Malaki 1:11 - Tshwa Bible

¹¹ Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Malaki 1:11 Referans Kwoze

Isaya 54:5

Hakuva a Muvangi wa wena hi yena nuna wa wena, Leyi a nga Jehova wa tiyimpi a vito gakwe; Loyi a Basileko wa ka Israeli Mutiruli wa wena, A ta nga vitanwa lezaku i Nungungulu wa misava yontlhe. Rom. 3:29

Isaya 45:6

Kasi va fela ku zi tiva kusukela Mutsuwuka-gambo kala Muhlwa-gambo Lezaku a ku na munwani a handle ka mina; Lezaku nzi Jehova, a nga kona munwani.

Kuvululelwa 5:8

Laha na yi tekile bhuku, a mune wa zimahwa zi hanyako ni 24 wa manghanakana ma lowa lahasi mahlweni ka Yivana; ginwe ni ginwani gi wa hi ni gubhu, ni zibya za nzalama zi teleko hi mpepo, yi nga mikhongelo ya vobasa. Tis. 141:2; Xip. 14:2

Mateu 28:19

hikwalaho fambani, mu va maha vapizani a matiko wontihe, mu va bapatiza hi vito ga Dadani ni ga Nʼwana ni ga Moya wa ku Basa; Isa. 52:10; Mar. 16:15; Kol. 1:23

Zakaria 8:7

Jehova wa tiyimpi i ngalo: Langutani, nzi ta ponisa a vanhu va mina ka tiko ga Mutsuwuka-gambo, ni ka tiko ga Muhlwa-gambo.

Tisimu 50:1

Nungungulu, a nga Nungungulu Jehova, i wulile, Na vitana misava kusukela Mutsuwuka-gambo kala Muhlwa-gambo.

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

Tisimu 141:2

A mukombelo, a wute mahlweni ka wena khwatsi libani; Ni kutlakuswa ka mandla ya mina a ku fane ni muphahlo wa laha gambyeni. Ekso. 30:7; 1 Tim. 2:8; Kuv. 5:8

Tisimu 67:2

Kasi a ndlela ya wena ya tibyiwa laha misaveni, Ni kuhanyisa ka wena xikari ka matiko wontihe. Isa. 60:3; Lu. 2:30

Kuvululelwa 15:4

Himani a ta nga kala ku ku chava, wena Hosi, A nga dzunzeleti a vito ga wena ke? Hakuva hi wena wece u basileko, A matiko wontihe ma tata ma ta ku khizamela: Hakuva a mitiro ya wena yi lulamileko vi wonekelisilwe. Ekso. 15:14-16; Isa. 66:23

1 Timote 2:8

Hikwalaho nzi ranza lezaku ku mahiwa mikhongelo hi vavanuna, matshanwini wontihe, na va tlakusa a mandla yo basa, va nga hi na zanga ni kukanetisana. Mal. 1:11; Joh. 4:21

Va le Filipi 4:18

Nzi kumile zontlhe, nzi nazo ni ku hunza. Nzi talelwe hi ku amukela ha Epafroditusi lezi zi ngata hi le ka nwina, za masema yo nanziha, a muphahlelo wu amukelekako wu xalalisako Nungungulu. 2 Kor. 9:12; Xip. 2:25; Maheb. 13:16

Va le Roma 15:16

lezaku nzi tava xitiri xa Jesu Kristu xikari ka vamatiko, nzi khozela kota mupristi wa ivangeli ya Nungungulu, lezaku a vamatiko vave a munyileko wu amukelekako, na wu basisilwe hi Moya wa ku Basa. Gal. 2:7, 9; 1 Tim. 2:7

Va le Roma 12:1

Hikwalaho vamakabye, nza mu khongotela hi wuxinji ga Nungungulu, lezaku mu nyikela a mimiri ya nwina, yiva a muphahlelo wu hanyako, wo basa, lowu wu xalalisako Nungungulu, ku nga kukhozela ka nwina ku faneleko. 1 Kor. 6:13; Maheb. 10:20

Luka 1:10

A xidlemo xontlhe xa vanhu xi wa yimile lahandle xi khongela hi xikhati xa ku hiswa libani. Levi 16:17; Kuv. 8:3, 4

Malaki 1:14

Kanilezi a rukiwe a mukhohlisi, loyi a phahlelako hi lexi xi nga ni bawa laha a ti bohako hi xifungo, kasilezo i na ni matsune ntlhambini wakwe! Hakuva mina nzi Hosi ya hombe, ku wula Jehova wa tiyimpi, a vito ga mina ga chaveka xikari ka vamatiko.

Zefania 3:9

Hakuva a siku lego nzi ta nyika a matiko milomu yiswa leyi yi basileko, kasi wontlhe ma fela ku vitana a vito ga Jehova, ma mu tirela hi mbilu yinwe.

Zefania 2:11

Jehova i ta chaviseka kabye, hakuva i ta riza vontlhe vanungungulu va misava; vanhu va ta mu khizamela, munwe ni munwani na hi wutshanwini gakwe a ka wontlhe matiko matlhelweni ya bimhi.

Mika 5:4

I ta yima a gisa a tlhambi hi ntamu wa Jehova, ni wukulu ga vito ga Jehova a Nungungulu wakwe. Va ta aka hi kurula, hakuva lezo i tava wa hombe kala magemetamusi ya misava.

Amosi 9:12

kasi va fela ku fumela a misalela ya Edome, ni matiko wontlhe lawa ma vitanwako hi vito ga mina, ku wula Jehova yaloye a ta nga maha lezo.

Isaya 59:19

Lezo va ta chava vito ga Jehova le Muhlwa-gambo, Ni wukulu gakwe le Mutsuwuka-gambo. Laha a nala a tako kukotisa a congo wu khulungako, A moya wa Jehova wu ta mu hlongolisa.

Tisimu 113:3

Kusukela Mutsuwuka-gambo kala Muhlwa-gambo, A gi dumiswe a vito ga Jehova. Mal. 1:11

Mateu 8:11

Nziku ka nwina: A vanyingi va tata hi Mutsuwuka-gambo ni Muhlwa-gambo, va ta tshama na Abrahama, na Isaka, na Jakobe, mufunweni wa tilo; Gen. 12:3; Isa. 2:2, 3; Efe. 3:6

2 Va le Tesalonika 1:12

kasi a vito ga Hosi ya hina Jesu ga fela ku dumiswa ka nwina, na nwinawu mu dumisiwa ka yena, hi tipswalo ta Nungungulu wa hina ni Hosi Jesu Kristu. 1 Ped. 1:7

Mitsengo 7:74

ni nguwana ya nzalama ya khume ga maxekeli, na yi tele hi libani.

Tisimu 45:17

Nzi ta dzumeleta a vito ga wena zizukulwaneni zontlhe, Hikwalaho matiko wontihe ma ta ku dumisa kala kupinzuka.

Tisimu 48:10

Nungungulu, khwatsi hilezi a vito ga wena gi tibyiwako, Zinghaho a kudumisa ka wena ku chikela magumelweni ya misava; A canja ga wena ga xinene gi tele hi kululama.

Tisimu 111:9

I rumele kutlatlheka ka vanhu vakwe, I yimisile a xivumelwano xakwe kala kupinzuka; A vito gakwe gi basile, ga chaveka.

Isaya 12:4

A ka siku lego mu taku: Khesani Jehova, mu khongela vito gakwe; Tlhatihambutelani a zimaho zakwe matikweni, Va tiviseni lezaku vito gakwe gi kulisilwe.

Isaya 12:5

Yimbelelani Jehova hakuva i mahile a zilo zi hlamalisako; A zi tibyiwa misaveni yontlhe.

Isaya 66:18

Hakuva nza yi tiva mitiro yabye ni maalakanyo yabye. A xikhati xata laha nzi ta nga tsombanyisa a matiko wontihe ni tirimi; va tata va ta wona kungangamela ka mina.

Jeremia 10:6

A nga kona a fananako na wena, O Jehova; U wa hombe, a vito ge wena ga hombe hi ntamu.

Jeremia 10:7

O Hosi ya matiko, himani a nga ku chaviko? U fanele ku chabyiwa, Hakuva xikari ka tontlhe titlhari ta vamatiko, Ni ka mifumo yabye yontlhe, Cima a nga kona loyi; a fananako na wena. Kuv. 15:8

Danieli 2:45

Lezi za komba a ribye legi u nga gi wona na gi lemuka laha xitsungeni, gi ta fayetela a xiketse, ni suku, ni wumba, ni siliva, ni nzalama. A Nungungulu wa hombe i tivisile hosi lezi zi ta nga maheka anzhako ka lezi. A noro wu tiyisile, ni tlhamuselo wa wona wu wula zinene.

1 Kronekele 16:25

Hakuva Jehova ngwa hombe, i fanekelwe hi ku dumiswa. Yena wa chaveka ku hunza vanungungulu vontlhe.

Tisimu 48:11

Ngha xitsunga xa Zioni xi tsaka, A va tsake a vanhwana va ka Juda, Hi kota ya kulamula ka wena.

Tisimu 65:9

U enzela misava, u yi tsanisa, U yi pfunisa nguvu; A congo wa Nungungulu wu tele hi mati. Wena u va nyika mavele, loku u longisisile lezo a misava. Deut. 11:11

Tisimu 86:9

A matiko wontihe lawa u ma mahileko ma tata, ma ku khizamela, Hosi, Ma kulisa vito ga wena. Zef. 2:11; Zak. 14:9

Tisimu 96:8

Hlayelani Jehova a wudzunzo legi gi faneleko a vito gakwe, Nehani miphahlelo, mu enghena ziluvelweni zakwe.

Tisimu 138:5

Ti ta khesa a tindlela ta Jehova, Hakuva a wudzunzo ga Jehova ga hombe.

Isaya 19:21

Na Jehova i ta tibyiwa le Gipite, a maGipite ma ta tiva Jehova a ka siku lego; va ta khozela hi miphahlelo ni minyikelo ya zakuga; ina, va ta funga zifungo ka Jehova, va zi tatisa.

Isaya 30:27

Langutani, a vito ga Jehova gata hi le kule, Gita hi nzilo wa zanga yakwe, ni marefu ya musi wo phuma; A milomu yakwe yi tele hi zanga, Ni lirimi lakwe li fanana ni nzilo wu hisako. Ekso. 24:17; 2 Sam. 22:9; Maheb. 12:29

Jeremia 4:2

Loku u hlambanya hi zinene, ni nongameto, ni kululama. Uku: Jehova wa hanya Hizinene, Zonake a matiko ma ta ti katekisa ha yena, Ma ti kulisa ha yena. Gen. 22:18; Deut. 8:13; 2 Kor. 10:17

Malaki 3:3

I ta tshama a nyekisa ni ku basisa a siliva; i ta basisa a vana va ka Levi, a va hluta khwatsi i nzalama ni siliva, zonake va ta humesa minyikelo ka Jehova hi nongameto.