Mateu 27:19 - Tshwa Bible

¹⁹ Laha Pilatu na ha tshamile xitshanwini xa kulamula, a sati wakwe i lo rumela mhaka kakwe, aku; Ngha u nga hi na mhaka ni munhu loye a lulamileko. Hakuva ni wusiku nzi xanisekile nguvu hi kulora hi kota ya yena.

Mateu 27:19 Referans Kwoze

Mateu 27:24

Lezo Pilatu na a wonile lezaku a nga zi koti ku va rutisa, ntsena ku vuxa woyonga, i lo teka mati, a hlamba mandla yakwe mahlweni ka xidlemo, aku: A nzi na nanzu hi nkhata wa munhu loyi a lulamileko; ti woneleni nwina. Deut. 21:6

1 Pedro 2:22

Yena a nga onhangi, ni kukanganyisa a ku kumiwangi nonwini wakwe; Isa. 53:9; Lu. 23:41

Johani 19:13

Laha Pilatu na a ti zwile leti timhaka, i lo humesa Jesu lahandle, a tshama xitshanwini xa kulamula, a ka wutshamu gi vitwako, Maribye, kanilezi hi xiHeberu, Gabata.

Luka 23:47

Laha a nduna ya zana yi nga wa wonile lezi zi mahekileko, yi lo dumisa Nungungulu, yiku: Hakunene, loyi i wa hi munhu a lulamileko. Mat. 27:54; Mar. 15:39

Mavingu 29:1

Loyi a khanzakanyako ku kawukwa, a nonohisa nhamu, ta lobyiswa xikanwe, cima a nga ta hawukelwa.

1 Johani 2:1

Vana vanga, nza mu tsalela timhaka leti lezaku kasi mu fela ku kala mu nga onhi. Kanilezi loku munhu a onha, hi na ni Muyimeli ka Dadani, a nga Jesu Kristu a lulamileko. 1 Tim. 2:5; Maheb. 9:24

Mateu 27:4

aku: Nzi onhile lezi nzinyikeleko munhu a nga onhangiko nchumu. Kanilezi va te ngalo: Xini lexo ka hina? I mhaka ya wena!

Mateu 2:22

Kanilezi laha na a zwile lezaku Arkelau i fumile le Judia xikhundleni xa raru wakwe Herodi, i wa chava a kuya leyo; na a lulekilwe hi Nungungulu norweni, i lo famba tikweni ga Galilea. Xip. 3:13; Lu. 2:39

Mateu 2:19

Kanilezi laha Herodi na a file, e ngelosi ya Hosi yi lo woneka ka Josefa hi, noro le Gipite,

Mateu 1:20

Na a ha alakanya lezo, a ngelosi ya Jehova yi lo woneka kakwe hi noro, yiku; Josefa, nʼwana Davida, u nga chavi a ku teka Maria, a sati wa wena; hakuva a nyimba leyi a nga nayo nja ka Moya wa ku Basa. Lu. 1:35

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Isaya 53:11

I ta wona mihanzu ya kuxaniseka ka muhefemulo wakwe, a eneliswa; Hi kutiva kakwe a nanza ga mina gi lulamileko gi ta maha vanyingi va lulama, Hakuva i ta rwala zigoho zabye.

Mitsengo 12:6

Zonake aku ngalo: Zwanani timhaka ta mina! Loku ku hi kona muprofeti xikari ka nwina, mina Jehova nzi ti tivekisa ka yena hi miwoniso, nzi wulawula naye hi miloro.

Genesisi 31:29

Zi le ntanweni wa mina ku ku lamata; kanilezi Nungungulu wa raru wa wena i wulawulile ka mina atolo ni wusiku, aku: Ti wonele, u nga wulawuli ka Jakobe kusasa hambu kubiha.

Genesisi 31:24

Nungungulu i lota ka Labani a muArame hi kulora ni wusiku, i te ngalo kakwe: Ti wonele lezaku u nga wulawuli ka Jakobe a kusasa hambu kubiha.

Luka 23:41

Hina zi hi ringene, hakuva hi amukela a nchachazelo wa mitiro ya hina; kanilezi loyi munhu a nga gohangi nchumu.

Genesisi 31:11

A ngelosi ya Nungungulu yi te ngalo ka mina hi kulora: Jakobe! Nziku: Nzi laha.

Mateu 27:18

Hakuva i wa zi tivile lezaku va mu kecarile hi wukhuxu.

Mitiro 12:21

Hi siku gi yimisilweko Herodi i lo ambala tinguwo ta wuhosi, a tshama xitshanwini xa wuhosi, a kanela kabye.

Mitiro 18:12

Kanilezi laha Galio a nga wa hi mufumeli wa le Akaya, a vaJuda va lo vukela Paule hi mbilu yinwe, va mu yisa mahlweni ka hubye,

Mitiro 18:16

I lo va hlongola hubyeni.

Mitiro 18:17

Zonake a vanhu vontlhe va lo khoma Sostenisi, a murangeli wa sinagoga, va muba mahlweni ka hubye; kanilezi Galio a nga khatalangi nchumu hi lezi zilo. 1 Kor. 1:1

Mitiro 25:6

Laha a nga xwile xikari kabye a ntlhanu wa masiku ni manharu kutani khume, i lo relela aya Kesaria; hi manziko wa kona i lo tshama xitshanwini xa kulamula, a laya a kuva Paule a tiswa.

Mitiro 25:10

Paule i lo hlamula, aku: Mina nzi yimile mahlweni ka xitshamu xa kulamula xa Kesari, hi laha nzi fanelweko hi ku lamulwa kona; a nzi onhangi nchumu ka vaJuda, kota lezi wena u zi tivako khwatsi.

Mitiro 25:17

Hikwalaho laha va nga chikele seno, nzi lo hatlisa nzi tshama hubyeni hi siku go gamela, nzi laya a ku va a tiswa munhu loye.