Mateu 5:14 - Tshwa Bible

¹⁴ Nwina mu kuwonekela ka tiko; a muti lowu wu nga hehla ka xitsunga a wu na ku sirelwa. Mav. 4:18; Fil. 2:15

Mateu 5:14 Referans Kwoze

Va le Filipi 2:15

kasi ma fela ku kala mu nga hi na kusoleka, mu basa, mu hi vanana va Nungungulu, lava va nga hiko na bala xikari ka xizukulwana xi gombonyekileko ni xi bihileko, lexi mu woningako xikari ka xona khwatsi hi kuwonekela laha misaveni,

Johani 8:12

Zonake Jesu i lo engeta a kanela ka vanhu, aku: Mina nzi kuwonekela ka tiko. Loyi a nzi lanzelako a nga ta ha famba munyameni; kanilezi i tava ni kuwonekela ka wutomi. Xip. 1:5, 9; 9:5; 12:35, 46

1 Va le Tesalonika 5:5

Nwina nwentlhe mu vana va kuwonekela, mu vana va hlikanhi; hina a hi va wusiku, hambu va munyama; Efe. 5:8

Mavingu 4:18

Kanilezi a ndlela ya valulamileko yi kotisa kuwonekela ka mixo, oku ku enzelekako kala a hlikanhi wu mbhelela.

Johani 12:36

Kholwani hi kuwonekela na ma ha hi nako, kasi ma fela ku maha vanana va kuwonekela. Jesu i lo kanela timhaka leti, a suka ka vona, a ya ti fihla. Lu. 16:8; Efe. 5:8; Xip. 11:54

2 Va le Korinte 6:14

Mu nga bohelwi ntsungwa munwe ni va nga kholwiko; hakuva kunengela muni xikari ka kululama ni kubiha ke? Kutani hi kwihi a kutlhangana ka kuwonekela ni munyama ke? Deut. 7:2, 3; 1 Sam. 5:2; Efe. 5:7

Johani 5:35

Johani i wa hi kandiya yi vurako yi woningako; nwina mu vumele ku tsaka xikhatanyana kuwonekeleni kakwe. 2 Ped. 1:19

Kuvululelwa 1:20

A fihlakalo wa tinyeleti ta ntlhanu ni timbiri leti u nga ti wona canjeni ga mina ga xinene, ni timeza ta nzalama ta ntlhanu ni timbiri to veka tikandiya hi lowu: A tinyeleti ta ntlhanu ni timbiri hi tingelosi ta ntlhanu wa mabandla ni mambiri, ni timeza leti ta ntlhanu ni timbiri to veka tikandiya hi mabandla lawa ya ntlhanu ni mambiri. Zak. 4:2; Mat. 5:15

Johani 9:5

Laha nzi nga kona tikweni, nzi kuwonekela ka tiko. Xip. 1:5, 9; 3:19; 8:12

Kuvululelwa 2:5

Hikwalaho alakanya laha u wileko ha kona, u hunzuluka, u maha mitiro yo sangula; loku u nga mahi lezo nzi tata ka wena, nzi ta susa a meza ya wena ya kandiya a wutshanwini ga yona, loku u nga hunzuluki. Mat. 21:41

Ezekieli 5:5

Hosi Jehova i ngalo: Hi loyi Jerusalema! nzi mu vekile xikari ka mifumo, a matiko ma mu ranzele.