Marku 2:24 - Tshwa Bible

²⁴ A vaFarisi va te ngalo kakwe: Hi yini va mahako lezi zi nga faneliko hi siku ga sabado ke?

Marku 2:24 Referans Kwoze

Eksodusi 20:10

kanilezi a siku ga wuntlhanu ni mambiri i sabado ga Jehova, Nungungulu wa wena. U nga tiri ntiro hi siku lego, wena ni mufana wa wena, ni nhanyana wa wena, ni xitiri xa wena xa wanuna ni xa wasati, ni homu ya wena, ni muluveli wa wena loyi a nga mutini wa wena.

Maheberu 12:3

Ina, alakanyani yena loyi a nga timisela a kukanetwa ka kunghaho hi vaonhi, lezaku mu nga rereki, mu mbhela ntamu mihefemulweni ya nwina. Mat. 10:24

Mateu 12:2

Kanilezi laha a vaFarisi na va zi wonile, vaku ka yena: Languta, a vapizani va wena va maha lezi zi nga faneliko a ku mahiwa hi sabado.

Marku 2:16

A vatsali va vaFarisi, laha na va wona lezaku iga ni vaonhi ni vahlengisi, vaku ngalo ka vapizani vakwe: Hi yini a gako ni kunwa zinwe ni vahlengisi ni vaonhi ke?

Marku 2:7

vaku: Hikuyini loyi munhu a wulako zakunghahi? Wa rukatela; himani a nga tsetselelako zionho, a handle ka Nungungulu yece? Joba 14:4; Isa. 43:25

Isaya 58:13

Loku u khoma a nenge wa wena lezaku wu nga onhi a sabado, U nga mahi a ntiro wa wena hi siku ga mina go basa; Loku u wula lezaku a siku ga sabado litsako la wena, Lezaku legi gi basileko ga Jehova gi fanele ku chabyiwa, Loku u gi dzunza hi ku nga fambi tindleleni ta wena wutsumbu, Ni ku nga mahi kuranza ka wena ni ku wulawula timhaka ta hava,

Isaya 56:6

Ni vamatiko lava va ta nga namarela ka Jehova, Va mu tirela, va ranza a vito ga Jehova, Va maha malanza yakwe, Vontlhe lava va hlayisako a sabado, va nga gi nyenyezisi, Va hlayisa a xivumelwano xa mina,

Isaya 56:4

Hakuva Jehova i ngalo: A mithenwa leyi yi hlayisako a masabado ya mina, Leyi yi hlawulako lezi zi nzi xalalisako, Va hlayisako a xivumelwano xa mina,

Isaya 56:2

I katekile a munhu loyi a mahako lezo. Ni nʼwana wa munhu a namarelako ka zona, Loyi a hlayisako a sabado a nga gi nyenyezisi, Loyi a nga mahiko kubiha hi canja gakwe. Ekso. 31:13; Levi 19:3, 30

Eksodusi 31:15

Ku ta tiriwa ntlhanu wa masiku ni ginwe, zonake a ga wuntlhanu ni mambiri gi tava ga sabado ga kuhumula, legi gi basiselweko Jehova. Kani hi wihi loye a tirako hi siku ga sabado, i ta dawa.

Marku 2:25

Yena aku ngalo kabye: Cima a mu gonzangi lezi a nga zi maha Davida, laha a nga vumala zakuga, a hi ni ndlala, yena zinwe ni lava a nga hi navo ke? 1 Sam. 21:6