Marku 9:25 - Tshwa Bible

²⁵ Laha Jesu a nga wona lezaku a xidlemo xi tsutsumela ka yena, i lo kawuka a moya wa kubiha, aku: Wena moya wa mbeveve ni wa xiwiri, mina nza ku laya, huma, u nga ha engheni ka yena!

Marku 9:25 Referans Kwoze

Mitiro 16:18

I lo maha lezo masiku manyingi; kanilezi Paule na a karatiwa ha zona, i lo hunzuluka, aku ngalo ka moya lowo: Nza ku laya hi vito ga Jesu Kristu a kuva u huma ka yena! Wu lo huma kakwe hi xwalexo xikhati. Mar. 1:25, 34; 16:17

Luka 9:42

Kota lezi a nga hata, a dimoni gi lo mu puluwunzisa lahasi, gi mu tsekatsekisa hi ku bayisisako. Kanilezi Jesu i lo kawuka a moya wa kubiha, a hanyisa mufana, a mu nyikela ka raru wakwe.

Marku 9:15

A xidlemo loku xi wona Jesu xi lo hlamala nguvu, xi mu tsutsumela a ku ya mu losa.

Mateu 17:18

Jesu i lo kawuka a dimoni, gi huma ka mufana, a hanyiswa xwalexo xikhati.

Juda 1:9

Kanilezi Mikaeli, a ngelosi ya hombe, laha a nga kanetana na Satani hi xirumbi xa Mosi, i lo chava ku mu lamula hi nzhukano, kanilezi i te ngalo: A Hosi a yi ku kawuke. Dan. 12:1; Zak. 3:2; 2 Ped. 2:11

Luka 11:14

Yena i wa hlongola a dimoni gi nga hi mbeveve. Ku te laha a dimoni gi nga wa humele, a mbeveve yi lo wulawula; a zidlemo zi lo hlamala. Mat. 9:32; 12:22

Luka 8:29

Hakuva Jesu i wa layile a moya wa kubiha a ku huma munhwini loye; hakuva wu wa mu xanisile hi kale. Va wa mu bohile hi mangenje ni makhotso, va mu lavelela; kanilezi i lo bhewula a ziboho, a yiswa xiwuleni hi dimoni.

Luka 4:41

Ni madimoni ma lo huma ka vanyingi, na ma kanyuluka, maku: Wena u Nʼwana wa Nungungulu. Kanilezi i lo ma kawuka, a nga ma vumeli ku wulawula, hakuva ma wa zi tiva lezaku hi Kristu. Mar. 1:25, 34; 3:11

Luka 4:35

Jesu i lo mu kawuka, aku: Miyela, u huma ka yena! Laha dimoni na gi mu wisile lahasi xikari kabye, gi lo huma ka yena, na gi nga mu mahangi nchumu.

Zakaria 3:2

Jehova aku ka Satani: Ngha Jehova a ku kawuka, wena Sata! Ina, Jehova loyi a hlawulileko Jerusalema ngha a ku kawuka! A muti lowu a hi lihunyi li susilweko nzilweni ke?

Mateu 12:22

Zonake ku lo tiswa: kakwe munwe loyi a nga hi ni dimoni, a nga xikhumu ni mbeveve, a mu hanyisa, lezo a mbeveve yi lo wulawula, yi tlhela yi wona. Mar. 3:11; Lu. 11:14

Marku 9:24

Zonake a raru wa nwanana i lo kanyuluka, aku: Nza kholwa; nzi ponise ka kungakholwi ka mina.

Marku 9:26

Na wu bile huwa, ni ku mu cherukisa nguvu, wu lo huma; ni mufana i lo maha kota a fileko, kala a linyingi la vona vaku ngalo: I file.