Mateu 6:10 - Tshwa Bible

¹⁰ A wute mufumo wa wena. Kuranza ka wena a ku mahiwe misaveni, kota lezi ku mahiwako le tilweni.

Mateu 6:10 Referans Kwoze

Maheberu 10:36

Hakuva za laveka lezaku mu hi ni kutimisela, kasi loku mu mahile a kuranza ka Nungungulu, mu fela ku kuma lezi zi nga tsumbisiwa. Lu. 21:19; Kol. 3:24

Johani 4:34

Jesu aku kabye: A zakuga za mina hi ku maha a kuranza ka loyi a nzi rumileko, ni ku mbhetisa a ntiro wakwe. Joba 23:12; Xip. 6:38; 17:4

Mateu 26:42

I lo suka hi khati ga wumbiri, a ya khongela, aku: Dada, a gombe legi loku gi nga zi koti ku hunza, a handle ka kuva nzi ginwa, a kuranza ka wena a ku mahiwe.

Mateu 12:50

Hakuva kani hi wihi a ta nga maha kuranza ka Dadani wa mina loyi a nga le tilweni, hi yena nakulori, ni makweru, ni mamani. Joba 15:14; Gal. 5:6; Kol. 3:11

1 Va le Tesalonika 5:18

Bongani Nungungulu zilweni zontlhe; hakuva hi kona kuranza ka Nungungulu ka Kristu Jesu ha nwina.

Va le Roma 12:2

Ngha mu nga pimanyisi a tiko ga nguva leyi; kanilezi ngha mu hunzuluswa hi ku mahiwa luswa a kupima ka nwina, kasi mu fela ku hlola mu tiva lezi zi nga kuranza ka Nungungulu, loku ko saseka, ku amukelekako, ni ku mbheleleko. Efe. 1:18; 1 Ped. 1:14; 1 Joh. 2:15

Johani 6:40

Hakuva kuranza ka Dadani lezaku ni wihi loyi a cuwukako Nʼwana, a kholwa ka yena, i fela kuva ni wutomi ga pinzukelwa; ni lezaku nzi mu vuxa hi siku go gumesa. Xip. 3:15, 16; 4:14

Va le Kolosi 1:9

Hi kota ya lezo na hinawu, kusukela a siku legi hi nga zizwa, a hi tsikangi a ku mu khongelela ni ku mu kombelela, lezaku mu fela ku tatiswa hi ku tiva a kuranza kakwe nzeni ka wutlhari gontlhe ni kupima kontlhe ka moya, Rom. 12:2; Efe. 1:15

Va le Efesusi 6:6

mu nga va tireli ntsena loku va mu wona, khwatsi hi lava va tsakisako vanhu; kanilezi tirani khwatsi hi malanza ya Kristu, mu maha kuranza ka Nungungulu hi mbilu.

Tisimu 40:8

Nungungulu wa mina, nza nengela ku maha kuranza ka wena; A nawo wa wena wu lomu mbilwini ya mina.

Mateu 7:21

A hi vona vontlhelele lava va nge ngalo ka mina: Hosi, Hosi, va ta nga enghena mufunweni wa tilo; kanilezi sine loyi a mahako a kuranza ka Dadani wa mina loyi a nga le tilweni. Miti. 19:13; Rom. 2:13; Jak. 1:22

1 Pedro 2:15

Hakuva hi kona a kuranza ka Nungungulu, lezaku hi ku maha leʼzi nene mu miyeta a kuwulawula ka hava ka lava va nga tiviko nchumu.

Maheberu 13:21

a mu maha mu mbhelela mitirweni yontlhe yo saseka, kasi mu maha kuranza kakwe; na a tira ka nwina ha Jesu Kristu lezi zi tsakisako mahlweni ka yena. A wudzunzo a give ka yena kala kupinzuka ni kupinzuka. Amen! Gal. 1:5; 1 Ped. 5:10

Mateu 3:2

aku: Hunzulukani, hakuva mufumo wa tilo wu tshinele. Xip. 4:17; 10:7

Danieli 7:27

A mufumo ni ntamu ni wukulu ga mifumo yontlhe lahasi ka tilo zi ta nyikiwa a tiko ga vobasa va Loyi a Hunzeleleko Kutlakuka. A mufumo wakwe ngwa simasima, a matiko wontihe ma ta mu tirela ma mu ingisa.

Luka 22:42

aku: Dada, loku u zi ranza, susa a gombe legi ka mina; ahemba-lokoke, na ku nga hi kuranza ka mina, kanilezi ka wena a ku maheke.

Johani 7:17

Loku munhu a xuva ku maha kuranza ka Nungungulu, i ta yi tiva a gonzo leyi, loku yita hi ka Nungungulu, kutani nzo ti wulawulela mina wutsumbu. Xip. 8:43

Danieli 2:44

A masikwini ya tihosi leto, Nungungulu wa le tilweni i ta vuxa a mufumo wu to kala wu nga lobyiswi, ni wuhosi ga wona cima gi nga ta nyikelwa ka ginwani tiko. Wu ta panza wu lovisa yontlhe mifumo leyi, wona wu ku tsonzoma kala kupinzuka. Mika 4:7; Lu. 1:33; 1 Kor. 15:24

Kuvululelwa 19:6

Nzi lozwa a ku khwatsi i gezu ga xidlemo xa hombe, giku khwatsi i gezu ga mati manyingi, giku khwatsi i gezu ga kudzinza ka ntamu, giku: Haleluya! hakuva ku fuma Hosi Nungungulu wa hina. Ezek. 1:24; 43:2; Xip. 11:15

1 Va le Tesalonika 4:3

Hakuva a kuranza ka Nungungulu hi lezaku mu basiswa, ni lezaku mu tsika wubhayi. Efe. 5:17

Mitiro 21:14

Laha a nga kala a nga hi ingisi hi lo miyela, hiku: A kuranza ka Hosi a ku maheke. Mat. 6:10; 26:42; Lu. 11:2; 22:42

Danieli 4:35

Vontlhe vaaki va misava a hi nchumu ka yena. I maha kuranza kakwe hi tiyimpi ta tilo ni xikari ka vaaki va laha misaveni. A nga kona a nga tsanzekisako a canja gakwe, ge hambu ku wula kakwe aku; Xini u mahako?

Mitiro 13:22

Kanilezi i lo mu susa, a yimisa Davida a kuva hosi yabye, loyi Nungungulu a nga maha wukustumunyu ha yena, aku: Nzi mu kumile Davida nʼwana Jese, a nga munhu wa mbilu ya mina, loyi a ta nga maha kontlhe kuranza ka mina. 1 Sam. 16:1, 13; Tis. 89:20

Mateu 4:17

A ka xikhati lexo Jesu i lo sangula ku kanela, aku: Hunzulukani, hakuva a mufumo wa tilo wu tshinele. Mar. 1:14, 15; Xip. 10:7

Kuvululelwa 12:10

Nzi lozwa a gezu ga hombe le tilweni, giku: Makunu ku chikele a kuhanyiswa, ni ntamu, ni mufumo wa Nungungulu wa hina, ni ntamu wa Kristu wakwe; hakuva a muranisi wa vamakabye va hina i hoxilwe lahasi, loyi a nga va ranisa mumu ni wusiku mahlweni ka Nungungulu wa hina. Joba 1:9; Zak. 3:1; Xip. 11:15

1 Pedro 4:2

lezaku mu nga ha hanyeli a kunavela ka vanhu, kanilezi mu hanyela kuranza ka Nungungulu, a xikhati lexi xi seleko ka nwina ku hanya nyameni. Rom. 14:7; Jak. 1:18

Maheberu 10:7

Zonake nzi wa te ngalo: Languta, nzata a ku ta maha kuranza ka wena Nungungulu. (Lomu bhukwini ku tsalilwe lezo ha mina.)

Luka 19:38

vaku: A yi khesiwe a Hosi leyi yi tako vitweni ga Jehova; a kurula a kuve le tilweni, ni kungangamela le hehla-hehla! Tis. 118:26; Xip. 2:14; 13:35

Marku 3:35

Hakuva loyi a mahako a kuranza ka Nungungulu, yaloye i nakulori, ni makweru, ni mamani wa mina.

Mateu 16:28

Hizinene nziku ka nwina: Va kona vanwani va yimileko laha, va ta nga kala kuzwa kufa, va kala va wona a Nʼwana wa munhu na ata mufunweni wakwe. Mar. 9:1; Lu. 9:27

Danieli 7:13

Lomu miwonisweni ya wusiku nzi lo wona a munwe loyi a fananako ni nʼwana wa munhu na ata hi marefu ya tilo, ata ka wakale hi masiku, a yisiwa mahlweni kakwe. Mat. 16:27; 24:30; Mar. 14:62

Nehemia 9:6

Wena u Jehova, wena wece; hi wena u mahileko tilo ni matilo ya matilo, ni tiyimpi ta wona tontlhe, ni misava ni zontlhe zi nga ka yona, ni mabimbi ni zontlhe zi nga ka wona, u zi hanyisa zontlhe; a yimpi ya le tilweni yi khozela wena. Isa. 37:16, 20; Miti. 4:24

Marku 11:10

A wu khesiwe a mufumo lowu wu tako wa dadani wa hina Davida. Hozana le hehlahehla! Tis. 143:1

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

Kuvululelwa 20:4

Nzi lo wona zitshamu za wuhosi, ku tshama hehla ka zona lava va nga nyikwa ntamu wa kuva va lamula. Nzi lo wona ni mihefemulo ya lava va nga tsenwa tihloko hi kota ya wukustumunyu ga Jesu, ni mhaka ya Nungungulu, ni lava va nga kala ku khozela xihari, hambu ni xifananiso xa xona, lava va nga amukelangiko xifungo xa xona zimombyeni zabye ni lomu mandleni yabye; va lo tlhela va hanya, va fuma zinwe na Kristu a 1,000 wa malembe. Dan. 7:9, 22, 27; 1 Kor. 6:2, 3; Xip. 6:9; 13:15, 16

Tisimu 2:6

Aku: Hi mina nzi vekileko a hosi ya mina Le Zioni, a xitsunga xa mina xi basileko.

Maheberu 1:14

Xana tona tontlhe a hi mimoya yi tirako; leyi yi rumiwako a ku tirela lava va ta ngaga a tshomba ya kuhanyiswa ke? Mat. 18:10; Lu. 1:19; Miti. 12:7; Rom. 8:17; Jak. 2:5; 1 Ped. 3:7

Va le Kolosi 1:13

Yena i lo hi hlanguta ntanwini wa munyama, a hi enghenisa mufunweni wa Nʼwana wakwe a ranzekileko, Maheb. 2:14; 2 Ped. 1:11

Luka 19:11

Kota lezi va nga kari vazwa, Jesu i lo engeta a kanela a mufananiso, hakuva i wa tshinela Jerusalema, ni lezi va nga alakanya lezaku a mufumo wa Nungungulu wu ta wonekeliswa zalezo. Miti. 1:6

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Isaya 2:2

A masikwini yo gumesa a xitsunga xa yindlu ya ka Jehova xi ta yimiswa le xixungweni xa zitsunga, yi tlakusiwa hehla ka zitsunga zinwani; wontihe matiko ma taya kona. Jer. 3:17; Mika 4:1

Mitiro 22:14

Yena aku: Nungungulu wa vakoko va hina i ku hlawule a kuva u tiva a kuranza kakwe, u wona loyi wa Kululama, ni kuzwa a gezu ga nomu wakwe. Xip. 3:13, 14; 5:30; 1 Kor. 9:1; 11:23

Jeremia 23:5

A masiku mata, ku wula Jehova, lawo nzi to vuxela Davida a Hluke gi lulamileko. I tava hosi ya ngoma, a humelela, yena i ta lamula hi nongameto ni kululama lomu tikweni.