Malaki 3:16 - Tshwa Bible

¹⁶ Zonake lava va chavako Jehova va wulawula munwe ka munwani, na Jehova i dembile ndleve a ingisela, ku tsaliwa a bhuku ka xialakanyiso mahlweni kakwe, ku tsaliwa lava va chavako Jehova ni lava va alakanyako vito gakwe.

Malaki 3:16 Referans Kwoze

Kuvululelwa 20:12

Nzi lo wona a vafileko, lava vahombe ni vatsongwani, na va yimile mahlweni ka xitshamu xa wuhosi, ku lo vululwa mabhuku. Ku lo vululwa ginwani bhuku gi nga bhuku ga wutomi; ni vafileko va lo lamulwa hi lezi zi tsalilweko mabhukwini hi mitiro yabye. Tis. 69:28; Jer. 17:10; Dan. 7:10

Tisimu 56:8

U hlayile a masiku ya kunzulanzula ka mina; Chela a mihloti ya mina lomu ka nghotso ya wena; A yi tsaliwangi lomu bhukwini ga wena ke?

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Kuvululelwa 15:4

Himani a ta nga kala ku ku chava, wena Hosi, A nga dzunzeleti a vito ga wena ke? Hakuva hi wena wece u basileko, A matiko wontihe ma tata ma ta ku khizamela: Hakuva a mitiro ya wena yi lulamileko vi wonekelisilwe. Ekso. 15:14-16; Isa. 66:23

Maheberu 10:24

Ngha hi khatalelana kasi ha susumetana liranzweni ni mitirweni yo saseka;

1 Va le Tesalonika 5:11

Hikwalaho tiyisetanani, mu akana, kota lezi mu zi mahako.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Mitiro 9:31

Lezo a handla gi wa hi ni kurula a Judia gontlhe, ni le Galilea, ni le Samaria; gi lo akiswa gi famba kuchaveni ka Hosi ni kutangalisweni ka Moya wa ku Basa. Tis. 119:165

Isaya 26:3

Loyi wa mbilu yi tiyileko u ta mu veka kuruleni, U ta mu nyika kurula hakuva i tsumba wena.

Mitiro 10:2

I wa hi munhu a pinyamileko kukhongeleni, loyi a nga chava Nungungulu zinwe ni yindlu yakwe yontlhe; i wa bana nguvu ka zisiwana, ni xontlhe xikhati i wa khongela ka Nungungulu. Gen. 18:19; Xip. 22:12

Ezekieli 9:4

aku ka yena: Famba u ya tsemakanya muti, a xikari ka Jerusalema, u vekela xifungo zimombyeni za vanhu lava va nga ni mahika, va rilako hi kota ya manyalataniso, lawa ma mahiwako, xikari kabye.

Tisimu 34:15

A mahlo ya Jehova ma tsonometa a valulamileko; Ni tindleve takwe ti kangatele huwa yabye. 2 Kro. 16:9

Va le Efesusi 5:19

mu wulawula munwe ni munwani hi tixangu ni tisimu ni zizimba za moya, mu yimbelela ni ku ketsela hi timbilu ta nwina ka Hosi; Jak. 5:13

Mitiro 1:13

Laha va nga chikele kona, va lo kanziha ndlwini ya le xitezi, laha va nga kari va tshama kona va Pedro, na Johani, na Jakobe, na Andreu, na Filipu, na Tomasi, na Bartolomeu, na Mateu, na Jakobe nʼwana Alfeu, na Simoni mupinyami, na Judasi nʼwana Jakobe. Xip. 9:37; Lu. 6:15

Danieli 7:10

Ku lo huma a congo wa nzilo hi le mahlweni kakwe, a mazana ya mazana ma lo mu khozela, ni 10,000 ma wuyetilweko hi 10,000 ma lo yima mahlweni kakwe. Ku wa hi ni hubye yo lamula, ku vululiwa mabhuku. Kuv. 5:11; 20:12

Luka 2:38

Na ata hi xwalexo xikhati, i lo bonga Nungungulu, a wulawula hi nwanana ka vontlhe lava va nga cuwukela a kutirulwa ka Jerusalema.

Estere 6:1

Wusikwini gwalego a hosi a yi kumangi wurongo; i lo vitanisa a bhuku ga matimu gi ta gonziwa mahlweni ka hosi.

Mitiro 2:1

Laha a siku ga Pentekosta gi nga wa chikele, vona vontlhe va wa tsombene wutshamu ginwe. Levi 23:15; Deut. 16:9

Isaya 65:6

Languta, ku tsalilwe mahlweni ka mina: Nzi nga ta miyela nzi kala nzi tlhelisela; Kunene, nzi ta tlhelisela ka vona,

Isaya 50:10

Himani xikari ka nwina a chavako Jehova, A ingisa a gezu ga nanza gakwe? Loye a fambako munyameni, na a nga hi na kuwonekela, Ngha a tsumba vito ga Jehova, a khegela ka Nungungulu wakwe.

Isaya 26:8

Ina, hi ku langutele a ndleleni ya kulamula ka wena, O Jehova; Hi navela a vito ga wena ni xialakanyiso xa wena.

Mavingu 13:20

Hlengela ni tlhari, u tava tlhariwo; anilezi loyi a mahako wunghana ni zipumbu i ta lobyiswa.

Tisimu 147:11

Jehova wa xalaliswa hi lava va mu chavako, Lava va tsumbako wuxinji gakwe.

Tisimu 139:4

Hakuva a gezu na gi nga seva lirimini la mina, Jehova kale na u gi tivile.

Tisimu 119:63

Nzi xaka ga vontlhe lava va ku chavako; Ni lava va hlayisako zileletelo za wena.

Tisimu 111:10

A kuchava Jehova hi masangulo ya wutlhari, Vontlhe va ku gongako va na ni kupimisisa kunene. A kudumisiwa kakwe ku simamisa kala kupinzuka. Joba 28:28; 1 Tim. 4:8

Tisimu 94:19

Laha nzi nga karateka mbilwini, Wena u tangalisile a muhefemulo wa mina.

Tisimu 66:16

Tanani mu tazwa, nwina nwentlhe mu chavako Nungungulu, Nzi ta tlhatlhambuta lezi a nzi maheleko zona,

Tisimu 33:18

A mahlo ya Jehova ma tsonometa lava va mu chavako, Ni lava va tsumbako a wuxinji gakwe,

Tisimu 20:7

A vanwani va tsumba tikareta, vanwani va tsumba mahaxi, Kanilezi hina hi kumbuka a vito ga Jehova, a Nungungulu wa hina.

Tisimu 16:3

A vakubasa lava va nga laha misaveni, Hi vona nzi va hlayako vahombe, nzi xalalako ha vona.

Tisimu 10:4

Hi matshanza yakwe a wakubiha aku: A nga zi khataleli. Na alakanya ku ngalo: A ku kona Nungungulu.

Joba 28:28

Ni ka munhu i te ngalo: Languta, a ku chava Hosi hi gona wutlhari; Ni ku huma kubiheni hi kona kupimisisa.

Estere 2:23

Laha a mhaka yi nga hlolwa, ku kumeka lezaku li wa hi lisine, hi wumbiri gabye va lo hayekwa sinyeni. Lezo zi lo tsalwa bhukwini ga matimu mahlweni ka hosi.

2 Kronekele 6:7

A dadani wa mina Davida i wa xuvile ku aka a yindlu yi lumbako a vito ga Jehova, Nungungulu wa ka Israeli;

1 Tihosi 18:12

Loku nzi sukile, ku ta si dzuka kuta a Moya wa Jehova wu ta ku tlakula wu ku yisa laha nzi nga ku tiviko; nzi tava nzi tivisile Ahabi, a wuya a nga ku kumi, zonake a nzi daya. Kasilezo a nanza ga wena ga chava Jehova kusukela wunwananeni gakwe. 2 Tih. 2:16; Miti. 3:39

2 Samueli 7:1

Laha a hosi yi nga wa tshamile lomu ndlwini ya yona, Jehova na mu nyikile xikhati xo humula xikari ka valala vakwe lava va nga wa mu ranzele,

Maheberu 12:15

Ti woneleni lezaku ku ngavi kona munhu a kiyelelwako hi tipswalo ta Nungungulu; lezaku ku nga dzuki ku mila a mutsu wa kubava wu mu karata, ni lezaku a vanyingi va nyenyeziswa ha wona. 2 Kor. 6:1

Maheberu 3:13

Khongotelanani a masiku ni masiku, loku ka ha wuliwa ku ngalo: Nyamutlha; kasi ku nga nonohiswi ni munwe wa nwina hi kukhohlisa ka kuonha.

1 Va le Tesalonika 5:14

Ha mu khongotela, vamakabye, hiku: Lulekani lava va vilinganya, mu tiyisa-hlana lava va timbilu ti rerekileko, mu vuna lava va nga ni gome, mu hi ni lihlaza-mbilu ka vanhu vontlhe.

Tisimu 104:33

Nzi ta yimbelela ka Jehova na nza ha hanya, Nzi dumisa Nungungulu wa mina loku nza hi kona.

1 Tihosi 18:3

Zonake Ahabi i lo vitana Obadia, a muhlayisi wa yindlu yakwe. Obadia i wa hi munhu a chavako Jehova;

Genesisi 22:12

Yiku ngalo: U nga tlhateki a canja ga wena ka mufana, u nga mahi nchumu ka yena; hakuva makunu nza zi tiva lezaku wa mu chava Nungungulu, lezi u nga kala ku ala ni nʼwana wa wena wa munwe. Jak. 2:21

Eksodusi 32:32

Kanilezi makunu tsetselela kuonha kabye! Loku zi nge ngaho, vinya a vito ga mina legi u gi tsalileko lomu bhukwini ga wena. Tis. 69:28; Rom. 9:3

Isaya 4:3

Zi ta maheka lezaku loyi a seleko le Zioni, ni loyi a seleko le Jerusalema, va ta hlayiwa kota va basileko, vontlhelele lava va tsalilweko bhukwini ga vahanyako le Jerusalema,

Jeremia 8:6

Nzi riyile ndleve, nzi ingisa, Kanilezi a va wuli zinene; A nga kona a hunzulukako kubiheni kakwe, Aku: Xini nzi xi mahileko? Vontlhe va tsutsuma kota mahaxi ma hatliselako kulweni,

Jeremia 31:18

Nzi zwile Efraime ku ti tsetsa, aku: U nzi tsayisile, nzi kwapiwa A ku fanana ni nkuzana yi nga tolovelangiko a muyoko; Nzi hunzuluse, kasi nza wuya, Hakuva hi wena Jehova Nungungulu wa mina.

Danieli 12:1

Xikhatini lexo ku ta huma Mikaeli, a hosana leʼya hombe yi yimelako a vana va tiko ga wena; ku tava ni zikhati za zikarato lezi zi kalako zi nga se huma kusukela a kusanguleni ka mifumo kala xikhatini lexo. Xikhatini xwalexo a vanhu va wena va ta tlhatlhiswa, vontlhe lava va ta nga kunwa na va tsalilwe bhukwini. Mat. 24:1; Mar. 13:19

Nehemia 1:11

Hosi, nza ku khongotela, panga ndleve ya wena uzwa mukombelo wa nanza ga wena, ni mukombelo wa malanza ya wena, tawa ma tsakelako ku chava a vito ga wena. Nza ku khongotela lezaku u vuvumisa a nanza ga wena nyamutlha, u mu mahela tipswalo kuwoneni ka wanuna loyi. (Makunu nzi wa hi muweleli Wa gombe ga hosi.)

Tisimu 56:9

Zonake a valala va mina va ta tlhelela nzhako hi siku legi nzi rilako; Lezo nza zi tiva, hakuva Nungungulu i na mina.

Tisimu 115:13

Yena i ta katekisa lava va chavako Jehova, Vontlhe vatsongwani ni vahombe.