Mateu 11:28 - Tshwa Bible

²⁸ Tanani ka mina, nwina nwentlhe mu tirako ni ku binzwa, nzi ta mu humuta.

Mateu 11:28 Referans Kwoze

Mateu 11:29

Rwalani a pingu wa mina, mu gonza ka mina; hakuva nzi rulile, nzi hi ni mbilu yi koramileko; mu ta kuma kuhumula mihefemulweni ya nwina. Joh. 13:15; Fil. 2:5; 1 Ped. 2:21

Johani 7:37

Hi siku go gumesa, legi gi nga siku ga hombe ga mubuzo, Jesu i lo yima, aba hungu, aku: Loku munhu azwa tora, a ate ka mina, a tanwa. Levi 23:36; Isa. 55:1; Kuv. 22:17

Johani 6:37

Zontlhe lezi a nzi nyikako Dadani, zi tata ka mina; ni loyi a tako ka mina, cima nzi nga ta mu hlongola. Vesi 45; Xip. 10:28; 2 Tim. 2:19

Va le Galatia 5:1

Kristu i lo hi tlhatlhisa lezaku hiva va tlhatlhekileko. Hikwalaho yimani mu ku nde, mu nga khungwi kambe pingwini ga wukhumbi. Joh. 8:32; Miti. 15:10

Kuvululelwa 22:17

A Moya ni muswika ve ngalo: Tana! Ni loyi a zi zwako, a wule aku: Tana! Loyi a zwako tora, ate! Ni loyi a zi ranzako, ngha akha mati ya wutomi mahala. Isa. 55:1; Joh. 7:37; Xip. 21:2, 9

Jeremia 6:16

Jehova i ngalo: Yimani tindleleni, mu languta; mu wutisela a tindlela ta kale, muku: Xana a ndlela yinene hi yihi ke? zonake fambani ha yona, mu ta kuma kuhumula ka mihefemulo ya nwina. Kanilezi vona va lo hlamula, vaku: A hi vumeli ku famba ha yona. Isa. 28:12; Mat. 11:29; 23:37

Tisimu 116:7

Tlhelela kuhumuleni ka wena, muhefemulo wanga, Hakuva Nungungulu i ku katekisile.

Isaya 28:12

Lava a nga va byela, aku: A humulo hi gwalegi, Tsikani vakareleko va humula; Laha ku kona kurula, kanilezi a va layangi kuzwa. Jer. 6:16; Mat. 11:28; 23:37

Mateu 23:4

Ina, va boha minzhwalo yo binza, va yi rwexa makatleni ya vanhu; kanilezi a wutsumbu gabye a va na ku yi tshineta hi litiho. Lu. 11:46; Miti. 15:10

Maheberu 4:1

Kota lezi a xitsumbiso xa kuenghena kuhumuleni kakwe xa ha hi ku kona, a hi chaveni lezaku ku nga sali nzhako ni munwe wa nwina.

Isaya 66:2

Hakuva zontlhe lezi zilo zi mahilwe hi canja ga mina, Hikwalaho zontlhe zi lova kona, ku wula Jehova. Nzi ta cuwuka loyi a ti tsongahatako, a nga ni moya wu tshovekileko, Loyi a rurumelako hi gezu ga mina.

Tisimu 38:4

Hakuva a zigoho za mina zi hunza ni hloko ya mina; Kota zi nga nzhwalo wo tika za nzi binza nguvu.

2 Va le Tesalonika 1:7

Ni ku nyika nwina lava mu xanisekako a ku humula zinwe na hina, laha Hosi Jesu a ta nga wonekeliswa hi le tilweni zinwe ni tingelosi ta ntamu wakwe phingweni ga nzilo, Kuv. 14:13

Isaya 11:10

Masikwini lawo ku tava kona a ximilwa mutswini wa ka Jese, lexi a matiko ma ta nga yimiselwa khwatsi i nghapa; a vamatiko va ta mu lava, ni wuhumulelo gakwe gi ta ngangamela. Rom. 15:12; Kuv. 5:5

Tisimu 94:13

Lezaku a rutisa masikwini ya zikarato, Kala a rinzi gi kelelwa loyi wakubiha.

Isaya 61:3

Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.

Mutshawuteli 1:8

Zontlhe za karata, a munhu a nga zi koti ku zi tshawutela. A tihlo a gi kolwi hi ku wona, ni ndleve a yi eneliswi hi kuzwa.

Mutshawuteli 4:8

Ku kona munhu loyi a nga yece, a nga hi na wumbiri; loyi a nga hiko na nʼwana hambu nakulobye; hambu zi hi tano, a ntiro wakwe a wu na magumo, a mahlo yakwe a ma enelisiwi hi wukosi. I wula aku: Nzi ti karatela mani, nzi ti tsonela yini a makatekwa ke? Lezo kambe a zi nyawuli, i ntiro wo bhinza.

Mitiro 15:10

Makunu-ke, hikuyini mu ringako Nungungulu, hi ku rwexa a pingu tinhanwini ta vapizani, lowu hina ni vakoko va hina hi nga zi kotangiko ku wu rwala? Mat. 23:4; Gal. 5:1

Joba 5:7

Kanilezi a munhu i belekelwa zikarato, Kukotisa tihlahle ti hahako hehla.

Tisimu 32:4

Hakuva a mumu ni wusiku a canja ga wena gi wa binzile hehla ka mina; A nzhongo wa mina wu lo womiswa ku fana ni kuvalela ka ximumu. (Sela.)

Mutshawuteli 1:14

Nzi wonile yontlhe mitiro yi mahiwako lahasi ka gambo; languta, yontlhe a yi nyawuli, ku lanza mheho ntsena.

Isaya 1:4

Khombo ka wena tiko ga vaonhi, nwina vanhu va teleko hi kugoha, pswalo wa vamahi va kubiha, vana va kuhunguka; mu tsikile Jehova, mu kanyisa a Wakubasa wa ka Israeli, mu tlhelela nzhako.

Joba 14:1

A munhu loyi a pswelweko hi wasati, A masiku yakwe matsongwani, na tele hi zikarato.

Jeremia 31:25

Hakuva nzi mahile a muhefemulo wu kareleko wuku retsevele, ni mihefemulo yontlhe yi xanisekako nzi yi xurisile. Tis. 107:9; Mat. 11:28

Mitiro 20:35

Hi zilo zontlhe nzi lo mu kombisa, lezaku hi ku tira lezo mu yimelwe hi ku vunetela lava va nga ni gome, ni ku alakanya a timhaka ta Hosi Jesu, leti yena wutsumbu a nga wula, aku: Ku katekile ku nyika ku hunza ku nyikiwa. Rom. 15:1; 1 Kor. 9:12; Efe. 4:28

Jeremia 35:16

Kunene a vana va Jonadaba nʼwana Rekabe, va hlayisile a kulayela ka raru wabye, kanilezi a tiko legi a gi nzi ingisangi;