14 Hakuva a kuga ku tiyileko ku fanela a vanhu kulileko, lava ve toloveleko a ku tirisa kupima kabye va kala va zi kota ku hambanyisa a kusaseka ni kubiha. 1 Kor. 2:6; Efe. 4:13; Fil. 3:15
Ngha a woninga a mahlo ya timbilu ta nwina, kasi mu fela ku tiva lezaku xini a kutsumba loku a mu vitaneleko kona, ni lezaku gi talisa kuyini a wukosi ga tshomba yakwe xikari ka vobasa, Miti. 26:18
Ahembalokoke, hina ha wulawula a wutlhari xikari ka lava va mbheleleko; kanilezi na ku nga hi wutlhari ga nguva leyi, hambu ni ga tihosi ta nguva leyi leti ti hunzako. Efe. 4:13; Jak. 3:15
hi kala hina hontlhe hi chikela kuzwaneni ka kukholwa, ni ka ku tiva a Nʼwana wa Nungungulu, ni ka wudota gi mbheleleko, ni ka lipimo la xiyimo xi mbheleleko xa Kristu; Kol. 2:2
Hikwalaho ngha hina hontlhe hi mbheleleko hi hi ni kupima ka kunghaho. Kanilezi loku mu alakanya zinwani hi xilo xo kari, lexo kambe Nungungulu i ta xi vulula ka nwina. 1 Kor. 2:6; 14:20; Gal. 5:10
Hikwalaho nyika a nanza ga wena a mbilu ya ku tivisisa ku lamula vanhu va wena, kasi nza fela ku tiva ku hambanyisa kusasa ni kubiha. Hakuva himani a nga zi kotako ku lamula a vanhu va wena vo tatisa lezi?
A nanza ga wena gi waku: A gezu ga hosi yanga gi ta nzi nyika kurula, hakuva a hosi ya mina yi fanana ni ngelosi ya Nungungulu a ku tiva kusasa ni kubiha; hikwalaho Jehova Nungungulu wa wena ave zinwe na wena!
Nungungulu i te ngalo kakwe: Lezi wena u kombeleko, na u nga kombeli wutomi go leha, hambu ku kombela a kuva ni pfuno, ge hambu ku kombelela a valala va wena lezaku vafa, kanilezi wena u lo ti kombelela a ku pimisisa a ku tsema timhaka,
Hakuva hontlhe ha khubeka hi zilo zinyingi; loku munhu a nga khubeki hi kuwulawula, yaloye i munhu a mbheleleko, loyi a zi kotako ku khoma ni miri wakwe wontihe hi matomu. 1 Tih. 8:46; Mat. 12:37
Khwatsi hi sinya ya mamasa xikari ka tisinya ta khwati, Zinghaho ni xiranzwa xa mina xikari ka majaha. Hi litsako la hombe nzi tshama hasi nzhutini wakwe, A mbanzo wakwe wa nanziha nonwini wa mina.
Hikwalaho a hi tsikeni ku wulawula hi timhaka to sangula ta gonzo ya Kristu, hi komama mahlweni kumbheleni; hi nga ha aki a xiseketelo, ku nga kuhunzuluka mitirweni leyi yi fileko, ni kukholwa ka Nungungulu, Fil. 3:12-14; Xip. 5:12