Mateu 23:23 - Tshwa Bible

²³ Khombo a give ka nwina vatsali ni vaFarisi, nwina vaxengeteli! Hakuva mu nyikela a za wukhume a minte ni anase ni kumine, kasi mu tsikile a tshinya ga nayo, gi nga nongameto, ni wuxinji, ni kukholeka; kanilezi mu wa fanelwe hi ku maha lezi zo ranga, mu nga tsiki zinwani. 1 Sam. 15:2; Xip. 9:13; Lu. 11:42

Mateu 23:23 Referans Kwoze

Luka 11:42

Kanilezi khombo a give ka nwina vaFarisi; hakuva mu nyikela a za wukhume ka minte ni rue ni khubyanyi wontihe, kasi mu tsika nongameto ni kuranza ka Nungungulu; kanilezi mu wa fanele ku maha lezi, na mu nga tsikangi ku humesa leʼzo ranga. Mat. 23:23

Mika 6:8

Wena munhu, u tiyisilwe zinene; ni lezi Jehova a zi lavako ka wena, hi lezaku u maha leʼza kululama, u ranza wuxinji, ni ku famba hi kutikoramisa zinwe ni Nungungulu wa wena. Deut. 10:12

Hosea 6:6

Hakuva nzi ranza wuxinji, a nzi ranzi miphahlelo; ni ku tiva Nungungulu ka hunza a minyikelo ya kuhiswa. 1 Sam. 15:22; Mat. 9:13; 12:7

Mateu 9:13

Fambani mu ya gonza lezaku zi wula yini leʼzo ngalo: Nzi ranza wuxinji, a nzi ranzi miphahlo. Hakuva a nzi telangi a ku ta vitana a valulamileko, kanilezi a vaonhi. Hos. 6:6; Xip. 12:7; 1 Tim. 1:15

1 Samueli 15:22

Samueli a ku ngalo: Xana Jehova wa tsakiswa hi minyikelo ya kuhiswa ni miphahlelo, ku hunza ku ingisa gezu gakwe ke? Zwisisa! a kuingisa ku chukwana ku hunza miphahlelo, ni ku hlayisa gezu ga Jehova ku hunza mafura ya tiyivu. Hos. 6:6; Mat. 9:13; 12:7

Mavingu 21:3

A ku maha kululama ni nongameto, a amukeleka ka Jehova ku hunza muphahlo. 1 Sam. 15:22; Isa. 1:11; Hos. 6:6

Levi 27:30

A xipanze xa wukhume xa zontlhe lezi zi tshovelwako, lezi zi pambulweko lomu ka timbewu, ni mihanzu ya tisinya, za Jehova, zi basiselwe Jehova.

Luka 18:12

Nzi yila kumbiri hi viki, nzi nyika za wukhume ka zontlhe lezi nzi zi kumako.

Mateu 12:7

Kanilezi loku mu wa zi tivile aku zi wula yini lezaku: Nzi ranza wuxinji, a nzi ranzi miphahlelo, ngha na mu ngakonangi lava va nga hava nanzu. Hos. 6:6; Mika 6:6-8

Isaya 28:25

Loku a nanasele a sava ga kona a nga xwanyi anase ni kumine, A byala tirigo hi ku xaxameta, Ni mavele ni mahuva matshanwini ya wona ke?

Jeremia 22:3

Jehova i ngalo: Lamulani hi fanelo ni kululama, mu ponisa loyi a phangiwako a mandleni ya loyi a mu tsimbeketako; mu nga xanisi a muluveli, ni xisiwana, ni noni, mu nga va tsimbeketi, hambu ku halata nkhata wa lava va nga hiko na nanzu wutshanwini legi.

Mateu 23:13

Kanilezi khombo a give ka nwina vatsali ni vaFarisi, nwina vaxengeteli! Hakuva mu valela vanhu a mufumo wa tilo; nwina wutsumbu a mu engheni, hambu ni ku va vumela va enghena lava va ranzako ku enghena.