Mateu 11:3 - Tshwa Bible

³ aku ngalo kakwe: Hi wena loyi a tako ke, kutani ha ha langutela munwani? Gen. 49:10; Joh. 6:14

Mateu 11:3 Referans Kwoze

Johani 11:27

Yena aku: Ina, Hosi; nza kholwa lezaku hi wena Kristu, a Nʼwana wa Nungungulu, loyi a nga wa ta kuta misaveni. Mat. 16:16; Xip. 4:42

Malaki 3:1

Langutani, nza rumela a ntsumi wa mina, lowu wu ta nga nzi longisela a ndlela. Zonake a Hosi leyi mu yi hlotako yi tata hi xitshuketi tempeleni ya yona. Langutani, wata a ntsumi wa xivumelwano lowu mu wu langutelako, ku wula Jehova wa tiyimpi. Mat. 11:10; Mar. 1:2; Lu. 1:76

Maheberu 10:37

Hakuva ka hi kona xikhatanyana, Zonake i ta chikela loyi a ta ngata, a nga ta hlwela. Hab. 2:3, 4; Lu. 18:8

Mika 5:2

Kanilezi wena Betlehema Efrata, loyi u nga tsongwani xikari ka mingango ya ka Juda, ku ta huma hi ka wena ata ka mina loyi a ta ngava hosi ya ka Israeli, loyi a nga hi kona kaleloko, kusukela xikhatini xa pinzukewa. Mat. 2:6; Joh. 7:42

Johani 7:31

Kanilezi vanyingi va lomo xidlenwini va lo kholwa hi yena, vaku: Kristu loku a tile, xana i ta maha ziwoniso Zo hunza lezi a zi mahako loyi munhu ke?

Johani 6:14

Hikwalaho vanhu na va wonile a xiwoniso lexi a nga xi mahile, vaku: Hakunene loyi muprofeti loyi a nga wa ta kuta lomu tikweni. Gen. 49:10; Deut. 18:15; Mat. 11:3

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Johani 16:14

I ta nzi dumisa, hakuva i ta teka lezi zi nga za mina, a mu bikela zona.

Johani 12:13

va lo teka mahanga ya micinzu, va huma ku ya mu tlhangaveta, va kanyuluka, vaku: Hozana; a ku khesiwe yena loyi a tako vitweni ga Hosi, loyi a nga Hosi ya vaIsraeli. Tis. 118:25, 26

Johani 4:21

Jesu aku ngalo kakwe: Wasati, zwana mina, xa hata xikhati laha va ta nga kala va nga khozeli Dadani xitsungeni lexi, ge ni le Jerusalema. Mal. 1:11; 1 Tim. 2:8

Luka 19:38

vaku: A yi khesiwe a Hosi leyi yi tako vitweni ga Jehova; a kurula a kuve le tilweni, ni kungangamela le hehla-hehla! Tis. 118:26; Xip. 2:14; 13:35

Marku 11:9

Lava va nga rangile, ni lava va nga lanzela va lo kanyuluka, vaku: Hozana: a khesiwe yena loyi a tako vitweni ga Hosi! Tis. 118:26

Mateu 21:9

Ni zidlemo lezi zi nga rangile ni lezi zi nga lanzela, zi lo kanyuluka, ziku: Hozana ka Nʼwana Davida; a ku khesiwe yena loyi a tako vitweni ga Hosi; Hozana ka le hehla-hehla. Tis. 118:26; Xip. 23:39

Mateu 21:5

Byelani a nhanyana wa Zioni, muku: Languta, a Hosi ya wena yata ka wena, Yi rulile, yi khilele mbongoleni, A role ga pswele ga mbongola.

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Hagai 2:7

Nzi ta tsekatsekisa a matiko wontlhe, ni titshomba tontlhe ta matiko ti ta nehiwa lomu; mina nzi ta tata a yindlu leyi hi wukosi, ku wula Jehova wa tiyimpi.

Obadia 1:21

A vahanyisi va ta kanziha a xitsunga xa Zioni, kasi ku ta lamula xitsunga xa Esau; zonake a mufumo wu tava wa Jehova. Mik. 4:7; Lu. 1:33, 71

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Tisimu 118:26

A khesiwe yena loyi a tako vitweni ga Jehova, Ha mu katekisa na hi lomu ndlwini ya Jehova. Mat. 21:9; Mar. 11:9; Joh. 12:13

Mitsengo 24:17

Mina nza mu wona, kanilezi a hi zalezi. Mina nza mu languta, kanilezi na a nga hi kusuhani. Ku ta huma nyeleti hi ka Jakobe, A nhonga ya wuhosi yi huma ka Israeli, Yi lamata a mareve ya Moabi, Yi mbhetisa vontlhe a vanana va vilinganya. 2 Sam. 8:2; Jer. 48:45

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

Genesisi 12:3

Nzi ta va katekisa lavo va ku katekisako, nzi mu ruka loye a ku rukatelako; hi ka wena wontihe matiko ma ta katekiswa. Miti. 3:25; Gal. 3:8

Mateu 11:4

Jesu i lo hlamula, aku kabye: Fambani mu ya hlawutela Johani lezi mu zi zwako ni lezi mu zi wonako:

Mateu 11:10

Hi yena loyi ku tsalilweko ha yena ku ngalo: Languta nza ruma a ntsumi wa mina mahlweni ka wena, Wu ta nga ku longisela a ndlela mahlweni ka wena. Mal. 3:1; Mar. 1:2