Mateu 11:21 - Tshwa Bible

²¹ Khombo a give ka wena Korazini! Khombo a give ka wena Betsaida! Hakuva a zirewukiso lezi zi mahilweko ka wena, loku zi wa mahilwe le Tire ni Sidoni, ngha va hunzulukile a kale na va ambele tisakwa va tola khuma. Jona 3:7, 8

Mateu 11:21 Referans Kwoze

Mitiro 12:20

Herodi i wa hi ni zunga ni va le Tire ni Sidoni. Kanilezi va lota ka yena na va chatene wunghana na Blastu, a nga hi nduna ya hombe ya hosi, vata hi mbilu yinwe va ta kombela kurula, hakuva a tiko gabye gi wa hanyela tikweni ga Herodi. 1 Tih. 5:9

Johani 12:21

Vona va lota ka Filipu wa le Betsaida ga Galilea, va mu kombela, vaku: Hosi, hi wa lava ku wona Jesu. Xip. 1:44

Luka 9:10

Laha a vapostoli va nga wuyile va lo mu hlawutela hi lezi va nga wa zi mahile; zonake i lo va yisa xihundleni, aya navo mutini wu tibyako Betsaida. Mat. 14:13; Mar. 6:30

Marku 6:45

Zonake Jesu i lo hatla a kurumeta a vapizani vakwe ku khilela ngalaveni, a kuva va ranga vaya tlhatuko wa le Betsaida, yena a sala kala a tlhelisa xidlemo. Mat. 14:22; Joh. 6:17

Mateu 15:21

Jesu i lo suka laho, aya matlhelweni ya Tire ni Sidoni.

Joba 42:6

Hikwalaho nza ti sola, nzi hunzuluka, Na nzi hi tshurini ni le khumeni. Jona 3:6; 1 Kor. 11:31

Juda 1:11

Khombo a give ka vona! Hakuva va fambile hi ndlela ya Kana, hi kota ya hakhelo va tsutsumela kuhambukeni ka Balami, va lobyiswa hi kuhluwuka ka Kora. Gen. 4:5; Mitse. 16:1; 22:7, 21

Johani 1:44

Filipu i wa hi wa le Betsaida, a mutini wa va Andreu na Pedro. Xip. 12:21

Luka 6:17

Yena i lo relela navo xitsungeni, a yima wutshanwini ga livala; ku wa tsombene kona a vapizani vanyingi va yena, ni vanhu vanyingi va ngata hi le Judia gontlhe ni le Jerusalema, ni va le tikweni ga Tire ni Sidoni, lava va nga tela ku ta muzwa, ni ku ta hanyiswa tinghumbeni tabye, Mat. 4:25; Mar. 3:7

Marku 8:22

Zonake va lo chikela le Betsaida. Ku lo nehiwa ka yena a xikhumu, va mu khongotela lezaku a xi khumba.

Marku 7:31

Zonake i lo suka matlhelweni ya Tire, a tsemakanya Sidoni a kala a chikela bimbini ga Galilea, na hunzile hi le matlhelweni ya Dekapoli. Mat. 15:29

Marku 3:8

ni xa le Jerusalema, ni xa le Idumea, ni le tlhatuko wa Jordani, ni le matlhelweni ya Tire ni Sidoni; na vazwa hi zilo za hombe lezi a zi mahako va lota kakwe na va hi xidlemo xa hombe nguvu.

Mateu 18:7

Khombo a give ka tiko hi kota ya zikhunguvanyiso! Kunene a zikhunguvanyiso zi fanele kuva kona, kanilezi i khombo ka munhu loyi zi tako ha yena. Lu. 17:1; 1 Kor. 11:19

Mateu 11:22

Mina nziku ka nwina ku ta hehuka ka Tire ni Sidoni hi siku ga kulamula, a ku hunza ka nwina.

Mitiro 27:3

Hi manziko wa kona hi lo chikela Sidoni; Juliu i lo khoma Paule khwatsi, a mu vumela a ku ya wona maxaka yakwe, a ya vunetelwa hi wona. Xip. 24:23; 28:16

Luka 4:26

kanilezi Elija a nga rumiwangi ni ka munwe wa vona, saseka ka wasati wa noni le Sarepita, le tikweni ga Sidoni.

Marku 7:24

I lo Suka hi laho, a famba matlhelweni ya Tire ni Sidoni, a enghena ndlwini yo kari, hakuva i wa nga ranzi ku tibyiwa hi munhu; kanilezi i wa nga hi na ku fihlala. Mat. 15:21

Mateu 26:24

A Nʼwana wa munhu wa suka kota lezi ku tsalilweko ha yena; kanilezi i khombo ka munhu loyi a ta nga nyikelwa hi yena! Ku wa hi chuko ka munhu loyi loku a wa nga belekwangi. Tis. 22; Isa. 53; Dan. 9:26

Jeremia 13:27

Nzi wonile a wubhayi ga wena ni kurila ka kunavela ka wena, A wugango ga wena go hunzeleta le zitsungeni ni lomu masinwini. Khombo ka wena Jerusalema! Xana u ta rinzela kala rini na u nga basiswi ke?

Joeli 3:4

I mhaka muni mu nga nayo na mina nwina Tire na Sidoni, na wena tiko gontlhe ga Filistia? Xana mu ta nzi tlhelisela ke? Loku mu lava ku ti photela ka mina, nzi ta mu tlhelisela hi xihatla hehla ka tihlolo ta nwina. Isa. 23:1; Am. 1:9

Amosi 1:9

Jehova i ngalo: Hi kota ya zionho zinharu za Tire, kutani mune wa zona, nzi nga ta susa a xitsayiso, hakuva va nyikele vontlhe a vanhu ka Edome, va nga alakanyi a xivumelwano xa wumakabye.

Kuvululelwa 6:12

Nzi lo wona laha yi nga namula a xifungo xa wuntlhanu ni xinwe, ku wa hi kona a kutsekatseka ka hombe ka misava; a gambo gi lo hunzuka gi maha ntima khwatsi hi nguwo ya xirilo, a hweti yontlhe yi lo maha ku khwatsi i nkhata. Joeli 2:31; Mat. 24:29

Kuvululelwa 11:3

Zonake nzi ta nyika a vakustumunyu vambiri va mina, a kuva va profeta a 1,260 wa masiku, na va ambele tinguwo ta tisakwa. Xip. 12:6; 19:10; 20:4