Maheberu 4:16 - Tshwa Bible

¹⁶ Hikwalaho a hi tshineleni hi kutiya xitshanwini xa wuhosi xa tipswalo, kasi hi fela ku mahelwa wuxinji, hi kuma tipswalo ta ku hi vuna xikhatini xa kuvumala.

Maheberu 4:16 Referans Kwoze

Va le Efesusi 3:12

loyi hi tiyako ha yena a ku tshinela ka Nungungulu hi kutsumba, hi kukholwa ka yena.

Maheberu 7:25

Hi kota ya lezo i na ni ntamu wa ku hanyisa hi kumbheleleko vona lava va tshinelako ka Nungungulu ha yena, hakuva wa hanya xontlhe xikhati kasi ku va kombelela.

Maheberu 13:6

Hikwalaho hi nga wula na hi tiyilehlana, hiku: A Hosi hi muvuni wa mina, nzi nga ta chava; A vanhu va nga nzi mahela yini ke? Tis. 27:1; 56:11, 12

1 Pedro 2:10

nwina lava a kale mu nga kala mu nga hi tiko, kanilezi makunu mu tiko ga Nungungulu; nwina lava mu nga kala mu nga mahelwangi wuxinji, kanilezi makunu mu mahelwe wuxinji. Hos. 2:23; Rom. 9:25

Va le Efesusi 2:18

Hakuva ha yena ha zi kota ku enghena hi wumbiri ga hina hi Moya munwe ka Dadani.

Maheberu 7:19

(hakuva a nayo a wu mbhelelisangi nchumu), ku engheniswa a kutsumba ka chukwana, loku hi tshinelako ka Nungungulu ha kona. Miti. 13:39; Rom. 5:2; Xip. 6:18

Levi 16:2

Jehova i te ngalo ka Mosi; Byela nakuloni Aroni, lezaku a nga dzuki a enghena zontlhe zikhati lomu ka wutshamu ga kubasa, lomu nzeni ka nguwo leyi yi sirelako, a mahlweni ka xitshamu xa wuxinji lexi xi nga laha ka arke, a nga dzuka afa; hakuva nzi ta ti wonekelisa hi refu le hehla ka xitshamu xa wuxinji.

Maheberu 9:5

Le hehla ka nghaxa ku wa hi kona a makerubima ya kungangamela, lawa ma nga sirela a xitshamu xa wuxinji; kanilezi a hi na xikhati makunu ku wulawula hi xinwe ni xinwani xa zona. Ekso. 25:22

Isaya 27:11

Loku maravi ma womile, ma ta tshobyiwa, A vavasati va ta va dzivela nzilo ha wona; Hakuva i tiko gi nga tlharihangiko, Hikwalaho a muvangi wa gona a nga ta gi zwela wusiwana, Ni loyi a nga va wumba a nga ta va mahela tipswalo.

1 Kronekele 28:11

Zonake Davida i lo nyika ka nʼwana wakwe Solomoni a xikombiso xa nyangwa ya tempeli, ni xa tiyindlu ta yona, ni xa tiyindlu ta titshomba ta kona, ni xa tikwarutu ta lomu xikari, ni xa yindlu ya ku khongelela kona.

Maheberu 3:6

kanilezi Kristu i wa tsumbekile khwatsi hi nʼwana hehla ka yindlu ya Nungungulu. A yindlu yakwe yi nga hina, loku hi khomisisa a kutiya ka hina, ni ku kulisa a kutsumba ka hina kala kugumeseni. Mat. 24:13; 2 Kor. 6:16; Efe. 2:21, 22