Marku 11:23 - Tshwa Bible

²³ Hizinene nziku ka nwina: Kani hi wihi a ta ngaku ka lexi xitsunga: Kunuka u ya ti hoxa bimbini; loku a nga kanakani mbilwini yakwe, kanilezi a kholwa lezaku zi ta maheka lezi a zi wulako, i ta mahelwa zona. Mat. 17:20; 21:21; Lu. 17:6

Marku 11:23 Referans Kwoze

Mateu 17:20

I te ngalo kabye: Ihakuva a kukholwa ka nwina ku tsongwanyani. Hizinene nziku ka nwina: Loku mu wa hi ni kukholwa ku kotisa a mbewu ya xinapi, mu wa taku ka xitsunga lexi: Kunuka laha, uya ka legiya wutshamu, xi ta kunuka; a ku na nchumu xi wa ta nga mu tsanza. Mar. 11:23; Lu. 17:6; 1 Kor. 12:9

Johani 15:7

Loku mu tshama ka mina, ni timhaka ta mina ti tshama ka nwina, kombelani ni xihi lexi mu xi ranzako, mu ta mahelwa xona.

Mateu 21:21

Jesu i lo hlamula, aku ngalo kabye: Hizinene nziku ka nwina: Loku mu hi ni kukholwa, mu nga kanakani, mu nga ta maha ntsena lezi zi mahilweko ka nkuwu, kanilezi hambu muku ka lexi xitsunga: Kunuka, u ya ti hoxa bimbini, zi ta maheka. Lu. 17:6; 1 Kor. 13:2; Jak. 1:6

Tisimu 37:4

Ti xalalise ha Jehova, Yena i ta ku nyika a kuxuva ka mbilu ya wena.

Johani 14:13

Ni xihi lexi mu ta nga xi kombela hi vito ga mina, nzi ta xi maha, lezaku Dadani i fela ku dumiswa ka Nʼwana. Mat. 7:7; Jak. 1:5; 1 Joh. 3:22

Luka 17:6

Hosi yi te ngalo: Loku mu wa hi ni kukholwa ku kotisa a mbewu ya xinapi, ngha muku ka sinya leyi ya nkuwu: Simuka, u ya byaliwa bimbini; yi wa ta mu ingisa. Mat. 17:20; 21:21; Mar. 9:23

1 Va le Korinte 13:2

Ni loku, nzi hi ni xinyikiwo xa kuprofeta, nzi tiva mifihlakalo yontlhe ni kutiva kontlhe; hambu nzi hi ni kukholwa kontlhe lezaku nzi kunula ni zitsunga, loku nzi nga hi na liranzo a nzi nchumu. Mat. 7:22; Lu. 17:6

Mateu 14:13

Laha Jesu na zi zwile, i lo suka laho hi ngalava, aya wutshanwini ga xiwula na hi yece. Kanilezi laha zidlemo na zi zwile, zi lo mu lanzela hi milenge zita hi le mitini.