Marku 9:7 - Tshwa Bible

⁷ Kwalaho ku lota a refu gi ta va khubhunyeta; ku huma gezu hi lomo refini, giku: Loyi hi Nʼwana wa mina a ranzekako, mu ingiseni.

Marku 9:7 Referans Kwoze

2 Pedro 1:17

Hakuva yena i lo amukela wudumo ni wudzunzo hi le ka Nungungulu Dadani, a siku legi ku ngata kakwe a gezu gi nga huma kungangameleni, ka hombe, giku: Loyi hi Nʼwana wa mina a ranzekako, nzi xalele khwatsi ha yena. Mat. 3:17; Mar. 9:7

Mateu 3:17

Zonake ku lo zwala a gezu gi huma matilweni, giku: Loyi hi Nʼwana wa mina a ranzekako, nzi xaleleko khwatsi ha yena. Tis. 2:7; Mar. 1:11; Lu. 9:35; Joh. 12:28; Efe. 1:6

Marku 1:11

Ku lo huma gezu hi le tilweni, giku: Wena u Nwananga a ranzekako, nzi xalalako khwatsi ha wena. Tis. 2:7; Mat. 3:17

Kuvululelwa 1:7

Langutani, wata hi marefu; a mahlo wontihe ma ta mu wona, na vona lava va nga mu tlhava; a vanhu va tixaka tontlhe ta misava va ta tiba zifuva loku va mu wona. Hizona. Amen. Dan. 7:13; Zak. 12:10; Joh. 19:37

Maheberu 2:1

Hikwalaho hina hi yimelwe hi ku chela kota nguvu hi timhaka leti hi ti zwileko, hi nga dzuka hi penga ka tona.

Johani 20:31

Kanilezi lezi zi tsalilwe, aku kasi mu fela ku kholwa lezaku Jesu hi Kristu, a Nʼwana wa Nungungulu; ni ku hi kukholwa mu fela kuva ni kuhanya vitweni gakwe. Lu. 1:4; Xip. 3:15, 16; 1 Ped. 1:8, 9

Johani 6:69

Hi kholilwe, ha zi tiva lezaku wena u Loyi wa Kubasa wa Nungungulu. Mat. 16:16; Mar. 8:29; Lu. 9:20

Johani 1:34

Nzi zi wonile, nza maha wukustumunyu lezaku loyi i Nʼwana wa Nungungulu.

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3

Va le Roma 1:4

A kombisiwa hi ntamu lezaku i Nʼwana wa Nungungulu hi Moya wa wubaswa, hi kuvuka kakwe hi ka vafileko. Hi yena Jesu Kristu a Hosi ya hina, Miti. 13:33; Maheb. 9:14

Mitiro 8:36

Kota lezi va nga ha longoloka ni ndlela, va lo chikela laha ku nga ni mati. A nduna yi te ngalo; A mati hi lawa; xana nzi beletelwa hi yini ku bapatizwa?

Mitiro 7:37

Hi yaloye Mosi a ngaku ngalo ka vanana va ka Israeli: Nungungulu i ta mu vuxela a muprofeti wo kota mina xikari ka vamakabye va nwina. Deut. 18:15

Mitiro 1:9

Ku te loku a wulawulile timhaka leti, i lo tlakuselwa tilweni na va kari va mu langutela; ni refu gi lo mu fihla kuwoneni kabye. Joh. 6:62

Johani 19:7

A vaJuda va lo hlamula, vaku; Hina hi na ni nayo, hi nayo lowu i yimelwe hi kufa, hakuva i ti mahile a Nʼwana wa Nungungulu. Levi 24:16; Mat. 26:65; Xip. 5:18

Johani 9:35

Jesu i lozwa lezaku va mu hlongole handle; ku te loku a mu kumile, aku ngalo: Wa kholwa ka Nʼwana wa Nungungulu ke? Mat. 14:33; Mar. 1:1; 1 Joh. 5:13

Johani 5:37

Na yena Dadani, loyi a nzi rumileko, i mahile wukustumunyu hi mina. Nwina cima a mu zwangi gezu gakwe, hambu ni ku wona xiyimo xakwe; Deut. 4:12; Mat. 3:17; 1 Joh. 4:12

Johani 5:18

Hikwalaho ka mhaka leyi a vaJuda va lo hlota ku mu daya, hakuva a nga tshovangi sabado ntsena, kanilezi i lo vitana Nungungulu aku i Raru wakwe, a ti maha a ecana ni Nungungulu. Xip. 7:19; 10:30; Fil. 2:6

Johani 1:49

Nataneli i lo hlamula, aku ngalo: Rabi, wena u Nʼwana wa Nungungulu, U Hosi ya vaIsraeli. Mat. 14:33; 27:42

Mateu 27:54

Laha a nduna ya zana ni lava va nga hi nayo va lavelela Jesu, na va wonile a kutsekatseka ka misava, ni zinwani zi nga wa mahekile, va lo chava nguvu, vaku: Hakunene, loyi i wa hi Nʼwana wa Nungungulu! Mar. 15:39; Lu. 23:47

Mateu 27:43

I tsumbile Nungungulu; a mu tlhatlhise makunu, loku a kari a mu ranza; hakuva i te ngalo: Nzi Nʼwana wa Nungungulu. Tis. 22:8

Danieli 7:13

Lomu miwonisweni ya wusiku nzi lo wona a munwe loyi a fananako ni nʼwana wa munhu na ata hi marefu ya tilo, ata ka wakale hi masiku, a yisiwa mahlweni kakwe. Mat. 16:27; 24:30; Mar. 14:62

Tisimu 97:2

A marefu ni munyama zi mu ranzele, A kululama ni kulamula ziseketelo za xitshamu xakwe xa wuhosi. Ekso. 19:16

Tisimu 2:7

Nzi taba nyiwo ya Jehova, Jehova i te ngalo ka mina: Wena u nʼwana wa mina, Nzi ku psweleko nyamutlha.

Eksodusi 40:34

Zonake a refu gi lo fenengeta a tenda ga mutlhangano, hakuva a refu gi wa hi hehla ka gona, ni kuhatima ka Jehova ku tata a tabernakeli,

Eksodusi 24:16

A kungangamela ka Jehova ku lo tshama xitsungeni xa Sinai, ni refu gi lo xi fenengeta ntlhanu wa masiku ni ginwe; hi siku ga wuntlhanu ni mambiri i lo vitana Mosi na hi lomu refini.

Marku 9:6

hakuva i wa nga zi tivi lezi a ta nga wulawula, hakuva va wa chava nguvu.

Marku 9:8

Hi xikhanzakanya xa zalezo va lo lunguza, a va ha wonangi munhu, saseka Jesu yece a nga hi navo.

Luka 3:22

ni Moya wa ku Basa wu lo relela hehla kakwe hi dzumba ga tuva, ni gezu gi lo huma hi le tilweni, giku: Wena u Nʼwana wa mina a ranzekako, nzi xalele ha wena.

Johani 12:28

Dadani, dumisa a vito ga wena! Kwalaho ku lota gezu hi le tilweni, giku: Nzi gi dumisile, nzi ta engeta nzi gi dumisa. Mat. 3:17