Malaki 1:14 - Tshwa Bible

¹⁴ Kanilezi a rukiwe a mukhohlisi, loyi a phahlelako hi lexi xi nga ni bawa laha a ti bohako hi xifungo, kasilezo i na ni matsune ntlhambini wakwe! Hakuva mina nzi Hosi ya hombe, ku wula Jehova wa tiyimpi, a vito ga mina ga chaveka xikari ka vamatiko.

Malaki 1:14 Referans Kwoze

2 Va le Korinte 8:12

Hakuva loku ku hi kona kuxuva ku nyika, a xinyikiwo xa amukeleka kotisa lezi munhu a nga nazo, na ku nga kotisi lezi a nga hiko nazo. Mar. 12:43, 44; Lu. 21:3

Malaki 1:8

Loku mu maha muphahlo hi xihari xi tileko mahlo, a hi kubiha loko ke? Loku mu nyikela hi lezi zi khwitako ni leʼzi babyako, a hi kubiha loko ke? Loku u wa ta zi yisa ka mufumeli wa wena, i wa ta xalaliswa ha wena ke? I wa ta ku amukela ke? ku wula Jehova wa tiyimpi. Levi 22:20; Deut. 15:21

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

Luka 12:46

a hosi ya lego nanza yi ta wuya hi siku gi nga yi langutelangiko, ni xikhati lexi gi nga xi tiviko, yi ta gi pulakanyisa, yi gi nyika xiavelo zinwe ni va nga kholekangiko.

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Zakaria 14:9

Jehova i tava hosi ya misava yontlhe; hi siku lego Jehova i tava munwe, ni vito gakwe gi tava ginwe. Mal. 1:11; Joh. 10:16

Jeremia 10:10

Kanilezi Jehova i Nungungulu wa zinene, I Nungungulu loyi a hanyako, a Hosi ya pinzukelwa; A misava yi rurumela zangeni yakwe, A matiko a ma na ku yima mahlweni ka khulo gakwe.

Tisimu 76:12

Wa bohlisa a kutikulisa ka tihosana, Wa chaveka ka tihosi ta misava.

Tisimu 47:2

Hakuva Loyi a Hunzeleleko Kutlakuka wa chaveka. Hi yena Hosi ya hombe laha misaveni yontlhe. Zak. 14:9; Mal. 1:14

Kuvululelwa 15:4

Himani a ta nga kala ku ku chava, wena Hosi, A nga dzunzeleti a vito ga wena ke? Hakuva hi wena wece u basileko, A matiko wontihe ma tata ma ta ku khizamela: Hakuva a mitiro ya wena yi lulamileko vi wonekelisilwe. Ekso. 15:14-16; Isa. 66:23

Maheberu 12:29

hakuva Nungungulu wa hina i nzilo lowu wu hisako. Isa. 66:15; Deut. 4:24; Tis. 50:3

1 Timote 6:15

loku ku ta nga maheka hi xikhati xa yena, loyi a nga yece a Hosi ya ntamu yi bongekako, a Hosi ya tihosi, ni Mufumeli wa vafumeli; Xip. 1:11; Kuv. 17:14

Danieli 9:4

Nzi lo kombela Jehova a Nungungulu wa mina, nzi wulela nziku: Hosi, Nungungulu wa hombe ni wo chavisa, loyi a hlayisako a xivumelwano ni tipswalo ka lava va mu ranzako, va hlayisako zileletelo zakwe; Deut. 7:8; Neh. 1:5

Danieli 4:37

Makunu mina Nebukadnezzare nza dumisa ni ku dzunza a Hosi ya tilo, hakuva a mitiro yakwe yontlhe nja zinene, ni tindlela takwe ta nongameto. I na ni ntamu a ku tsongahata lava va fambako hi matshanza. 1 Ped. 5:5

Jeremia 48:10

I rukatelwe loyi a nga ni mihoni ntirweni wa Jehova, I rukatelwe loyi a alisako a supado yakwe a nkhata.

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Deuteronome 28:58

Loku u nga cheli kota ku lanzela timhaka tontlhe ta nayo lowu, leti ti tsalilweko ka bhuku legi, ni ku chava a vito legi ga hombe gi chavekako ga Jehova Nungungulu wa wena,

Genesisi 27:12

kutani dadani i ta ya nzi ringetela, zonake nzi ta ya ku khwatsi nzi mukhohlisi mahlweni kakwe; nzi ti kokela nzhukano, mina na nzi nga hi na zikatekiso za nchumu.

Marku 14:8

I mahile lezi a zi kotako; i totile a miri wa mina kasi ku wu longisela a ku lahliwa.

Mateu 24:51

yi ta gi pulakanyisa, yi gi nyika xiavelo xa gona zinwe ni vaxengeteli; laha mikosi yi ta ngava kona ni kugetsela ka meno. Xip. 8:12; 25:30

Mateu 5:35

hambu hi misava, hakuva xikhegetelo xa mikonzo yakwe; hambu hi Jerusalema, hakuva hi muti wa Hosi ya hombe.

Malaki 3:9

Mu rukilwe hi nzhukano, hakuva mu nzi yivela, nwina nwentlhe va tiko legi.

Tisimu 95:3

Hakuva Jehova i Nungungulu wa hombe; I Hosi ya hombe hehla ka vanungungulu vontlhe,

Tisimu 68:35

Nungungulu, wa chaveka le wu tshanwini ga wena go basa; Nungungulu wa Israeli i nyika ntamu ni kufuma ka vanhu vakwe. A khesiwe Nungungulu!

Tisimu 48:2

Xi sasekile a xitsunga xa Zioni, xi tsakisa a misava yontlhe, Xi le tlhelo ga Nwalungu, a muti wa Hosi ya hombe. Mat. 5:35

2 Samueli 24:24

A hosi yiku ka Arauna: Lezo a hi zona. Nzi ta xava ka wena hi mali, hakuva a nzi zi koti ku nyikela ka Jehova Nungungulu wa mina a muphahlelo wa zilo lezi nzi nga rihelangiko nchumu. Zinghaho Davida i lo xava a nzhimbo ni tihomu hi 50 wa maxekeli ya siliva.

Jeremia 46:18

Nza hlambanya hi kuhanya ka mina, ku wula Hosi, Leyi yi tibyako Jehova wa tiyimpi, Hizinene wata, na a fanana ni Tabor xikari ka zitsunga, Aku khwatsi hi Karmeli hi laha bimbini.

Jeremia 48:15

Moabi i hahlulwe, a miti yakwe yi tuvika a musi, A majaha yakwe ma hlawulekako ma chikile maya kudaweni, Ku wula Hosi leyi a vito ga yona a nga Jehova wa tiyimpi.

Zefania 2:11

Jehova i ta chaviseka kabye, hakuva i ta riza vontlhe vanungungulu va misava; vanhu va ta mu khizamela, munwe ni munwani na hi wutshanwini gakwe a ka wontlhe matiko matlhelweni ya bimhi.

Malaki 2:1

Makunu a xileletelo lexi xa nwina vapristi.

Tisimu 47:3

I ta hi khozisela a matiko, A veka mifumo lahasi ka mikonzo ya hina.

Tisimu 47:8

Nungungulu wa fumela matiko; Nungungulu i tshamile xitshanwini xakwe xo basa.

Tisimu 102:16

Laha Jehova a ta nga vuxa Zioni, A woneka kungangameleni kakwe.