Marku 6:11 - Tshwa Bible

¹¹ Ni ka gihi wutshamu va ta nga kala va nga mu amukeli, va nga mu ingisi, laha mu sukako kona, phuhunhani a ntshuri wa mikonzo ya nwina, kasi kuva wukustumunyu ka vona. Mat. 10:14; Lu. 10:10; Miti. 13:51

Marku 6:11 Referans Kwoze

Mitiro 18:6

Kanilezi laha va nga kaneta, va rukatela, i lo zuza a tinguwo takwe, aku ngalo kabye: A nkhata wa nwina a wuve hehla ka tihloko ta nwina venyi; mina nzi basile, a kusukela lezi nzi taya ka vamatiko. Xip. 13:45; 28:28; Ezek. 33:9; 1 Ped. 1:4

Nehemia 5:13

Ni kambe nzi lo zuza a tinguwo ta mina, nziku: Nungungulu ngha a zuzisa lezo a yindlu ya munhu ni munhu, ni ntiro wakwe, a hoxiwa kule nazo loyi a nga tatisiko a xifungo lexi. Ngha a zuziswa zalezo, a halatiwa. A hlengeletano yontlhe yiku: Amen! Va lo dumisa Jehova va maha khwatsi hi lezi va nga wa hlambanyile.

Juda 1:7

Kota Sodoma ni Gomora ni miti ya kona, leyi yi nga ti nyikela wubhayini, ni ku lanzela nyama ya hava, yi yimisilwe a kuva xikombiso, yi tsayiswa hi nzilo wa pinzukelwa.

1 Johani 4:17

A liranzo li mbhelelisilwe xikari ka hina loku hi hi ni kutiya hi tlhelo ga siku ga kulamula; hakuva kota lezi yena a nga zona, hinawu hi zalezo tikweni legi. Jak. 2:13

2 Pedro 3:7

Kanilezi a matilo laya ma nga kona makunu, ni misava, zi hlayiselwe nzilo hi gezu gwalego, zi gongelwa a siku ga kulamulwa ni ga kulobyiswa ka vanhu, lava va nga chaviko Nungungulu. Mat. 25:41

2 Pedro 2:9

A Hosi ya zi kota ku hlanguta kuringweni lava va chavako Nungungulu, ni ku khoma a vangalulamangiko va tsayiswa kala sikwini ga kulamulwa; Tis. 34:17; 1 Kor. 10:13

2 Pedro 2:6

I lo lamula a miti ya Sodoma ni Gomora a kuva yi lobyisiwa, yi maha khuma, a yi yimisa a kuva xikombiso ka lava va ta nga kala va nga hanyeli Nungungulu. Gen. 19:24; Mitse. 26:10

Va le Roma 2:16

Zi tava tano hi siku lego Nungungulu a ta nga lamula a zigungu za vanhu ha Jesu Kristu, kotisa lezi yi wulako a ivangeli leyi nzi yi kanelako. Joh. 5:22; Kuv. 20:12

Va le Roma 2:5

Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3

Luka 9:5

Kanilezi lava va nga mu amukeliko, laha mu sukako ka lowo muti, phuhunhani a ntshuri wa mikonzo ya nwina, kasi kuva wukustumunyu ka vona.

Mateu 12:36

Nza mu byela, nziku: A timhaka tontlhe ta hava leti va ti wulawulako vanhu, va ta ti hlamulela ha tona sikwini ga kulamula.

Marku 6:10

I te ngalo kabye: Kani hi kwihi laha mu enghenako lomu ndlwini, tshamani kona mu kala mu suka wutshanwini lego. Mat. 10:11; Lu. 9:4; 10:7, 8