Mateu 17:2 - Tshwa Bible

² I lo hunzuka mahlweni kabye; a nghohe yakwe yi ngangamela kota gambo, ni tinguwo takwe ti basa kota kuwonekela.

Mateu 17:2 Referans Kwoze

Tisimu 104:2

U ambele kuwonekela kukotisa nguwo, U andlala matilo kukotisa a tenda. Gen. 1:1; Isa. 40:22

Mateu 28:3

Yi lo woneka khwatsi kuhatima, a tinguwo ta yona ti wa basile kota gapongo. Dan. 10:6

Luka 9:29

Kota lezi a nga kari a khongela, a xiyimo xa nghohe yakwe xi lo hunzuka, a tinguwo takwe ti basa ti ngangamela.

Kuvululelwa 10:1

Nzi lo wona yinwani ngelosi ya ntamu na yi relela hi le tilweni, yi ambele refu, ni wura ga nyazimu gi hi hehla ka hloko ya yona; a nghohe ya yona yi kotisa gambo, ni mikonzo ya yona yiku khwatsi timhanze ta nzilo. Ezek. 1:28; Mat. 17:2; Xip. 1:15

Kuvululelwa 20:11

Zonake nzi lo wona a xitshamu xa hombe xa wuhosi xo basa, ni loyi a tshamileko ka xona; a tilo ni misava zi lo tsutsuma nghoheni yakwe, a zi kumelwangi wutshamu. Dan. 2:35; 2 Ped. 3:10

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Marku 9:3

a tinguwo takwe ti lo hunzuka ti hatima, ti basa ha hombe nguvu, hi lezaku a ku na muhlazi misaveni a zi kotako a ku ti basisa kota lezo. Dan. 7:9; Mat. 28:3

Va le Roma 12:2

Ngha mu nga pimanyisi a tiko ga nguva leyi; kanilezi ngha mu hunzuluswa hi ku mahiwa luswa a kupima ka nwina, kasi mu fela ku hlola mu tiva lezi zi nga kuranza ka Nungungulu, loku ko saseka, ku amukelekako, ni ku mbheleleko. Efe. 1:18; 1 Ped. 1:14; 1 Joh. 2:15

Johani 17:24

Dadani, nzi ranza lezaku lava u nzi nyikileko vona, na vonawu va fela ku tshama na mina laha nzi nga kona; kasi va fela ku wona a kungangamela ka mina loku u nzi nyikileko kona; hakuva u nzi ranzile na yi nga se ku vangiwa misava. Vesi 5; Xip. 12:26; 1 Tes. 4:17

Xizimba xa ka Solomoni 6:10

Himani loyi a cuwukako khwatsi wuronga, Na a sasekile khwatsi hi hweti, Loyi a xwengulako kukotisa gambo, Ni ku chavisa ku fanana ni yimpi yi nga ni tinghapa?

Mateu 17:1

Anzhako ka ntlhanu wa masiku ni ginwe Jesu i lo teka zinwe naye Pedro, na Jakobe, ni nakulobye Johani, aya navo xitsungeni na va hi voce. Mar. 9:2; Lu. 9:28

Mateu 17:3

Languta, ku lo woneka kabye Mosi na Elija na va wulawula naye.