Marku 9:50 - Tshwa Bible

⁵⁰ A munyu wu sasekile, kanilezi loku munyu wu pswhama, mu ta wu lunga hi yini ke? Tshamani ni munyu nzeni ka nwina, mu hi ni kurula munwe ni munwani. Mat. 5:13; Lu. 14:34; Efe. 4:29

Marku 9:50 Referans Kwoze

Va le Kolosi 4:6

Ngha kuwulawula ka nwina ku hi ni tipswalo xontlhe xikhati, na ku lungilwe hi munyu, lezaku mu fela ku tiva lezi mu ta nga hlamulisa zona ka munwe ni munwani. Mutsa. 10:12; Mar. 9:50; 1 Ped. 3:15

Va le Roma 12:18

Loku zi maheka, ni loku nwina mu zi kota, tshamani hi kurula ni vanhu vontlhe.

Mateu 5:13

Nwina mu munyu wa misava; kanilezi loku munyu wu pswhama, wu ta lungwa hi yini? A wa ha vuni nchumu ntsena ku hoxiwa lahandle wu kanzihelwa hi vanhu. Mar. 9:50; Lu. 14:34, 35

Maheberu 12:14

Lavani kurula ni vanhu vontlhe, ni kubasiswa loku munhu a nga zi kotiko ku wona Hosi loku a nga hi nako. Mat. 5:8

2 Va le Korinte 13:11

Hi kugumesa vamakabye, tsakani mu mbheleliswa, ni ku tangalisana. Ngha mu hi ni kupima kunwe, mu tshama hi kurula; Nungungulu wa liranzo ni wa kurula i tava na nwina. Rom. 12:16; 1 Kor. 1:10; 1 Ped. 3:8

Va le Filipi 1:27

Ntsena ngha na mahanyela ya nwina ma fanela a ivangeli ya Kristu; lezaku hambu nzita nzi ta mu wona, hambu nzi ngati, nzi fela kuzwa timhaka ta nwina lezaku mu yimile muku nde moyeni munwe, na mu lwela a kukholwa ka ivangeli hi mbilu yinwe,

Joba 6:6

Leʼzo pswhama zi nga giwa loku ku nga hi na munyu ke? Kutani ku kona kunuhela lomu ko basa ka tanza ke?

1 Va le Tesalonika 5:13

mu va dzunza nguvu hi liranzo hi kota ya ntiro wabye. Tshamani hi kurula xikari ka nwina.

Va le Efesusi 4:29

A kuwulawula ko nyenyeza ngha ku nga humi milonwini ya nwina, sine timhaka ta zinene ta ku vunetela laha ku lavekako, lezaku tiva xikatekiso ka lava va ingisako.

1 Pedro 3:8

Hi kugumesa, ngha nwina nwentlhe mu hi ni mbilu yinwe, mu zwelana, mu ranzana ni vamakabye, mu hi ni wuxinji, mu ti koramisa. Rom. 12:10; Fil. 3:16; Kol. 3:12

Jakobe 1:20

hakuva a zanga ya munhu a yi tiri a kululama ka Nungungulu.

2 Timote 2:22

Potsoloka a kumbilukela ka lava vaswa, u lanza kululama, ni kukholwa, ni liranzo, ni kurula, zinwe ni lava va khongelako ka Hosi hi timbilu ti basileko.

Va le Kolosi 3:12

Hikwalaho, kota lezi mu nga vahlawulilweko va Nungungulu, mu basile ni ku ranzeka, ambalani a mbilu yo zwela wusiwana, ni wunene, ni kutikoramisa, ni kurula, ni lihlaza-mbilu. Gal. 5:22; Fil. 2:1; 1 Ped. 1:2

Va le Galatia 5:22

Kanilezi a mihanzu ya Moya hi liranzo, ni kutsaka, ni kurula, ni kutimisela, a wunene, ni kusasa, ni kutsumbeka, Joh. 15:2; 1 Kor. 13:7; Jak. 3:17

Tisimu 34:14

Suka kubiheni, u maha kusaseka; Hlota kurula, u ku lanzela. Rom. 12:18; Maheb. 12:14

Marku 9:34

Kanilezi vona va su tiwitiwi bhi; hakuva va wa kari va kanetisana laha ndleleni, lezaku hi mani wahombe xikari kabye.

Tisimu 133:1

Hi nga wonani kutsakisa ka zona, Loku maxaka ma hanya khatiginwe hi kuzwanana.

Ezekieli 43:24

U ta zi tshineta mahlweni ka Jehova, a vapristi va ta zi chela munyu, va maha ha zona a munyikelo wa kuhiswa ka Jehova. Levi 2:13

Marku 9:49

Hakuva munhu munwe ni munwani i ta chuchelwa hi nzilo, ni muphahlelo munwe ni munwani wu ta lungiwa hi munyu.