Maheberu 12:22 - Tshwa Bible

²² Kanilezi nwina mu tile xitsungeni xa Zioni, ni le mutini wa Nungungulu a hanyako, a Jerusalema ga le tilweni, ni ka tingelosi ti nga hlayiwiko, Fil. 3:20; Kuv. 3:12

Maheberu 12:22 Referans Kwoze

Va le Filipi 3:20

Kanilezi hina a wusumbulwa ga hina gi le tilweni; ku nga leyo hi rinzelako Muhanyisi kuta ha kona, a nga Hosi Jesu Kristu. 1 Kor. 1:7; Kol. 3:1, 3; 1 Tes. 1:10; 2 Tim. 4:8; Tit. 2:13

Va le Galatia 4:26

Kanilezi Jerusalema wa le hehla i tlhatlhekile, hi yena mamani wa hina, Isa. 2:2; Maheb. 12:22; Kuv. 3:12; 21:2

Kuvululelwa 14:1

Zonake nzi lo cuwuka nzi wona Yivana na yi yimile xitsungeni xa Zioni, na yi hi ni 144,000 lava va tsalilweko a vito ga yona ni vito ga Dadani wa yona laha zimombyeni zabye. Xip. 7:3, 4; 5:6

Tisimu 48:2

Xi sasekile a xitsunga xa Zioni, xi tsakisa a misava yontlhe, Xi le tlhelo ga Nwalungu, a muti wa Hosi ya hombe. Mat. 5:35

Kuvululelwa 21:2

Nzi lo wona muti wo basa, a Jerusalema giswa, na gi relela hi le tilweni ka Nungungulu, na gi longisilwe kota muswika a bombiselweko nuna wakwe. Isa. 52:1; 2 Kor. 11:2; Maheb. 12:22

Isaya 51:11

Hikwalaho a vatirulweko va Jehova va ta tlhela, Va wuya Zioni hi tisimu ta migiyo; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:20, 22; Kuv. 21:4

Kuvululelwa 22:19

Loku munhu a susa timhaka tinwani bhukwini ga loku kuprofeta, Nungungulu i ta susa xiavelo xakwe sinyeni ya wutomi, ni lomu mutini wo basa, ku tsalilweko ha zona bhukwini legi. Ekso. 32:33; Tis. 69:28; Xip. 3:5; 21:2

Kuvululelwa 3:12

Loyi a hlulako nzi ta mu maha mhanze tempeleni ya Nungungulu wa mina, zonake a nga ta huma kona kambe. Nzi ta tsala hehla kakwe a vito ga Nungungulu wa mina, ni vito ga muti wa Nungungulu wa mina, ga Jerusalema giswa, legi gi relelako hi le tilweni ka Nungungulu wa mina, ni vito legi giswa ga mina wutsumbu. Xip. 22:4; 1 Tih. 7:21; Maheb. 12:22

Maheberu 13:14

Hakuva seno a hi na muti wu simamisako, kanilezi hi lava lowu wu ta ngata. Mika 2:10; Fil. 3:20

Maheberu 11:10

Hakuva yena i lo cuwukela a muti lowu wu nga ni ziseketelo, lowu Nungungulu a nga muaki ni mumahi wa wona. Kuv. 21:2

Joeli 2:32

Ku ta maheka lezaku ni wihi a ta nga khongela vitweni ga Jehova i ta hanyiswa; hakuva le xitsungeni xa Zioni ni le Jerusalema ku tava kona lava va ponileko, khwatsi hilezi Jehova a wulileko zona, xikari ka lava va seleko ku tava ni lava va ta nga vitanwa hi Jehova. Obad. 17; Rom. 10:13

Hosea 1:10

Hambulezo a tsengo wa vanana va ka Israeli wu ta fanana ni tsengo wa seke ga bimbi gi nga zi kotiko ku hlayiwa hambu ku pimiwa. Ku ta chikela xikhati xaku lezi va nga byelilwe ku ngalo: A mu vanhu va mina, ku ta wuliwa ka vona lezaku: Mu vana va Nungungulu a hanyako. Gen. 32:12; Rom. 9:25; 1 Ped. 2:10

Danieli 7:10

Ku lo huma a congo wa nzilo hi le mahlweni kakwe, a mazana ya mazana ma lo mu khozela, ni 10,000 ma wuyetilweko hi 10,000 ma lo yima mahlweni kakwe. Ku wa hi ni hubye yo lamula, ku vululiwa mabhuku. Kuv. 5:11; 20:12

Isaya 60:14

A vana va vaxanisi vawena va tata ka wena va ku koramela, Ni vontlhe lava va nga ku nyenya va ta ku khizamela mikonzweni ya wena, Va ta ku vitana lezaku u Muti wa Jehova, A Zioni wa Loyi a Basileko wa ka Israeli.

Isaya 59:20

A mutiruli i tata le Zioni, Ni ka va ka Jakobe lava va hunzulukako zihambunyetweni zabye, Ku wula Jehova. Rom. 11:28

Isaya 28:16

Hikwalaho Hosi Jehova i ngalo: Langutani, nza veka a ribye giva xiseketelo le Zioni, A ribye gi ringilweko, a ribye ga magumo, ga lisima, a xiseketelo xi tiyileko; Loyi a gi tsumbako a nga ta tsutsuma. Tis. 118:22; Mat. 21:42; Rom. 9:33

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

2 Tihosi 19:4

Kutani Jehova Nungungulu wa wena i zwile tontlhe timhaka ta Rabxeka, leti a rumilweko hi nwinyi wakwe a hosi ya le Asiria, a ku ta rukatela Nungungulu loyi a hanyako; kutani Jehova Nungungulu wa wena i ta kawuka a timhaka leti a ti zwileko, na wena u ta maha mukombelo hi kota ya vanhu lava va seleko.

Kuvululelwa 21:10

Yi lo nzi yisa hi moya xitsungeni xa hombe xo leha, yi nzi kombeta Jerusalema a muti lowu wo basa, na wu relela hi le tilweni ka Nungungulu, Ezek. 43:5; Xip. 1:10; 17:3

Kuvululelwa 7:2

Zonake nzi lo wona yinwani ngelosi na yi huma hi le Mutsuwuka-gambo, yi hi ni xifungo xa Nungungulu a hanyako. Yi loba hungu hi gezu ga hombe ka tingelosi leti ta mune ti nyikilweko a ntamu wa ku onha a misava ni bimbi,

Juda 1:14

Na Enoki, a wa wuntlhanu ni wumbiri ku sukela ka Adamu, i lo profeta ha vona, aku: Langutani, a Hosi yata zinwe ni vobasa va yona va makume ya mazana, Gen. 5:18; Deut. 33:2; Dan. 7:10

Danieli 6:26

Nzaba nyiwo lezaku a matlhelweni wontihe ya mufumo wa mina, a vanhu a va rurumele va chava a Nungungulu wa Danieli. Hakuva i Nungungulu a hanyako a teku tsoma, ni mufumo wakwe a wu na magumo, ni kufuma kakwe ku ta simamisa kala kupinzuka.

Jeremia 10:10

Kanilezi Jehova i Nungungulu wa zinene, I Nungungulu loyi a hanyako, a Hosi ya pinzukelwa; A misava yi rurumela zangeni yakwe, A matiko a ma na ku yima mahlweni ka khulo gakwe.

Isaya 51:16

Nzi vekile a timhaka ta mina no nwini wa wena, Nzi ku fihlile nzhutini wa canja ga mina, Kasi ku andlala tilo ni ku aka ziseketelo za misava, Ni ku wula ka Zioni, aku: Wena u tiko ga mina! Deut. 18:18; Jer. 1:9

Tisimu 87:3

A timhaka ta wudzunzo ta wulawuliwa ha wena, Muti wa Nungungulu. (Sela.) Isa. 2:2; Mika 4:1-4

Tisimu 84:2

A muhefemulo wa mina wa xuva, ina, wa navela a ziluvelo za Jehova; A mbilu ya mina ni miri wa mina za rilela hi kutsaka ka Nungungulu a hanyako.

Tisimu 2:6

Aku: Hi mina nzi vekileko a hosi ya mina Le Zioni, a xitsunga xa mina xi basileko.

Joxua 3:10

Zonake Joxua aku: Inyamutlha mu ta zi tiva lezaku i kona Nungungulu a hanyako xikari ka nwina, ni lezaku futsi i ta panzanya mahlweni ka nwina a vaKanani, ni vaHiti, ni vaHivi, ni vaPerezi, ni vaGirgaxi, ni vaAmori, ni vajebusi.

Deuteronome 33:2

Jehova i lota hi le Sinai, A ta va tsuwukela hi le Seire: I lo woninga na hi le xitsungeni xa Parani, Na sukela xikari ka zidlemo zo basa; Lomu canjeni gakwe a nzilo wa nayo wu lo va humelela. Dan. 7:10; Miti. 7:53; Gal. 3:19

Deuteronome 5:26

Hakuva mbamani va ngazwa kukotisa hina a gezu ga Nungungulu loyi a hanyako na gi wulawula hi lomu nzilweni, va hanya ke? Vala. 13:22

Maheberu 10:31

Za chavisa a ku wela mandleni ya Nungungulu a hanyako. Lu. 12:5

Maheberu 9:14

nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14

Maheberu 3:12

Tlharihani vamakabye, ku nga taku yi hi kona ka munwe wa nwina a mbilu yi bihileko yi nga kholwiko, ya ku fularela Nungungulu loyi a hanyako.

1 Va le Tesalonika 1:9

Hakuva a vanhu va hi hlawutela hi maenghenela ya hina xikari ka nwina, ni kutsika ka nwina a zifananiso mu hunzulukela ka Nungungulu, kasi ku khozela loyi a hanyako ni wa zinene,

Va le Roma 11:26

zonake a vaIsraeli vontlhe va ta hanyiswa, kota lezi ku tsalilweko, ku ngalo: Ku ta huma a Mutlhatlhisi hi le Zioni, I ta susa a zivi zontlhe ka Jakobe. Tis. 14:7; Isa. 60:15; Jer. 3:18

Va le Roma 9:26

Ku ta maheka lezaku a wutshanwini legi ku nga wulilwe kabye ku ngalo: A mu vanhu va mina, Kwalaho va ta vitanwa ku ngalo: Vana va Nungungulu a hanyako. Hos. 1:10

Mateu 5:35

hambu hi misava, hakuva xikhegetelo xa mikonzo yakwe; hambu hi Jerusalema, hakuva hi muti wa Hosi ya hombe.

Isaya 14:32

Va ta hlamula yini ka mitsukano ya maFilistia? Va taku: Jehova i akile xiseketelo xa Zioni, A va tsimbeketilweko xikari ka vanhu vakwe va ta chavela kona.

Tisimu 68:17

A tikareta ta Nungungulu ti hi mazana ya mazana, Ku nga makume ya mazana ma wuyetilweko, A Hosi yi lomu xikari ka tona; Sinai gi lomu wutshanwini gi basileko. Dan. 7:10

Mateu 16:16

Simoni Pedro i lo hlamula aku ngalo: Wena u Kristu, Nʼwana wa Nungungulu a hanyako. Xip. 14:33; Maheb. 1:5; 1 Joh. 4:15

Tisimu 42:2

A muhefemulo wa mina wuzwa tora ha Nungungulu, ha yena Nungungulu a hanyako; Hi rini nzi ta ngata nzi ta woneka mahlweni ka Nungungulu ke?

Isaya 24:23

Zonake a hweti yi tava ni tingana, ni gambo gi wiswa tingana; hakuva Jehova wa tiyimpi i ta fuma le xitsungeni xa Zioni ni le Jerusalema, ni masingalakati yakwe ma ta wona kungangamela kakwe.

Isaya 27:13

Masikwini lawo ku ta biwa a punzu wa hombe, Zonake lava va nga wa lahlekile tikweni ga Assiria Ni lava va nga tsutsumele tikweni ga le Gipite, Va tata va ta khizamela Jehova xitsungeni xi basileko le Jerusalema.

Jeremia 17:25

zonake ku ta engheniwa hi tinyangwa ta muti lowu, a tihosi ni tihosana ti tshamileko xitshanwini xa wuhosi xa Davida, na ti khilele tikareta ni mahaxi, ti lanzelwa hi tihosana tabye, ni vanhu va ka Juda, ni vaaki va Jerusalema; ni muti lowu wu tava ni vanhu kala kupinzuka.

Va le Efesusi 2:19

Hikwalaho a ma ha hi vapfhumba ni valuveli, kanilezi mu zisumbulwa zinwe ni vobasa, mu va le ngangweni wa Nungungulu.

2 Timote 4:18

Kunene a Hosi yi ta nzi hlanguta mitirweni yontlhe ya kubiha, yi nzi hanyisela a mufumo wa yona wa le tilweni. A wudzunzo a give ka yona kala kupinzuka ni kupinzuka. Amen! Tis. 121:7

Maheberu 11:16

Kanilezi makunu va navela a tiko gi nene ku hunza gona, legi gi nga le tilweni; hi kota ya lezo Nungungulu a nga na tingana a ku vitanwa lezaku i Nungungulu wabye; hakuva i va longisele muti. Ekso. 3:6, 15; Fil. 3:20