Mateu 4:23 - Tshwa Bible

²³ Jesu i lo nzulanzula le Galilea gontlhe, na a gonzisa masinagogeni yabye, na a kanela ivangeli ya mufumo, a chuma tixaka tontlhe ta tinghumbe, ni tixaka tontlhe ta mababyi xikari ka vanhu. Xip. 24:14; Mar. 1:34; Lu. 4:14

Mateu 4:23 Referans Kwoze

Mateu 9:35

Jesu i lo nzulanzula mitini yontlhe ni zimitaneni, a gonzisa masinagogeni, na a kanela Ivangeli ya mufumo, a chuma tontlhe tixaka ta tinghumbe ni tixaka tontlhe ta mababyi. Mar. 6:6; Lu. 13:22

Marku 1:39

I lo famba a ya kanela masinagogeni yabye tikweni gontlhe ga le Galilea, na a kari a hlongola madimoni. Mat. 4:23; Lu. 4:44

Mitiro 10:38

yaku ngalo: Nungungulu i lo tota Jesu wa le Nazareta hi Moya wa ku Basa ni ntamu; loyi a nga nzulanzula a maha kusaseka, a hanyisa vontlhe lava va nga tsimbeketwa hi Diabolus; hakuva Nungungulu i wa hi naye. Lu. 4:18; Joh. 3:2; Xip. 4:27

Luka 7:22

I lo hlamula, aku ngalo kabye: Fambani, mu ya byela Johani lezi mu zi wonileko ni lezi mu zi zwileko: a zikhumu zi tlheliselwa kuwona, a zilema za famba, a vahlokonho va hlaziwa, ni ziwiri zazwa, a vafileko va vuxiwa, ni zisiwana zi kanelelwa a mahungu yo saseka. Isa. 35:5; Mat. 11:4; Xip. 4:18

Mateu 11:5

a zikhumu za tlhela zi wona, a zikhurubu za famba, a tihlokonho ta basiswa, a ziwiri zazwa, a vafileko va vuxwa, ni zisiwana za kanelelwa a mahungu yo saseka. Isa. 35:6; 61:1; Lu. 4:18; Jak. 2:5

Mateu 13:54

Na a tile tikweni gabye i lo va gonzisa sinagogeni gabye, laha kakuva va hlamala, vaku: Inaloyi i gi kumile kwihi a wutlhari legi, ni zirewukiso lezi zita hi kwihi? Xip. 2:23; Mar. 6:1; Lu. 4:16, 23

Marku 1:21

Zonake va lo enghena Kapernaume; hi siku ga sabado i lo enghena sinagogeni, a gonzisa. Mat. 4:13; Lu. 4:31

Tisimu 103:3

Loyi a ku tsetselelako a zigoho za wena zontlhe, Loyi a chumako tinghumbe ta wena tontlhe;

Va le Roma 10:15

Kambe, vanhu va ta kanelisa kuyini loku va nga rumiwangi ke? Khwatsi hi lezi ku tsalilweko ku ngalo: Yi sasekisa kuyini a mikonzo ya vona lava va nehako a mahungu yo saseka! Isa. 52:7

Luka 8:1

Ku te hi lokuloku anzhako ka lezo, yena i lo nzulanzula mitini ni zimitaneni, na a kanela ni ku tlhatlhambutela ivangeli ya mufumo wa Nungungulu, ni vakhume ni vambiri va wa hi zinwe naye.

Marku 6:2

Hi siku ga sabado i lo gonzisa lomo sinagogeni; a vanyingi lava va nga muzwa va lo hlamala, vaku: Xana inaloyi i zi kumile kwihi lezi ke? Niku: Kutlhariha ka kuyini a nyikilweko kona, ni zirewukiso zi mahiwako hi mandla yakwe zita hi kwihi ke? Joh. 6:42

Mateu 24:14

A ivangeli leyi ya mufumo yi ta kanetwa misaveni yontlhe, kasi yiva wukustumunyu ka matiko wontihe; hi kona ku ta nga chikela a kugumesa. Xip. 4:23; Rom. 10:18; Kol. 1:6, 23

Mateu 12:9

I lo suka laho, a ya enghena sinagogeni gabye. Mar. 3:1; Lu. 6:6

Johani 18:20

Jesu i lo mu hlamula, aku: Nzi kanele kubaseni lomu tikweni; nzi wa gonzisa masinagogeni, ni lomo tempeleni, laha va tsombanako kona a vaJuda vontlhe; a nzi kanetangi nchumu xihundleni. Mat. 26:55; Lu. 4:15; Xip. 7:14, 26

Luka 13:10

I wa kari a gonzisa ka ginwe ga masinagoga hi siku ga sabado,

Luka 9:11

Kanilezi na zi zi tivile a zidlemo zi lo mu lanzela; i lo va amukela a kanela kabye hi mufumo wa Nungungulu, a hanyisa lava va lavako ku hanyiswa.

Luka 5:17

A siku ginwani laha Jesu a nga kari a gonzisa, ku wa tshamilewo laho a vaFarisi ni vagonzisi va nayo, lava va nga tile hi le mitini yontlhe ya le Galilea ni Judia ni Jerusalema; ni ntamu wa Hosi wu wa hi zinwe na yena a ku hanyisa.

Marku 6:6

I lo hlamala hi kota ya kungakholwi kabye. Zonake i lo nzulanzula mitaneni na a gonzisa. Isa. 59:16; Mat. 9:35; Lu. 13:22

Marku 3:10

Hakuva i wa hanyisile vanyingi, ni vontlhe va nga hi ni tinghumbe va wo tsimbeketana kakwe, kasi va fela ku mu khumba.

Marku 1:14

Laha Johani na a valelwe paxweni; Jesu i loya Galilea, na a kanela ivangeli ya Nungungulu, Mat. 4:12, 23

Tisimu 74:8

Vaku timbilwini tabye: A hi va hetiseni vontlhe bhi! Va hisile wontihe masinagoga ya Nungungulu lomu tikweni.

Mitiro 20:25

Makunu nza zi tiva lezaku nwina nwentlhe, lava nzi nga fambafamba xikari ka nwina nzi kanela a mufumo wa Nungungulu, mu nga ta ha wona a nghohe ya mina kambe. Rom. 15:23

Mitiro 18:4

I lo gonzisa sinagogeni a masabado wontihe, a kholwisa a vaJuda ni vaGreki.

Johani 6:59

A timhaka leti Jesu i lo ti kanela laha a nga gonzisa sinagogeni le Kapernaume.

Luka 10:9

mu hanyisa a vababyi lava va nga ka wona, muku ka vona: A mufumo wa Nungungulu wu tshinele ka nwina. Mat. 3:2; 4:17; 10:7; Xip. 9:2

Luka 6:17

Yena i lo relela navo xitsungeni, a yima wutshanwini ga livala; ku wa tsombene kona a vapizani vanyingi va yena, ni vanhu vanyingi va ngata hi le Judia gontlhe ni le Jerusalema, ni va le tikweni ga Tire ni Sidoni, lava va nga tela ku ta muzwa, ni ku ta hanyiswa tinghumbeni tabye, Mat. 4:25; Mar. 3:7

Mateu 14:14

Loku a huma ngalaveni a wona a xidlemo xa hombe, i lo xi zwela wusiwana, a hanyisa vababyako vabye. Xip. 9:36; Mar. 6:34

Mateu 13:19

Laha munhu a zwako a mhaka ya mufumo a nga yi pimi, kuta kakwe loyi wa kubiha, a ta wutla lexi xi xwanyilweko lomo mbilwini yakwe. Loyi hi yena a xwanyilweko ndleleni.

Mateu 3:2

aku: Hunzulukani, hakuva mufumo wa tilo wu tshinele. Xip. 4:17; 10:7

Johani 7:1

Anzhako ka lezo, Jesu i wa fambafamba le Galilea; i wa nga ranzi ku fambafamba le Judia, hakuva a vaJuda va wa lava ku mu daya. Xip. 5:16, 18

Luka 20:1

Ku te hi ginwe ga masiku lawo, laha a nga kari a gonzisa vanhu lomo tempeleni, na a kanela ivangeli, ku lota ka yena a vapristi ni vatsali zinwe ni masingalakati; Mat. 21:23

Luka 4:14

Jesu i lo tlhelela Galilea hi ntamu wa Moya; ni wudumo ga yena gi la su ga fenemete tikweni gontlhe ga leyo. Mat. 4:12; Joh. 4:43; Miti. 10:37

Luka 6:6

Ku te hi ginwani sabado, Jesu a enghena sinagogeni a gonzisa. Ku wa hi kona munhu loyi a nga lamele canja ga xinene. Mat. 12:10; Mar. 3:1

Luka 7:21

Hi lexo xikhati Jesu i wa hanyisa vanyingi a tinghumbeni tabye, ni mitungu, ni ku hlongola mimoya ya kubiha, a tlhelisela kuwona ka vanyingi va nga hi zikhumu.

Luka 9:60

Jesu aku ka yena: Tsika a vafileko va lahla a vafileko vabye; kanilezi wena famba u yaba hungu hi mufumo wa Nungungulu.

Luka 16:16

A nayo ni vaprofeti zi lo simamisa a kala a chikela Johani; ku sukela lexo xikhati ya kanetwa a ivangeli ya mufumo wa Nungungulu, munwe ni munwani a maha hi ntamu ku enghena ka wona. Mat. 4:17; 11:12, 13; Xip. 7:29

Mitiro 28:31

na a kanela hi mufumo wa Nungungulu, a gonzisa a timhaka ta Hosi Jesu Kristu hi kutiya kontlhe, na a nga tsimbetelwi hi munhu. Xip. 4:31; Efe. 6:19