Mateu 5:24 - Tshwa Bible

²⁴ siya a muphahlo wa wena mahlweni ka alati, u famba u ya wuyisana ni nakuloni kuranga, zonake wuya u ta humesa a muphahlo wa wena.

Mateu 5:24 Referans Kwoze

Jakobe 5:16

Hikwalaho tivisanani a zionho za nwina, mu khongelelana, kasi ma hanyiswa. A mukombelo wa munhu a lulamileko wa vuna nguvu. Gen. 20:17; Mitse. 11:2; Jox. 10:12

Joba 42:8

Hikwalaho humesani a ntlhanu ni timbiri tikuzi, ni ntlhanu ni timbiri a tihamba, muya ka nanza ga mina Jeba, mu ya ti mahela a munyikelo wa kuhiswa; ni nanza ga mina Joba i ta mu khongelela. Hakuva yena nzi ta mu amukela, kasi nzi nga mahi ka nwina kota wupumbu ga nwina, hakuva a mu wulawulangi kusaseka ha mina kukotisa a nanza ga mina Joba.

Mavingu 25:9

Xuxa mhaka ya wena ni muakelane wa wena, anilezi u nga bhoxi a mifihlakalo ya munwani;

1 Timote 2:8

Hikwalaho nzi ranza lezaku ku mahiwa mikhongelo hi vavanuna, matshanwini wontihe, na va tlakusa a mandla yo basa, va nga hi na zanga ni kukanetisana. Mal. 1:11; Joh. 4:21

Mateu 23:23

Khombo a give ka nwina vatsali ni vaFarisi, nwina vaxengeteli! Hakuva mu nyikela a za wukhume a minte ni anase ni kumine, kasi mu tsikile a tshinya ga nayo, gi nga nongameto, ni wuxinji, ni kukholeka; kanilezi mu wa fanelwe hi ku maha lezi zo ranga, mu nga tsiki zinwani. 1 Sam. 15:2; Xip. 9:13; Lu. 11:42

1 Va le Korinte 11:28

Hikwalaho ngha munhu a ti hlola yena wutsumbu, zonake age a xibaba ni kunwa a gombe. Gal. 6:4

Marku 9:50

A munyu wu sasekile, kanilezi loku munyu wu pswhama, mu ta wu lunga hi yini ke? Tshamani ni munyu nzeni ka nwina, mu hi ni kurula munwe ni munwani. Mat. 5:13; Lu. 14:34; Efe. 4:29

Mateu 5:23

Hikwalaho loku u humesa muphahlo wa wena laha alatini, u alakanya kona lezaku nakuloni i na ni mhaka na wena,