

A vakululama va zi wona va tsaka, A vakubiha vontlhe va vala milomu.

Mavingu 15:4

A lirimi li mbheleleko i sinya ya wutomi; anilezi loku li bihile li goha muhefemulo.