Mateu 1:12 - Tshwa Bible

¹² Anzhako na va yisilwe Babuloni, Jekonia i lo beleka Salatieli, Salatieli a beleka Zerubabeli, 1 Kro. 3:17, 19

Mateu 1:12 Referans Kwoze

1 Kronekele 3:17

a vana va Jekonia a mukhomiwa: Xealtieli a nʼwana wakwe,

Ezra 3:2

Ku lo suka Jexua nʼwana Jozadake ni vanakulobye, a vapristi, na Zerubabeli nʼwana Xealtieli, ni vanakulobye, va yima va aka a alati ga Nungungulu wa ka Israeli, kasi va fela ku tlhavela laho a miphahlo ya kuhiswa, khwatsi hi lezi ku tsalilweko nayweni wa Mosi a munhu wa Nungungulu. Levi 6:9; Deut. 12:13; Mat. 1:12

Luka 3:27

wa Joanani, wa Resa, wa Zerubabeli, wa Xealtieli, wa Neri,

Hagai 1:14

Jehova i lo vuxa a moya wa Zerubabeli a nʼwana Xealtieli, a mwamangulu wa le Juda, ni moya wa Joxua a nʼwana Jehozadaki, a mupristi wa hombe, ni moya wa yontlhe misalela ya vanhu, lezaku vata va ta sangula ku aka a yindlu ya Jehova wa tiyimpi, a Nungungulu wabye,

Hagai 2:23

A siku lego, ku wula Jehova wa tiyimpi, nzi ta ku teka wena Zerubabeli, nanza ga mina, nʼwana Xealtieli, ku wula Jehova, nzi ta ku maha kota xifungo; hakuva nzi ku hlawule, ku wula Jehova wa tiyimpi.

Hagai 2:2

wulawula ka Zerubabeli a nʼwana Xealtieli, a mwamangulu wa le Juda, ni ka Joxua a nʼwana Jehozadaki, a mupristi wa hombe, ni ka misalela ya vanhu, uku;

Hagai 1:12

Zonake Zerubabeli a nʼwana Xealtieli, na Joxua a nʼwana Jehozadaki, a nga hi mupristi wa hombe, ni misalela yontlhe ya vanhu, va lo ingisa a gezu ga Jehova a Nungungulu wabye, ni timhaka ta muprofeti Hagai, khwatsi hilezi Jehova a Nungungulu wabye a mu rumileko; zonake a vanhu va lo chava Jehova.

Hagai 1:1

Hi lembe ga wumbiri ga kufuma ka hosi Dariusi, hi hweti ya wuntlhanu ni yinwe, hi siku go ranga ga hweti, ku lota a mhaka ya Jehova hi nomu wa muprofeti Hagai ka Zerubabeli a nʼwana Xealtieli, a mwamangulu wa le Juda, ni ka Joxua a nʼwana Jehozadaki, a mupristi wa hombe, yiku: Lu. 3:27

Jeremia 22:28

Xana a munhu loyi Konia, xibya xi fayekileko ni ku nyenyiwa, lexi xi nga vuniko nchumu ke? xana i tsikelwa yini ni vanana vakwe, va ya hoxiwa ka tiko va nga gi tiviko ke?

Jeremia 22:24

Khwatsi hi lezi nzi hanyako, ku wula Jehova, loku ku wo khwatsi Koma a nʼwana Jehoiakimu, hosi ya ka Juda, a wa hi phera yi mehelweko canjeni ga mina ga xinene, hambu zi hi tano ngha nzi mu konole kwalaho. Xiz. 8:6; Hag. 2:24

Nehemia 12:1

Makunu lava hi vapristi ni vaLevi lava va nga wuya na Zerubabeli nʼwana Xealtieli, na Jexua: Seraia, Jeremia, Ezra;

Ezra 5:2

Zonake ku lo suka Zerubabeli nʼwana Xealtieli, na Jexua nʼwana Jozadake, va engeta va sangulisa ku aka yindlu ya Nungungulu le Jerusalema, na va hi zinwe ni vaprofeti va Nungungulu va nga wa va vuna.

2 Tihosi 25:27

Makunu hi lembe ga wu 37 ga kukhonwa ka Jehoiakina a hosi ya ka Juda, hi hweti ya wu 12, hi siku ga 27, Evil-Merodaki a hosi ya le Babuloni, a lembe lego a nga sangula ku fuma, i lo tlakusa a hloko ya Jehoiakina a hosi ya ka Juda, a mu humesa lomu paxweni.

2 Tihosi 24:14

I lo khomela vontlhe va le Jerusalema, ni tinduna tontlhe, ni tinghwazi tontlhe, a famba navo. Va wa hi 10,000 wa tiperesu; i lo khomela ni vavatli vontlhe ni vafuli, ku sala a zisiwana basi.

Jeremia 22:30

Jehova i ngalo: Tsalani a vito ga munhu loyi lezaku a nga na vana, munhu a to kala ku vuvuma masikwini yakwe. Hakuva ku nga ta humelela ni munwe wa vana vakwe, lezaku a nyikwa ku tshama xitshanwini xa wuhosi xa Davida, a fumela Juda.

Jeremia 27:20

lezo Nebukadnezzare, hosi ya Babuloni, a nga zi tekangiko loku a khomile Jekonia, nʼwana Jehoiakimu, hosi ya ka Juda, le Jerusalema a mu yisa Babuloni, ni zontlhe zigwili za Juda ni Jerusalema;

Mateu 1:11

Josia a beleka Jekonia ni vanakulobye, hi xikhati lexi va nga khonwa va yiswa Babuloni. 2 Tih. 24:14-16; Dan. 1:2

Mateu 1:13

Zerubabeli a beleka Abiudi, Abiudi a beleka Eliakimu, Eliakimu a beleka Azori,

Mateu 1:17

Hi zalezo zizukulwana zontlhe zi sukelako ka Abrahama kala ka Davida, i 14 wa zona; kusukela ka Davida kala xikhati xa kukhonwa va yiswa Babuloni, i 14 wa zona; kusukela xikhati xa kukhonwa va yiswa Babuloni kala ka Kristu, i 14 wa zona.