Mateu 1:21 - Tshwa Bible

²¹ I ta beleka nisanyana, u ta mu chula vito gakwe aku hi Jesu (hi lezaku Muhanyisi); hakuva hi yena loyi a ta nga hanyisa a vanhu vakwe zionhweni zabye. Lu. 1:31; Miti. 4:12; 5:31

Mateu 1:21 Referans Kwoze

Mitiro 13:23

Hi ka pswalo wa loyi munhu, Nungungulu i humesele Israeli a Muhanyisi kotisa xitsumbiso, a nga Jesu. Isa. 11:1; Lu. 1:32; Rom. 1:3; 2 Sam. 7:12

Mitiro 4:12

A ku kona kuhanyiswa hi ka munwani; hakuva a ku na vito ginwani lahasi ka tilo, legi gi nyikilweko xikari ka vanhu, legi hi nga hanyiswako ha gona. Mat. 1:21; Xip. 10:43; Rom. 3:24; 1 Tim. 2:5

Johani 1:29

Hi manziko wa kona Johani i lo wona Jesu na a kari ata kakwe, aku: Wonani Yivana ya Nungungulu, leyi yi susako zionho za tiko! Ekso. 12:3; Isa. 53:7; Miti. 8:32; 1 Ped. 2:24; 1 Joh. 2:2

1 Johani 3:5

Nwina ma zi tiva lezaku yena i lo wonekeliswa kasi ku susa zionho za hina; a ka yena a ku na xionho. Isa. 53:5, 6; 2 Kor. 5:21

Luka 2:21

Laha ma nga hunzile a ntlhanu wa masiku ni manharu kasi ku mu maha nkwera, va lo mu chula vito ga Jesu, legi a nga chulilwe hi ngelosi, a mamani wakwe na a nga se ku xura nyimba. Gen. 17:12; Levi 12:3; Mat. 1:21

Mitiro 5:31

Kanilezi Nungungulu i lo mu tlakusa hi canja gakwe ga xinene, a kuva Hosi ni Muhanyisi, kasi ku nyika kuhunzuluka ka Israeli, ni kutsetselelwa ka zionho. Xip. 2:33; Fil. 2:9; Isa. 9:6; Ezek. 34:24; Mat. 1:21; Efe. 1:7

Luka 1:31

U ta xura nyimba, u beleka a nisanyana, u mu chula vito gakwe aku hi Jesu. Isa. 7:14; Mat. 1:21; Xip. 2:21

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

Luka 2:11

Hi lezaku nyamutlha mu belekelwe a Muhanyisi le mutini wa Davida, loyi a nga Kristu a Hosi. Isa. 9:6; Mat. 1:21

1 Johani 1:7

Kanilezi loku hi famba kuwonekeleni, kota lezi yena a nga kuwonekeleni, hina hi hlengele munwe ni munwani, ni nkhata wa Jesu a Nʼwana wakwe wa hi hlaza zionho zontlhe. Maheb. 9:14; 1 Ped. 1:19; Kuv. 1:5

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Mitiro 3:26

Nungungulu i sangulile hi nwina, a mu humesela a Nanza gakwe Jesu, a mu rumela a ku ta mu katekisa, hi ku mu hunzulukisa nwentlhelele, mu tsika a zionho za nwina.

Kuvululelwa 7:14

Nziku ka gona: Hosi yanga, wa zi tiva wena. Giku ka mina: Lava hi vona va humako kuxanisekeni ka hombe, va hlazile tinguwo tabye va ti basisa nkhateni wa Yivana. Isa. 1:18; Maheb. 9:14; Xip. 6:9

Maheberu 7:25

Hi kota ya lezo i na ni ntamu wa ku hanyisa hi kumbheleleko vona lava va tshinelako ka Nungungulu ha yena, hakuva wa hanya xontlhe xikhati kasi ku va kombelela.

Danieli 9:24

Ku yimisilwe 70 wa maviki hehla ka tiko ga wena ni muti wa wena wu basileko, kasi ku mbhetisa a zihambunyeto ni zionho, ni ku basisa a zigoho, ni ku neha a kululama ku nga gumelwiko, ni ku tiyisa Muwoniso ni xiprofeto, ni ku nyikelisisa a wutshamu gi hunzeleleko kubasa.

Jeremia 23:6

Juda i ta hanyiswa masikwini yakwe, na Israeli i ta tshama hi kurula. Legi hi vito gakwe a to vitanwa ha gona: Jehova hi kululama ka hina.

Genesisi 18:10

Yena i te ngalo kakwe: Hizinene nzi ta wuya ka wena ha nwakani; languta, Sara a sati wa wena i tava ni nisanyana. Sara i lo zizwa na hi laha nyangweni ya yindlu yi nga hi nzhako kakwe.

Luka 1:13

Kanilezi a ngelosi yi te ngalo kakwe: U nga chavi, Zakaria; hakuva a xikombelo xa wena xi zwilwe; a sati wa wena Elizabeti i ta ku pswalela a nisanyana, u ta mu chula vito gakwe ku hi Johani.

Jeremia 33:16

Juda i ta hanyiswa masikwini lawo, ni Jerusalema i ta tshama hi kurula. Legi hi vito va to mu vitana ha gona, Jehova hi kululama ka hina.

Genesisi 17:19

Nungungulu i te ngalo: Sara, a sati wa wena, i ta ku belekela a nisanyana, u ta mu chula vito gakwe ku hi Isaka; nzi ta tiyisa a xivumelwano xa mina na yena, ni ka pswalo wakwe anzhako kakwe, xi tava xivumelwano xi nga gumesiko.

Genesisi 17:21

Kanilezi nzi ta tiyisa a xivumelwano xa mina na Isaka, loyi u ta nga pswalelwa hi Sara hi xikhati xa kona a lembe gi tako.

Valamuli 13:3

A ngelosi ya Jehova yi lo woneka ka wasati loye, yiku: Cuwuka, wena u ngonwa. Kanilezi u ta xura nyimba, u pswala nisanyana.

1 Samueli 1:20

Ka gwalego lembe Hana i lo xura nyimba a pswala nwanana wa mufana, a mu chula vito ga Samueli, hakuva i te ngalo: Nzi mu kombelile ka Jehova.

Mateu 1:25

Kanilezi a nga mu tivangi kala a beleka a nwanana; i lo mu chula a vito gakwe aku hi Jesu. Lu. 2:7, 21

Johani 4:42

vaku ngalo ka wasati: Makunu a ha ha kholwi hi kota ya kuwula ka wena, hakuva hi ti zwele hi wutsumbu ga hina, ha zi tiva lezaku loyi hakunene hi Muhanyisi wa tiko. Xip. 17:8; 1 Joh. 4:14