Mateu 21:37 - Tshwa Bible

³⁷ A kala a rumela nʼwana wakwe, na aku: Vona va tava ni xichawo ka nʼwana wa mina.

Mateu 21:37 Referans Kwoze

Zefania 3:7

Nzi te ngalo: Hizinene loku u wa ta nzi chava, u amukela a ziluleko, zinghaho a Wutshamu ga wena gi wa nga ta susiwa kukotisa zontlhe lezi nzi leleteleko xungetano na wena. Kanilezi na ga hi mixo va vukile kasi ku wonha zimaho zabye zontlhe.

Johani 3:16

Hakuva Nungungulu i lo ranza tiko kota lezi, a kala a nyikela a Nʼwana wakwe a belekilweko yece, kasi ni wihi loyi a kholwako kakwe a nga lovi, kanilezi ave ni wutomi ga pinzukelwa. Rom. 5:8; 1 Joh. 4:9

Johani 1:34

Nzi zi wonile, nza maha wukustumunyu lezaku loyi i Nʼwana wa Nungungulu.

Luka 20:13

A nwinyi wa xivini aku ngalo: Nzi ta maha yini ke? Nzi ta ruma a nʼwana wa mina loyi nzi mu ranzako, kutani va tava ni xichawo ka yena.

Marku 12:6

Yena i wa ha hi ni nʼwana munwe a ranzekako; hi kugumesa a mu ruma ka vona, aku: Va tava ni xichawo ka nʼwana wa mina.

Mateu 3:17

Zonake ku lo zwala a gezu gi huma matilweni, giku: Loyi hi Nʼwana wa mina a ranzekako, nzi xaleleko khwatsi ha yena. Tis. 2:7; Mar. 1:11; Lu. 9:35; Joh. 12:28; Efe. 1:6

Isaya 5:4

Xini xinwani xi nga fanele kuva xi mahilwe xivineni xa mina Lexi nzi nga xi mahangiko ke? Laha nzi nga rinzela a kuva xi pswala mauva yo nanziha, Hikuyini xi psweleko mauva yo bava ke?

Johani 1:18

Nungungulu cima a nga woniwangi hi munhu; a Nʼwana loyi a belekilweko yece, loyi a nga xifuveni xa Dadani, hi yena a hi tivisileko lezi Nungungulu a nga zona. Ekso. 33:20; 1 Joh. 4:9

Jeremia 36:3

Kutani a va ka Juda va ta ingisa a kubiha kontlhe loku nzi xuvako ku va mahela; lezaku munwe ni munwani a hunzuluka ndleleni yakwe yo biha, nzi mu tsetselela a kubiha kakwe ni xionho xakwe.

Mateu 21:36

I lo engeta a rumela a malanza manwani, yo tala ku hunza laʼyo ranga; va lo maha ka wona kota lawa yo ranga.

Mateu 21:38

Kanilezi a varimi, laha na va wonile a nʼwana wakwe, vaku xikari kabye: Hi yena mugi wa tshomba, ngonani, hi mu daya, higa tshomba yakwe. Tis. 2:2, 8; Joh. 11:53