Mateu 26:41 - Tshwa Bible

⁴¹ Rinzelani, mu khongela, kasi mu nga engheni kuringweni; hakunene a moya wa vumela, kanilezi a nyama yi na ni gome. Mar. 13:33; Efe. 6:18

Mateu 26:41 Referans Kwoze

Luka 22:46

aku ngalo kabye: Hiyini mu etlelako ke? Vukani mu khongela, kasi mu nga engheni kuringweni.

Marku 14:38

Rinzelani, mu khongela, kasi mu nga engheni kuringweni. Hakunene, a moya wa xuva, kanilezi a nyama yi na ni gome. Rom. 7:23; Gal. 5:17

Va le Efesusi 6:18

Khongelani zikhati zontlhe hi mikhongelo ni kukombela hi Moya, mu rinzela hi lihlaza-mbilu ni ku kombelela a vobasa vontlhe. Lu. 18:1; Fil. 1:4

Mateu 6:13

U nga hi yisi minzhingweni, kanilezi hi tlhatlhise ka loyi wa kubiha. Lu. 22:40, 48; Joh. 17:15; Kuv. 3:10

Luka 21:36

Rinzelani zikhati zontlhe, na mu kombela lezaku muva ni ntamu ku pona zontlhe lezi zi ta nga maheka, ni ku yima mahlweni ka Nʼwana wa munhu. Mat. 24:42; Xip. 18:1; Tis. 1:5

Kuvululelwa 16:15

(Languta, nzata khwatsi hi khamba; i katekile loyi a rinzelako a hlayisa tinguwo takwe, lezaku a nga fambi a hi ximbyiri, va wona tingana takwe.) Mat. 24:43; 2 Kor. 5:3; Xip. 3:4, 18

1 Va le Korinte 16:13

Rinzelani, muku nde kukholweni, mu maha xinuna, muva ni ntamu.

1 Pedro 5:8

Ti khomeni, mu rinzela; hakuva a nala wa nwina Satani wa fambafamba kota nghala leyi yi dzumako, a hlota loyi a ta nga mu khadamula. Joba 1:7; Lu. 21:34

1 Va le Korinte 10:13

A mu se nga humelwa hi nzhingo ahandle ka lowu munhu a wu kotako ku rwala; Nungungulu i tsumbekile, a nga ta vumela a kuva mu ringwa ku hunza a ntamu wa nwina; kanilezi i ta mu mahela a ndlela ya kupona loku wuta nzhingo, kasi mu ta zi kota ku wu rwala. Jer. 29:11; 2 Ped. 2:9

2 Pedro 2:9

A Hosi ya zi kota ku hlanguta kuringweni lava va chavako Nungungulu, ni ku khoma a vangalulamangiko va tsayiswa kala sikwini ga kulamulwa; Tis. 34:17; 1 Kor. 10:13

Mateu 24:42

Hikwalaho rinzelani, hakuva a mu gi tivi a siku legi yi ta ngata ha gona a Hosi ya nwina. Mar. 13:33; Lu. 21:36

Kuvululelwa 3:10

Kota lezi u hlayisileko a mhaka ya kutimisela ka mina, minawu nzi ta ku hlayisa zikhatini xa kuringwa, lexi xi ta nga chikela tikweni gontlhe, kasi ku ringa lava va akileko misaveni. Isa. 24:17; Lu. 2:1; 2 Ped. 2:9

1 Pedro 4:7

Kanilezi a kugumelwa ka zontlhe ku tshinele; hikwalaho ngha mu hi ni kupima ku nene, mu ti khoma lezaku mu zi kota ku khongela. Mat. 26:41; Rom. 13:12

Luka 22:40

Laha a nga wa chikele kona, aku ngalo kabye: Khongelani kasi mu nga engheni kuringweni.

Va le Galatia 5:24

Vona lava va nga va Kristu Jesu va belele a nyama yabye zinwe ni kumbilukela ni kunavela ka yona. Rom. 6:6

1 Va le Korinte 9:27

Kanilezi nzi tsayisa a miri wa mina nzi wu hlula; ku nga taku, na nzi kanele ka vanwani mina wutsumbu nzi hoxiwa. Jer. 6:30; 2 Kor. 13:5

Mateu 25:13

Hikwalaho rinzelani, hakuva a mu gi tivi siku ni xikhati. Lu. 21:36; 1 Tes. 5:6; Kuv. 16:15

Tisimu 119:32

Nzi ta tsutsuma ndleleni ya zileletelo za wena, Laha wena u anamisako a mbilu ya mina.

Mateu 26:38

Aku ka vona: A muhefemulo wa mina wa xaniseka nguvu, ku khwatsi hi kufa; salani laha, mu rinzela zinwe na mina. Joh. 12:27

Tisimu 119:1

Va katekile lava va mbheleleko mahanyeleni yabye, Lava va fambako nayweni wa Jehova.

Va le Roma 8:3

Hakuva lezi a nayo wu nga tsanzeka ha zona, hilezi wu nga hi ni gome hi kota ya nyama, Nungungulu i zi tirile hi ku rumela a Nʼwana wakwe hi xiyimo xa nyama ya kuonha, lezaku a kona a kuonha le nyameni. Maheb. 7:18

Luka 11:4

Hi tsetselele a zionho za hina; hakuva na hinawu ha tsetselela vontlhelele lava va aga ni milanzu ka hina. U nga hi yisi kuringweni.

Luka 8:13

Lava va nga le maribyeni, hi vona lava na va yi zwile a mhaka, va yi amukela hi kutsaka; kanilezi a va na mitsu; va su kholwa xikhatanyana, ni xikhatini xa minzhingo va su khunguvanyeka.

Tisimu 119:117

Nzi tiyise lezaku nzi pona, A ziyimiso za wena zi tava mahlweni ka mina xontlhe xikhati.

Tisimu 119:115

Sukani ka mina, nwina vobiha, A kuva nzi hlayisa a zileletelo za Nungungulu wa mina.