Marku 6:34 - Tshwa Bible

³⁴ Laha Jesu a nga huma ngalaveni i lo wona a xidlemo xa hombe, a va zwela wusiwana, hakuva va wa kota tiyivu ti nga hiko na murisi; i lo sangula ku va gonzisa timhaka to tala. Mat. 9:36; 14:14; Lu. 9:11

Marku 6:34 Referans Kwoze

Mateu 9:36

Kanilezi laha na a wonile zidlemo, i lo zi zwela wusiwana, hakuva va wa xaniseka na va hangalakile, kota tiyivu ti nga hava murisi. Mitse. 27:17; Ezek. 34:5

Mitsengo 27:17

loyi a ta nga va rangela mahlweni kuhumeni kabye, ni ku va rangela kuengheneni kabye, loyi a ta nga va humesa ni ku va enghenisa; kasi a tlhangano wa Jehova wu nga mahi kota tlhambi lowu wu nga hiko na murisi.

Luka 9:11

Kanilezi na zi zi tivile a zidlemo zi lo mu lanzela; i lo va amukela a kanela kabye hi mufumo wa Nungungulu, a hanyisa lava va lavako ku hanyiswa.

Zakaria 10:2

Hakuva a materafime ma wulawula zahava, ni vangoma va vumba mawunwa; vanyamilorwani va lora zahava, va tangalisa hi lezi zi nga nyawuliko. Hikwalaho a vanhu va penga kota a ntlhambi wa tiyivu, va xaniseka hi ku vumala murisi. Isa. 8:19; Mat. 9:36

Jeremia 50:6

A vanhu va mina va wa hi tiyivu leti ti lahlekileko. Va hambukisilwe hi varisi vabye, va va tsika lomu zitsungeni. Va pepetsekile lomu zitsungeni vaya migangeni, va kohlwa hi ranga gabye.

2 Kronekele 18:16

Mikaia aku: Mina nzi lo wona va ka Israeli vontlhe na va hangalakile zitsungeni kotisa tiyivu ti nga hiko na murisi, Jehova na aku: A vanhu lava a va na nwinyi; munwe ni munwani a tlhele aya ndlwini yakwe!

1 Tihosi 22:17

Mikaia i te ngalo: Mina nzi wonile va ka Israeli vontlhe na va hangalakile lomu zitsungeni khwatsi tiyivu ti nga hiko na murisi. Jehova na aku ngalo: Lava vanhu a va na nwinyi, a munwe ni munwani a tlhele hi kurula le ndlwini yakwe. Mitse. 27:17; Mat. 9:36

Maheberu 4:15

Hakuva a mupristi wa hombe loyi hi nga naye, a hi loyi a tsanzekako ku hi zwela wusiwana hi kota ya gome ga hina; kanilezi munwe loyi a ringilweko hi matlhelo wontihe khwatsi hi hina, kanilezi a nga onhangi. Isa. 53:3; Lu. 22:28; 2 Kor. 5:21

Mateu 14:14

Loku a huma ngalaveni a wona a xidlemo xa hombe, i lo xi zwela wusiwana, a hanyisa vababyako vabye. Xip. 9:36; Mar. 6:34

Maheberu 2:17

Hikwalaho zi lo mu fanela a kuva a fanana ni vamakabye vakwe hi matlhelo wontihe, lezaku a fela kuva mupristi wa hombe, a nga ni wuxinji ni kutsumbeka ntirweni wa Nungungulu, kasi a maha nzhiho hi kota ya zionho za vanhu. Fil. 2:7; Xip. 4:15; 5:1, 2

Mateu 15:32

Jesu i lo vitana vapizani vakwe, aku ngalo: Nza xi zwela wusiwana a xidlemo lexi, hakuva hi masiku manharu na xi simamisile na mina, na xi nga hi na zakuga; a nzi ranzi ku va tlhelisa na va hi ni ndlala, va nga dzuka va sika ndleleni. Mar. 8:1

Isaya 13:14

Va taku khwatsi hi pfundla wu hlongoliswako, Vaku khwatsi hi tiyivu ti nga hiko na muhlayisi, Munwe ni munwani i ta tlhelela ka va ka kabye, Vontlhe va tsutsumela matikweni yabye.

Ezekieli 34:5

Ti lo hangalaka hakuva ku wa nga hi na murisi; ti lo giwa hi zivanza za khwati, ti hangalaka. Isa. 53:6; Mat. 9:36

Marku 6:33

Kanilezi vanhu va lo va wona ni ku famba, a vanyingi va lo va tiva, va tsutsumela kona hi muhanza hi le mitini yontlhe, va rangela Jesu ni vapizani.

Marku 6:35

Laha siku gi ngaya kupeleni, a vapizani va lo tshinela kakwe, vaku: A wutshamu xiwula, ni siku gi lava ku mbhela;

Marku 8:1

Hi ka lawo masiku laha ku nga hi kona kambe a xidlemo xa hombe, na xi nga hi na nchumu xa kuga, Jesu i lo vitana vapizani vakwe, aku ka vona: Mat. 15:32

Marku 8:2

Nza xi zwela wusiwana a xidlemo, hakuva hi masiku manharu makunu na va tshamile na mina, na va nga hi na zakuga.