Maheberu 12:14 - Tshwa Bible

¹⁴ Lavani kurula ni vanhu vontlhe, ni kubasiswa loku munhu a nga zi kotiko ku wona Hosi loku a nga hi nako. Mat. 5:8

Maheberu 12:14 Referans Kwoze

2 Va le Korinte 7:1

Hikwalaho na hi hi ni zitsumhiso lezi, varanzekako, a hi ti hlazeni kunyenyezeni kontlhe ka miri ni moya, hi mbhelelisa a kubasiswa ka hina a kuchaveni ka Nungungulu. 1 Joh. 3:3

1 Va le Tesalonika 4:7

Hakuva Nungungulu a nga hi vitanelangi zivini, kanilezi i hi vitanele kubasisweni. Levi 11:44

1 Pedro 3:11

Ngha a fularela a za kubiha, a maha kusaseka; A lave kurula, a ku lanzela. Isa. 1:16, 17

Va le Roma 12:18

Loku zi maheka, ni loku nwina mu zi kota, tshamani hi kurula ni vanhu vontlhe.

Va le Roma 14:19

Hikwalaho a hi hloteni lezi zi vangako kurula, ni zilo lezi hi ta nga akana ha zona. Tis. 34:14; 1 Kor. 14:12

Mavingu 16:7

Loku a tindlela ta munhu ti mu tsakisa Jehova, a vanga kurula xikari kakwe ni valala vakwe.

1 Va le Tesalonika 3:13

kasi yi fela ku tiyisa a timbilu ta nwina ti nga hi na kusoleka kubasisweni a mahlweni ka Nungungulu Dadani, a kuwuyeni ka Hosi ya hina Jesu zinwe ni vobasa vakwe vontlhe. Zak. 14:5; Juda 14

Va le Roma 6:22

Kanilezi makunu na mu tlhatlhisilwe kuonheni, na mu hi malanza ya Nungungulu, mu bhinzule a kubasiswa, ni magumeso ya kona hi wutomi ga pinzukelwa.

Tisimu 34:14

Suka kubiheni, u maha kusaseka; Hlota kurula, u ku lanzela. Rom. 12:18; Maheb. 12:14

3 Johani 1:11

Xiranzwa, u nga pimanyisi lezi za kubiha, kanilezi pimanyisa lezi zo saseka. Loyi a mahako kusaseka ngwa Nungungulu; kanilezi loyi a mahako kubiha a nga mu wonangi Nungungulu. Tis. 37:27; Isa. 1:16, 17; 1 Joh. 2:29

Va le Efesusi 5:5

Hakuva ma zi tiva khwatsi lezaku a zirembi, ni vanhu va nga hlazekangiko, ni vanhu va likaka lava va khozelako zifananiso, va nga tava ni tshomba mufunweni wa Kristu ni Nungungulu. Kuv. 22:15

Isaya 51:1

Nzi ingiseni nwina lava mu hlotako kululama, Nwina lava mu lavako Jehova. Cuwukani ka ribye legi mu tekilweko ka gona, Ni ka mugodi lowu mu humesilweko ka wona.

Maheberu 12:10

Kunene vona va lo hi tsayisa xikhatanyana, kota lezi zi nga woneka na zi sasekile ka vona; kanilezi Nungungulu wa hi tsayisa a kuva hi vuneka, kasi hi fela kuva ni kubasa kakwe. 1 Ped. 1:15

1 Timote 6:11

Kanilezi wena munhu wa Nungungulu, potsoloka lezi zilo, u hlota kululama, a kukhozela Nungungulu, a kukholwa, a liranzo, a kutimisela, ni kurula. Deut. 33:1

Mavingu 15:1

A hlamulo wu olovileko wu rengisa khulo, anilezi a timhaka ti tlhavako ti vindlusa zanga. 1 Sam. 25:23; Mav. 25:15

1 Pedro 3:13

Xana himani a ta nga mu mahela kubiha loku mu pangamela lezi za zinene ke?

Marku 9:50

A munyu wu sasekile, kanilezi loku munyu wu pswhama, mu ta wu lunga hi yini ke? Tshamani ni munyu nzeni ka nwina, mu hi ni kurula munwe ni munwani. Mat. 5:13; Lu. 14:34; Efe. 4:29

Tisimu 120:6

A muhefemulo wa mina wu karele Ku tshama ni lava va vengako kurula.

2 Pedro 3:11

Kota lezi zontlhe lezi zi ta nga nyamalaliswa, nwina mu fanele a kuva vanhu ba kuyini mahanyeleni wontihe yo basa ni wukhongeli!

1 Va le Korinte 1:10

Makunu nza mu khongotela, vamakabye, hi vito ga Hosi ya hina Jesu Kristu, lezaku mu wulawula xilo xinwe, kasi ku ngavi kona kuhambana xikari ka nwina, kanilezi mu zwanana hi kualakanya ni kupima.

Mavingu 17:14

A kusangula ka timholova ku khwatsi hi loku a mati ma halaka; ikwalaho tsika kukanetisana na ti nga se sangula timholova.

Luka 1:75

Hi kubasa ni kululama mahlweni ka yena masikwini wontihe ya hina.

2 Timote 2:22

Potsoloka a kumbilukela ka lava vaswa, u lanza kululama, ni kukholwa, ni liranzo, ni kurula, zinwe ni lava va khongelako ka Hosi hi timbilu ti basileko.

1 Va le Tesalonika 5:15

Cuwukani lezaku munhu a nga tlheliseli kubiha hi kubiha; kanilezi xontlhe xikhati mahani kusaseka munwe ka munwani ni ka vanhu vontlhe. Levi 19:18; Mav. 24:29

Tisimu 133:1

Hi nga wonani kutsakisa ka zona, Loku maxaka ma hanya khatiginwe hi kuzwanana.

Tisimu 94:15

A kulamula ku ta tlhela ku mahiwa hi nongameto, Ni lava va kubasa timbilu va ta ku lanzela.

Tisimu 38:20

Lava va tlheliselako kusaseka hi kubiha, Valwa na mina hakuva nzi lanzela kusaseka.

Joba 19:26

Hambu loku a hlonge ya miri wa mina yi onhekile, Nzi ta mu wona Nungungulu na nzi nga ha hi nyameni. 1 Kor. 13:12

Joba 33:26

Loku a kombela Nungungulu i ta mu hawukela; A mu kombeta nghohe yakwe hi kutsaka, Hakuva i ta tlhelisela munhu loye a kululama kakwe. Isa. 58:9

Genesisi 32:30

Jakobe i lo chula a vito ga wutshamu lego ku Penueli; hakuva i te ngalo, Nzi wonile Nungungulu nghohe hi nghohe, hambu zi hi tano a wutomi ga mina gi lonzowotilwe.

2 Pedro 3:18

Kanilezi kutani tipswalweni ni kutiveni ka Hosi ni Muhanyisi wa hina Jesu Kristu. Ka yena a kuve wudzunzo makunu ni kala kupinzuka. Amen. Efe. 4:15; 1 Ped. 2:2; Kuv. 1:6

Va le Filipi 3:12

A hi lezaku nzi sina nzi ku kumile, kutani nzi sina nzi mbhelele; kanilezi nzi tsimbeketa nziya mahlweni, lezaku kutani nzi ta zi khoma lezi nzi nga khomelwa zona hi Kristu Jesu. 1 Tim. 6:12; Maheb. 12:23

2 Va le Korinte 6:17

Hikwalaho ti hambanyiseni mu huma xikari ka vona, ku wula Hosi; mu nga khumbi a xilo xo nyenyeza, zonake nzi ta mu amukela. Isa. 52:11; Kuv. 18:4

1 Va le Korinte 13:12

Hakuva makunu hi wonisa lirambela, khwatsi hi laha wonini, kanilezi hi lexo xikhati hi ta wonana nghohe ni nghohe. Makunu nza tiva khihlanya ntsena, kanilezi hi lexo xikhati nzi ta tiva zontlhe kota lezi mina nzi tibyilweko hi kuteleko. Mat. 18:10; 2 Kor. 3:18; 5:7; 1 Joh. 3:2

Va le Galatia 3:21

Xana a nayo wu alana ni zitsumhiso za Nungungulu ke? Kokwihi, hakuva loku wu wa nyikilwe ka vanhu a nayo lowu wu zi kotako ku hanyisa, hakunene a kululama ngha ku tile hi nayo.

Maheberu 9:28

hizalezo Kristu kambe, na a nyikelwe kanwe, kasi ku rwala a zionho za vanyingi, i ta woneka hi xikhati xa wumbiri a handle ka kuonha, a ka lava va mu rinzelako lezaku a va hanyisa. Rom. 6:10; Tit. 2:13; 1 Ped. 2:24

Valamuli 11:14

Jefta i lo engeta a rumela kambe a mitsumi ka hosi ya va ka Amoni;