Mateu 12:28 - Tshwa Bible

²⁸ Kanilezi loku nzi hlongola madimoni hi Moya wa Nungungulu, hakunene a mufumo wa Nungungulu wu tile ka nwina. Dan. 2:44; Lu. 1:33

Mateu 12:28 Referans Kwoze

Luka 11:20

Kanilezi loku nzi hlongola madimoni hi litiho la Nungungulu, hakunene a mufumo wa Nungungulu wu tile ka nwina. Ekso. 8:19

Danieli 7:14

I lo nyikwa kufuma, ni wukosi, ni mufumo, kasi a va matiko wontihe ni tixaka ni tirimi va fela ku mu tirela. A kufuma kakwe ka simasima, ku nga ta hunza, ni mufumo wakwe cima wu nga ta mbhetiswa. Lu. 1:33; Maheb. 1:8

Mateu 21:43

Hikwalaho nziku ka nwina: A mufumo wa Nungungulu wu ta tekiwa ka nwina, wu nyikiwa a tiko ginwani legi gi ta nga humesa a mihanzu ya wona.

Mateu 6:33

Kanilezi a kuranga lavani mufumo wakwe, ni kululama kakwe, zonake ku ta engetelwa ka nwina zontlhe lezi zilo. Tis. 37:25; Mar. 10:30; Lu. 12:31

Mitiro 10:38

yaku ngalo: Nungungulu i lo tota Jesu wa le Nazareta hi Moya wa ku Basa ni ntamu; loyi a nga nzulanzula a maha kusaseka, a hanyisa vontlhe lava va nga tsimbeketwa hi Diabolus; hakuva Nungungulu i wa hi naye. Lu. 4:18; Joh. 3:2; Xip. 4:27

Va le Kolosi 1:13

Yena i lo hi hlanguta ntanwini wa munyama, a hi enghenisa mufunweni wa Nʼwana wakwe a ranzekileko, Maheb. 2:14; 2 Ped. 1:11

Va le Roma 14:17

Hakuva a mufumo wa Nungungulu a hi kuga ni kunwa, kanilezi hi kululama ni kurula ni kutsaka hi Moya wa ku Basa. 1 Kor. 8:8

Luka 16:16

A nayo ni vaprofeti zi lo simamisa a kala a chikela Johani; ku sukela lexo xikhati ya kanetwa a ivangeli ya mufumo wa Nungungulu, munwe ni munwani a maha hi ntamu ku enghena ka wona. Mat. 4:17; 11:12, 13; Xip. 7:29

Marku 1:15

aku: A xikhati xi tatisekile, ni mufumo wa Nungungulu wu tshinele; hunzulukani mu kholwa hi ivangeli. Dan. 9:25; Mat. 3:2; Gal. 4:4

Mateu 21:31

Hi wihi wa lava vambiri a nga maha kuranza ka raru wakwe ke? Vaku: Hi loyi wa kuranga. Jesu aku kabye: Hizinene nziku ka nwina: A vahlengisi ni zibhayi va mu rangela ku enghena mufunweni wa Nungungulu.

Luka 9:2

I lo va ruma a ku ya kanela a mufumo wa Nungungulu, ni ku hanyisa a vababyako. Mat. 10:7; Mar. 6:12; Xip. 10:1, 9

Marku 16:17

A ziwoniso zi ta nga mahiwa hi lava va kholwako hi lezi: Hi vito ga mina va ta hlongola madimoni, va wulawula hi tirimi tiswa; Lu. 10:17; Miti. 2:4, 16, 18

Danieli 2:44

A masikwini ya tihosi leto, Nungungulu wa le tilweni i ta vuxa a mufumo wu to kala wu nga lobyiswi, ni wuhosi ga wona cima gi nga ta nyikelwa ka ginwani tiko. Wu ta panza wu lovisa yontlhe mifumo leyi, wona wu ku tsonzoma kala kupinzuka. Mika 4:7; Lu. 1:33; 1 Kor. 15:24

Maheberu 12:28

Hikwalaho kota lezi hi amukelako a mufumo lowu wu nga tsekatsekiswiko, ngha na hi hi ni kubonga, loku hi nga khozelako Nungungulu ha kona hi mu tsakisa, hiva ni xichawo xi basileko ni kururumela,

Luka 10:11

Hambu ni ntshuri wa muti wa nwina, lowu wu namareleko mikonzweni ya hina, ha wu phumunhela ka nwina; ahemba-lokoke, tivani lezaku a mufumo wa Nungungulu wu tshinele.

Marku 11:10

A wu khesiwe a mufumo lowu wu tako wa dadani wa hina Davida. Hozana le hehlahehla! Tis. 143:1

Mateu 12:18

Hi gona a nanza ga mina legi nzi gi hlawulileko; Xiranzwa xa mina lexi muhefemulo wa mina wu xaleleko khwatsi ha xona. Nzi ta veka Moya wa mina hehla kakwe, i taba hungu hi kulamula a ka vamatiko.

Mateu 4:24

A wudumo gakwe gi lo zwala Siria gontlhe. Va neha kakwe vontlhe va nga kari va babya, va nga hi ni tinghumbe ti tsalangeneko ni kubayisa, na va hi ni madimoni, ni zitsuri, ni zikhurubu, i lo va hanyisa.

Mateu 12:29

Munhu a nga enghenisa kuyini a ndlwini ya nhenha, a wutla xuma xa yona, loku a nga rangangi hi ku yi boha? Zonake i ta phanga yindlu ya yona. Isa. 49:24; Lu. 11:21-23

1 Johani 3:8

Loyi a onhako ngwa Satani, hakuva Satani i onhile hi le kusanguleni. Kanilezi a Nʼwana wa Nungungulu i lo wonekeliswa lezaku a fela ku mbhetisa a mitiro ya Satani. Joh. 8:44; Maheb. 2:14