Mateu 5:10 - Tshwa Bible

¹⁰ Va katekile lava va xaniswako hi kota ya kululama, hakuva mufumo wa le tilweni ngwabye. 2 Tim. 2:12; 1 Ped. 3:14

Mateu 5:10 Referans Kwoze

Jakobe 1:12

I katekile a munhu loyi a timiselako minzhingweni; hakuva loku a ringilwe a kumeka na a tiyile, i ta amukeliswa a xidlodlo xa wutomi, lexi a Hosi yi tsumbisileko lava va yi ranzako. Kuv. 2:10; Joba 5:17; 1 Ped. 5:4

2 Va le Korinte 4:17

Hakuva a kuxaniseka ka hina ko hehuka ka xikhatanyana ntsena, ka hi tirela a ntsengo wa hombe wa wudumo ga pinzukelwa;

Mateu 5:3

Va katekile a zisiwana moyeni, hakuva mufumo wa le tilweni ngwabye. Lu. 6:20

Luka 6:22

Mu katekile nwina loku vanhu va mu venga, va mu hlongola, va mu rukatela, va nyenya a vito ga nwina aku khwatsi gi bihile, hi kota ya Nʼwana wa munhu. Mat. 5:11; Joh. 16:2; 1 Ped. 2:19

2 Timote 2:12

loku hi timisela, hi ta fuma zinwe naye; kanilezi loku hi mu kaneta, yenawu i ta hi kaneta. Mat. 10:33; Mar. 8:38; Rom. 8:17; 1 Ped. 4:13

Va le Filipi 1:28

na mu nga dzukiswi ha nchumu hi valala. A kutiya ka nwina xikombiso ka vona xa kulobyiswa kabye, kanilezi ka nwina xi tava xa kuhanyiswa ka nwina, ni lexi xita hi ka Nungungulu. Isa. 41:10; Mat. 10:28; Rom. 8:17; Maheb. 13:5

Luka 21:12

Kanilezi na zi nga se ku humelela zontlhe lezi, Va ta mu khoma, va mu xanisa, va mu nyikela masinagogeni ni le mapaxweni, va mu yisa mahlweni ka tihosi ni vafumeli hi kota ya vito ga mina. Mar. 13:9; Kuv. 2:10; Miti. 4:3; 12:4; 1 Ped. 2:13

Johani 15:20

Alakanyani a mhaka leyi nzi nga mu byela, nziku: A nanza a hi ga hombe ku hunza a hosi ya gona. Loku va xanisile mina, va ta xanisa na nwina kambe; loku va hlayisile a mhaka ya mina, va ta hlayisa ni va nwina kambe. Ezek. 3:7; Mat. 10:24; Xip. 13:16

Kuvululelwa 2:10

U nga chavi nchumu ka lezi u ta nga xaniseka ha zona. Languta, Satani i ta khotsela vanwani va nwina paxweni, a kuva mu ringiwa, mu xaniswa khume ga masiku. Tsumbeka kala kufeni, nzi ta ku nyika xidlodlo xa wutomi. Mat. 10:22; 24:13; Jak. 1:12

2 Timote 3:11

ni le kuxanisweni, ni kuxanisekeni loku nzi nga humelelwa ha kona le Antiokia, ni le Ikoniume, ni le Listra. Kuxaniseka ka kuyini nzi nga hi nako! kanilezi Hosi yi lo nzi hlanguta ka kona kontlhe. Tis. 34:19; Miti. 13:45; 14:2; 2 Kor. 1:10

Mateu 25:34

Zonake a Hosi yi taku ka vona lava va nga reveni gakwe ga xinene: Ngonani nwina mu katekisilweko hi Dadani, mu taga a tshomba yi nga wona mufumo lowu wu longiselelweko nwina kusukela kusanguleni ka misava. Rom. 8:17; Kuv. 21:7; 1 Kor. 2:9

Tisimu 37:12

A wakubiha wa tsema xikungo hi loyi a lulamileko, A getsela meno yakwe ka yena.

Marku 10:30

loyi a ta nga kala a nga amukeliswi hi ka zana a ka lexi xikhati, a tiyindlu, ni vanakulobye, ni vamakabye, ni vanyine, ni vana, ni masimu, na hi kona zixanisweni; ni ka tiko gi tako a wutomi ga pinzukelwa. 2 Kro. 25:9; Lu. 18:30

Luka 6:20

Jesu i lo tlakusa mahlo, a cuwukisa vapizani vakwe, aku: Mu katekile nwina zisiwana, hakuva a mufumo wa Nungungulu ngwa nwina. Mat. 5:3; 11:5

Mateu 10:23

Kanilezi loku va mu xanisa mutini wo kari, chavelani ka munwani; hakuva hizinene nziku ka nwina: Mu nga ta kala mu mbheta a miti ya vaIsraeli, na Nʼwana wa munhu a nga se ku chikela. Miti. 8:1; Xip. 16:28

1 Johani 3:12

hi nga koti Kana, loyi a nga hi nʼwana wa loyi wa kubiha, a daya nakulobye. Xana i lo mu daya hikuyini ke? Hilezi a mitiro yakwe yi wa bihile, ni ya nakulobye yi wa lulamile. Gen. 4:4, 8

Mitiro 8:1

Na yena Saule i lo vumela ka kufa ka Stefani. Hi lego siku ku lo vuka a kuxaniswa ka hombe ko vukela handla legi gi nga hi Jerusalema; vontlhe va lo hangalaswa matikweni ya Judia ni le Samaria, ku sala a vapostoli ntsena. Xip. 7:58; 11:19

Mitiro 5:40

Vona va lo mu ingisa. Laha na va vitanile a vapostoli, va lo vaba, va va laya lezaku va nga ha kaneti hi vito ga Jesu, va va tsika va famba. Mar. 13:9; Lu. 20:10

Isaya 66:5

Zwanani a mhaka ya Jehova nwina lava mu rurumelako hi gezu gakwe! Hakuva a vamakwenu lava va mu vengako, Lava va mu hlongolako hi kota ya vito ga mina, Ve ngalo: Jehova a kombisa a wukulu gakwe, Kasi ha fela ku wona kutsaka ka nwina! Kanilezi va tawa tingana.

Mateu 19:14

Kanilezi Jesu aku ngalo: Tsikani a vanana, mu nga va beleteli a kuta ka mina, hakuva a mufumo wa le tilweni ngwa va kunghahi.

Marku 10:14

Laha Jesu na zi wonile, i lo tsanwa, aku kabye: Vumeleni a vanana a kuta ka mina, mu nga va beleteli; hakuva a mufumo wa Nungungulu ngwa va kunghahi. 1 Kor. 14:20; 1 Ped. 2:2

Luka 22:29

Mina nza mu nyika kufuma, kota lezi Dadani a nzi nyikileko kona; Mat. 24:47

Jakobe 5:11

Hi ngalo: Va katekile lava va nga timisela. Mu zwile hi kutimisela ka Joba, mu wonile a kugumelwa ka Hosi; hakuva a Hosi yi tele hi ku zwela wusiwana ni wuxinji. Mitse. 14:8; Joba 1:21; Tis. 103:8