Malaki 1:7 - Tshwa Bible

⁷ Mu nyikela a zakuga za nyalidede alatini ga mina. Zonake muku: Hi ku nyenyezisile hi yini? Lezi mu nge ngalo: A meza ya Jehova ya soleka.

Malaki 1:7 Referans Kwoze

Malaki 1:12

Kanilezi nwina ma gi bihisa loku muku: A meza ya Jehova yi na ni chaka, ni zakuga lezi zi yiswako ka yona za soleka.

1 Va le Korinte 10:21

A mu zi koti kunwa a gombe ga Hosi ni gombe ga madimoni; a mu zi koti ku gela mezeni ya Hosi, ni mezeni ya madimoni, Deut. 32:38; 2 Kor. 6:15

Malaki 1:8

Loku mu maha muphahlo hi xihari xi tileko mahlo, a hi kubiha loko ke? Loku mu nyikela hi lezi zi khwitako ni leʼzi babyako, a hi kubiha loko ke? Loku u wa ta zi yisa ka mufumeli wa wena, i wa ta xalaliswa ha wena ke? I wa ta ku amukela ke? ku wula Jehova wa tiyimpi. Levi 22:20; Deut. 15:21

Ezekieli 41:22

A alati gi wa mahilwe hi mapulangu, a kutlakuka ka gona ku wa hi mikono minharu ni mikono mimbiri kuleha, gi wa hi ni magwitsi. A xiseketelo xa gona ni makhurisi ya gona zi wa mahilwe hi mapulangu. Yena aku ka mina: Leyi hi meza yi nga mahlweni ka Jehova.

Deuteronome 15:21

Ni loku a xifuyo xi lamele, kutani na xi khwita, kutani na xi file mahlo, kutani na xi ni wulema ginwani ga hombe, u nga xi nyikeli ka Jehova Nungungulu wa wena laha maganzelweni. Mal. 1:8, 13

Levi 21:6

Va tava va basileko va Nungungulu wabye, va nga hanahanisi a vito ga Nungungulu wabye, hakuva mbanyikeli va miphahlo ya ku hiselwa Jehova, leyi ku nga kuga ka Nungungulu wabye; hikwalaho va tava va basileko.

Levi 2:11

A minyikelo yontlhe ya zakuga leyi mu nyikelako ka Jehova, yi nga dzuki yiva ya zibaba zi comelweko, hakuva mu nga dzuki mu hisela Jehova a comelo ni wulombe laha maganzelweni.

Levi 3:11

Ni mupristi i ta zi hisa alatini, ziva zakuga za muphahlo lowu wu hiselwako Jehova.

Levi 21:8

U ta mu hlaya loyi a basileko, hakuva hi yena a nyikelako a zakuga ka Nungungulu wa wena; i tava a basile ka wena, hakuva nzi basile, mina Jehova loyi a mu basisako.

Ezekieli 44:16

Va ta enghena wutshanwini ga mina ga kubasa, va tshinela mezeni ya mina va nzi tirela, va tatisa tifanelo tontlhe.

Malaki 1:13

Mu engeta muku: Langutani a makaratela ya yona! mu tlhela mu yi njorola, ku wula Jehova wa tiyimpi. Mu neha lezi zi phangilweko, ni lezi zi khwitako, ni lezi zi babyako mu ta maha muphahlo hi zona! Nzi ta zi amukela mandleni ya nwina ke? ku wula Jehova.