Malaki 2:3 - Tshwa Bible

³ Nzi ta goha a woko ga nwina, nzi xwanya koho tinghoheni ta nwina, wu nga koho wa miphahlo ya nwina, mu hoxiwa handle nawo.

Malaki 2:3 Referans Kwoze

Nahume 3:6

Nzi ta ku phatsekela chaka, nzi ku nyenyezisa, nzi ku maha a xilo xi rewukisako.

Malaki 2:9

Hikwalaho nzi mu mahile mu soleka ni kuva vo biha mahlweni ka vanhu vontlhe, hakuva a mu hlayisi a tindlela ta mina, kanilezi mu cuwuka a nghohe ya munhu loku mu tlhamusela a nayo. 1 Sam. 2:30

Joeli 1:17

A timbewu ta bola lahasi ka marukwani, a tshala a gi na nchumu, ni zigurumbu zi wile, hakuva a ku na mavele.

1 Tihosi 14:10

Hikwalaho mina nzi ta rumela khombo ndlwini ya Jeroboamu, nzi ta lobyisa vafana vontlhe va Jeroboamu, lava va tsongwani ni laʼva hombe lomu ka Israeli; nzi ta swiyela a yindlu ya Jeroboamu khwatsi hi loku munhu a swiyela chaka kala gi mbhela.

Eksodusi 29:14

Kanilezi a nyama ya role ni bhebhe ga kona ni swanyi wa kona, u ta zi hisa lahandle ka wugovelo; zi hi muphahlo wa kuonha. Levi 4:12; Maheb. 13:11

1 Va le Korinte 4:13

loku hi panzwa wuxezi, hina ha khongotela. Hina hi mahilwe ku khwatsi hi chaka ga misava, hi fenze ya zilo zontlhe kala lezi.

Luka 14:35

A wa ha vuni nchumu, hambu ku hunzuka misava, hambu kuva koho; wu hoxiwa lahandle. Loyi a nga ni tindleve ta kuzwa, ngha a ingisa.

Jeremia 8:2

ma ta hangalaswa mahlweni ka gambo ni hweti, ni mahlweni ka butho gontlhe ga tilo, lezi va nga zi ranza ni ku zi tirela, ni lezi va nga zi lanzela, va zi wutisa ni ku zi khizamela; ma nga ta ha hlengeletiwa, hambu ku kelelwa; ma ta maha koho misaveni. Deut. 4:19; 2 Tih. 21:3

Tisimu 83:10

Lava va nga lobyiswa le Endor, Va mahile koho wa misava.

Joba 20:7

Yena i ta lova ku fanana ni macimba ya yena nwinyi; Ni lava va mu wonileko va taku: I kwihi?

Levi 26:16

minawu nzi ta mu maha lezi: Nzi ta mu rumela a chawo, ni ndere, ni feveri, zi ta mbheta a mahlo ya nwina ni timbilu ta nwina; mu ta byala mahala timbewu ta nwina, hakuva ti ta giwa hi valala va nwina.

Deuteronome 28:38

U ta byala a mbewu yo tala le masinwini ya wena, kanilezi u ta tshovela zitsongwani, hakuva a humbi yi ta yi mbheta.

Tisimu 47:5

Nungungulu i tlakukele hehla hi kukanyuluka ka litsako, Jehova i humele ni guwa ga mimpunzu.

Joeli 1:10

A masimu ma gohilwe, a tiko gontlhe gi le nkosini, hakuva a mavele ma gohekile, a vinya giswa gi pswhile, ni mafura ma womile.